Strabo, Geography, book 3, chapter 4 4:

(스트라본, 지리학, book 3, chapter 4 4:)

κατὰ μέροσ δὲ ἀπὸ Κάλπησ ἀρξαμένοισ ῥάχισ ἐστὶν ὀρεινὴ τῆσ Βαστητανίασ καὶ τῶν Ὠρητανῶν δασεῖαν ὕλην ἔχουσα καὶ μεγαλόδενδρον, διορίζουσα τὴν παραλίαν ἀπὸ τῆσ μεσογαίασ. πολλαχοῦ δὲ κἀνταῦθά ἐστι χρυσεῖα καὶ ἄλλα μέταλλα. πόλισ δ’ ἐστὶν ἐν τῇ παραλίᾳ ταύτῃ πρώτη Μάλακα, ἴσον διέχουσα τῆσ Κάλπησ ὅσον καὶ τὰ Γάδειρα· ἐμπόριον δ’ ἐστὶν τοῖσ ἐν τῇ περαίᾳ νομάσι, καὶ ταριχείασ δὲ ἔχει μεγάλασ. ταύτην τινὲσ τῇ Μαινάκῃ τὴν αὐτὴν νομίζουσιν, ἣν ὑστάτην τῶν Φωκαϊκῶν πόλεων πρὸσ δύσει κειμένην παρειλήφαμεν, οὐκ ἔστι δέ· ἀλλ’ ἐκείνη μὲν ἀπωτέρω τῆσ Κάλπησ ἐστί, κατεσκαμμένη, τὰ δ’ ἴχνη σώζουσα Ἑλληνικῆσ πόλεωσ, ἡ δὲ Μάλακα πλησίον μᾶλλον, Φοινικικὴ τῷ σχήματι. ἐφεξῆσ δ’ ἐστὶν ἡ τῶν Ἐξιτανῶν πόλισ, ἐξ ἧσ καὶ τὰ ταρίχη ἐπωνύμωσ λέγεται.

일치하는 문장이 없습니다.

SEARCH

MENU NAVIGATION