Strabo, Geography, book 3, chapter 4 6:

(스트라본, 지리학, book 3, chapter 4 6:)

μετὰ ταύτην Ἄβδηρα Φοινίκων κτίσμα καὶ αὐτή. ὑπὲρ δὲ τῶν τόπων ἐν τῇ ὀρεινῇ δείκνυται Ὀδύσσεια καὶ τὸ ἱερὸν τῆσ Ἀθηνᾶσ ἐν αὐτῇ, ὡσ Ποσειδώνιόσ τε εἴρηκε καὶ Ἀρτεμίδωροσ καὶ Ἀσκληπιάδησ ὁ Μυρλεανόσ, ἀνὴρ ἐν τῇ Τουρδητανίᾳ παιδεύσασ τὰ γραμματικὰ καὶ περιήγησίν τινα τῶν ἐθνῶν ἐκδεδωκὼσ τῶν ταύτῃ. οὗτοσ δέ φησιν ὑπομνήματα τῆσ πλάνησ τῆσ Ὀδυσσέωσ ἐν τῷ ἱερῷ τῆσ Ἀθηνᾶσ ἀσπίδασ προσπεπατταλεῦσθαι καὶ ἀκροστόλια. ἐν Καλλαϊκοῖσ δὲ τῶν μετὰ Τεύκρου στρατευσάντων τινὰσ οἰκῆσαι, καὶ ὑπάρξαι πόλεισ αὐτόθι, τὴν μὲν καλουμένην Ἕλληνεσ τὴν δὲ Ἀμφίλοχοι, ὡσ καὶ τοῦ Ἀμφιλόχου τελευτήσαντοσ δεῦρο καὶ τῶν συνόντων πλανηθέντων μέχρι τῆσ μεσογαίασ. καὶ τῶν μεθ’ Ἡρακλέουσ δέ τινασ καὶ τῶν ἀπὸ Μεσσήνησ ἱστορῆσθαί φησιν ἐποικῆσαι τὴν Ἰβηρίαν, τῆσ δὲ Κανταβρίασ μέροσ τι κατασχεῖν Λάκωνασ καὶ οὗτόσ φησι καὶ ἄλλοι. ἐνταῦθα δὲ καὶ Ὠκέλλαν πόλιν Ὠκέλλα κτίσμα λέγουσι τοῦ μετὰ Ἀντήνοροσ καὶ τῶν παίδων αὐτοῦ διαβάντοσ εἰσ τὴν Ἰταλίαν. καὶ ἐν τῇ Λιβύῃ δὲ πεπιστεύκασί τινεσ τοῖσ τῶν Γαδειριτῶν ἐμπόροισ προσέχοντεσ, ὡσ καὶ Ἀρτεμίδωροσ εἴρηκεν, ὅτι οἱ ὑπὲρ τῆσ Μαυρουσίασ οἰκοῦντεσ πρὸσ τοῖσ ἑσπερίοισ Αἰθίοψι Λωτοφάγοι καλοῦνται, σιτούμενοι λωτόν, πόαν τινὰ καὶ ῥίζαν, οὐ δεόμενοι δὲ ποτοῦ, οὐδὲ ἔχοντεσ διὰ τὴν ἀνυδρίαν, διατείνοντεσ καὶ μέχρι τῶν ὑπὲρ τῆσ Κυρήνησ τόπων. ἄλλοι τε πάλιν καλοῦνται Λωτοφάγοι τὴν ἑτέραν οἰκοῦντεσ τῶν πρὸ τῆσ μικρᾶσ Σύρτεωσ νήσων, τὴν Μήνιγγα.

일치하는 문장이 없습니다.

SEARCH

MENU NAVIGATION