Strabo, Geography, book 3, chapter 4 26:

(스트라본, 지리학, book 3, chapter 4 26:)

αὐτῶν τε τῶν Κελτιβήρων εἰσ τέτταρα μέρη διῃρημένων οἱ κράτιστοι μάλιστα πρὸσ ἑώ εἰσὶ καὶ πρὸσ νότον οἱ Ἀρουάκοι, συνάπτοντεσ Καρπητανοῖσ καὶ ταῖσ τοῦ Τάγου πηγαῖσ· πόλισ δ’ αὐτῶν ὀνομαστοτάτη Νομαντία. ἔδειξαν δὲ τὴν ἀρετὴν τῷ Κελτιβηρικῷ πολέμῳ τῷ πρὸσ Ῥωμαίουσ εἰκοσαετεῖ γενομένῳ· πολλὰ γὰρ στρατεύματα σὺν ἡγεμόσιν ἐφθάρη, τὸ δὲ τελευταῖον οἱ Νομαντῖνοι πολιορκούμενοι ἀπεκαρτέρησαν πλὴν ὀλίγων τῶν ἐνδόντων τὸ τεῖχοσ. καὶ οἱ Λούσωνεσ δὲ ἑῷοί εἰσι, συνάπτοντεσ καὶ αὐτοὶ ταῖσ τοῦ Τάγου πηγαῖσ. τῶν δ’ Ἀρουάκων ἐστὶ καὶ Σεγήδα πόλισ καὶ Παλλαντία. διέχει δὲ Νομαντία τῆσ Καισαραυγούστασ, ἣν ἔφαμεν ἐπὶ τῷ Ἴβηρι ἱδρῦσθαι, σταδίουσ ἐπὶ ὀκτακοσίουσ. καὶ Σεγοβρίγα δ’ ἐστὶ τῶν Κελτιβήρων πόλισ καὶ Βίλβιλισ, περὶ ἃσ Μέτελλοσ καὶ Σερτώριοσ ἐπολέμησαν. Πολύβιοσ δὲ τὰ τῶν Ουἀκκαίων καὶ τῶν Κελτιβήρων ἔθνη καὶ χωρία διεξιὼν συλλέγει ταῖσ ἄλλαισ πόλεσι καὶ Σεγεσάμαν καὶ Ἰντερκατίαν. φησὶ δὲ Ποσειδώνιοσ Μάρκον Μάρκελλον πράξασθαι φόρον ἐκ τῆσ Κελτιβηρίασ τάλαντα ἑξακόσια, ἐξ οὗ τεκμαίρεσθαι πάρεστιν ὅτι καὶ πολλοὶ ἦσαν οἱ Κελτίβηρεσ καὶ χρημάτων εὐποροῦντεσ, καίπερ οἰκοῦντεσ χώραν παράλυπρον. Πολυβίου δ’ εἰπόντοσ τριακοσίασ αὐτῶν καταλῦσαι πόλεισ Τιβέριον Γράκχον, κωμῳδῶν φησι τοῦτο τῷ Γράκχῳ χαρίσασθαι τὸν ἄνδρα, τοὺσ πύργουσ καλοῦντα πόλεισ, ὥσπερ ἐν ταῖσ θριαμβικαῖσ πομπαῖσ. καὶ ἴσωσ οὐκ ἄπιστον τοῦτο λέγει· καὶ γὰρ οἱ στρατηγοὶ καὶ οἱ συγγραφεῖσ ῥᾳδίωσ ἐπὶ τοῦτο φέρονται τὸ ψεῦσμα καλλωπίζοντεσ τὰσ πράξεισ, ἐπεὶ καὶ οἱ φάσκοντεσ πλείουσ ἢ χιλίασ τὰσ τῶν Ἰβήρων ὑπάρξαι πόλεισ ἐπὶ τοῦτο φέρεσθαί μοι δοκοῦσι, τὰσ μεγάλασ κώμασ πόλεισ ὀνομάζοντεσ. οὔτε γὰρ ἡ τῆσ χώρασ φύσισ πόλεων ἐπιδεκτικὴ πολλῶν ἐστι διὰ τὴν λυπρότητα ἢ διὰ τὸν ἐκτοπισμὸν καὶ τὸ ἀνήμερον, οὔθ’ οἱ βίοι καὶ πράξεισ αὐτῶν ἔξω τῶν κατὰ τὴν παραλίαν τὴν καθ’ ἡμᾶσ ὑπαγορεύουσι τοιοῦτον οὐδέν· ἄγριοι γὰρ οἱ κατὰ κώμασ οἰκοῦντεσ· τοιοῦτοι δ’ οἱ πολλοὶ τῶν Ἰβήρων· αἱ δὲ πόλεισ ἡμεροῦσιν οὐδ’ αὗται ῥᾳδίωσ, ὅταν πλεονάζῃ τὸ τὰσ ὕλασ ἐπὶ κακῷ τῶν πλησίον οἰκοῦν.

일치하는 문장이 없습니다.

SEARCH

MENU NAVIGATION