Strabo, Geography, book 3, chapter 4 30:

(스트라본, 지리학, book 3, chapter 4 30:)

πελτασταὶ δ’ ἅπαντεσ, ὡσ εἰπεῖν, ὑπῆρξαν οἱ Ἴβηρεσ καὶ κοῦφοι κατὰ τὸν ὁπλισμὸν διὰ τὰσ λῃστείασ, οἱούσ ἔφαμεν τοὺσ Λυσιτανούσ, ἀκοντίῳ καὶ σφενδόνῃ καὶ μαχαίρα χρώμενοι· ταῖσ δὲ πεζαῖσ δυνάμεσι παρεμέμικτο καὶ ἱππεία, δεδιδαγμένων ἵππων ὀρειβατεῖν καὶ κατοκλάζεσθαι ῥᾳδίωσ ἀπὸ προστάγματοσ, ὅτε τούτου δέοι. φέρει δ’ ἡ Ἰβηρία δορκάδασ πολλὰσ καὶ ἵππουσ ἀγρίουσ. ἔστι δ’ ὅπου καὶ αἱ λίμναι πληθύουσιν ὀρνέοισ. εἰσὶ δὲ κύκνοι καὶ τὰ παραπλήσια, πολλαὶ δὲ καὶ ὠτίδεσ· κάστορασ φέρουσι μὲν οἱ ποταμοί, τὸ δὲ καστόριον οὐκ ἔχει τὴν αὐτὴν δύναμιν τῷ Ποντικῷ· ἴδιον γὰρ τῷ Ποντικῷ πάρεστι τὸ φαρμακῶδεσ, καθάπερ ἄλλοισ πολλοῖσ. ἐπεί, φησὶν ὁ Ποσειδώνιοσ, καὶ ὁ Κύπριοσ χαλκὸσ μόνοσ φέρει τὴν καδμείαν λίθον καὶ τὸ χαλκανθὲσ καὶ τὸ σπόδιον. ἴδιον δ’ εἴρηκεν Ἰβηρίᾳ ὁ Ποσειδώνιοσ καὶ τὸ τὰσ κορώνασ μελαίνασ εἶναι καὶ τὸ τοὺσ ἵππουσ τῶν Κελτιβήρων ὑποψάρουσ ὄντασ, ἐπειδὰν εἰσ τὴν ἔξω μεταχθῶσιν Ἰβηρίαν, μεταβάλλειν τὴν χρόαν. ἐοικέναι δὲ τοῖσ Παρθικοῖσ· καὶ γὰρ ταχεῖσ εἶναι καὶ εὐδρόμουσ μᾶλλον τῶν ἄλλων.

일치하는 문장이 없습니다.

SEARCH

MENU NAVIGATION