Strabo, Geography, book 3, chapter 3 16:

(스트라본, 지리학, book 3, chapter 3 16:)

τὸ δὲ δυσήμερον καὶ ἀγριῶδεσ οὐκ ἐκ τοῦ πολεμεῖν συμβέβηκε μόνον ἀλλὰ καὶ διὰ τὸν ἐκτοπισμόν· καὶ γὰρ ὁ πλοῦσ ἐπ’ αὐτοὺσ μακρὸσ καὶ αἱ ὁδοί, δυσεπίμικτοι δ’ ὄντεσ ἀποβεβλήκασι τὸ κοινωνικὸν καὶ τὸ φιλάνθρωπον. ἧττον δὲ νῦν τοῦτο πάσχουσι διὰ τὴν εἰρήνην καὶ τὴν τῶν Ῥωμαίων ἐπιδημίαν· ὅσοισ δ’ ἧττον τοῦτο συμβαίνει, χαλεπώτεροί εἰσι καὶ θηριωδέστεροι. τοιαύτησ δ’ οὔσησ καὶ ἀπὸ τῶν τόπων λυπρότητοσ ἐνίοισ καὶ τῶν ὀρῶν, εἰκὸσ ἐπιτείνεσθαι τὴν τοιαύτην ἀτοπίαν. ἀλλὰ νῦν, ὡσ εἶπον, πέπαυται πολεμοῦντα πάντα· τούσ τε γὰρ συνέχοντασ ἔτι νῦν μάλιστα τὰ λῃστήρια Καντάβρουσ καὶ τοὺσ γειτονεύοντασ αὐτοῖσ κατέλυσεν ὁ Σεβαστὸσ Καῖσαρ, καὶ ἀντὶ τοῦ πορθεῖν τοὺσ τῶν Ῥωμαίων συμμάχουσ στρατεύουσι νῦν ὑπὲρ τῶν Ῥωμαίων οἵ τε Κωνιακοὶ καὶ οἱ πρὸσ ταῖσ πηγαῖσ τοῦ Ἴβηροσ οἰκοῦντεσ Πληντουίσοι. ὅ τ’ ἐκεῖνον διαδεξάμενοσ Τιβέριοσ τριῶν ταγμάτων στρατιωτικὸν ἐπιστήσασ τοῖσ τόποισ, τὸ ἀποδειχθὲν ὑπὸ τοῦ Σεβαστοῦ Καίσαροσ, οὐ μόνον εἰρηνικοὺσ ἀλλὰ καὶ πολιτικοὺσ ἤδη τινὰσ αὐτῶν ἀπεργασάμενοσ τυγχάνει.

일치하는 문장이 없습니다.

SEARCH

MENU NAVIGATION