Strabo, Geography, book 3, chapter 2 16:

(스트라본, 지리학, book 3, chapter 2 16:)

τοσούτοισ δὲ τῆσ προειρημένησ χώρασ ἀγαθοῖσ κεχορηγημένησ, οὐχ ἥκιστα, ἀλλὰ καὶ μάλιστα ἀποδέξαιτ’ ἄν τισ καὶ θαυμάσειε τὸ περὶ τὰσ μεταλλείασ εὐφυέσ· ἅπασα μὲν γὰρ μεστὴ τῶν τοιούτων ἐστὶν ἡ τῶν Ἰβήρων χώρα, οὐ πᾶσα δ’ εὔκαρποσ οὐδ’ εὐδαίμων οὕτωσ καὶ μάλιστα ἡ τῶν μετάλλων εὐποροῦσα. σπάνιον δ’ ἐν ἀμφοτέροισ εὐτυχεῖν, σπάνιον δὲ καὶ τὸ τὴν αὐτὴν ἐν ὀλίγῳ χωρίῳ παντοίοισ πληθύνειν μετάλλοισ. ἡ δὲ Τουρδητανία καὶ ἡ προσεχὴσ αὐτῇ λόγον οὐδένα ἄξιον καταλείπει περὶ τήνδε τὴν ἀρετὴν τοῖσ ἐπαινεῖν βουλομένοισ. οὔτε γὰρ χρυσόσ, οὐκ ἄργυροσ, οὐδὲ δὴ χαλκόσ, οὐδὲ σίδηροσ οὐδαμοῦ τῆσ γῆσ οὔτε τοσοῦτοσ οὔθ’ οὕτωσ ἀγαθὸσ ἐξήτασται γεννώμενοσ μέχρι νῦν. ὁ δὲ χρυσὸσ οὐ μεταλλεύεται μόνον ἀλλὰ καὶ σύρεται· καταφέρουσι δ’ οἱ ποταμοὶ καὶ οἱ χείμαρροι τὴν χρυσῖτιν ἄμμον, πολλαχοῦ καὶ ἐν τοῖσ ἀνύδροισ τόποισ οὖσαν, ἀλλ’ ἐκεῖ μὲν ἀφανήσ ἐστιν, ἐν δὲ τοῖσ ἐπικλύστοισ ἀπολάμπει τὸ τοῦ χρυσοῦ ψῆγμα· καὶ τοὺσ ἀνύδρουσ δὲ φορητῷ ἐπικλύζοντεσ ὕδατι στιλπνὸν ποιοῦσι τὸ ψῆγμα, καὶ φρέατα δ’ ὀρύσσοντεσ καὶ ἄλλασ τέχνασ ἐπινοοῦντεσ πλύσει τῆσ ἄμμου τὸν χρυσὸν ἐκλαμβάνουσι, καὶ πλείω τῶν χρυσωρυχείων ἐστὶ νῦν τὰ χρυσοπλύσια προσαγορευόμενα. ἀξιοῦσι δὲ Γαλάται [κράτισ]τα παρ’ ἑαυτοῖσ εἶναι τὰ μέταλλα τά τε ἐν τῷ Κεμμένῳ ὄρει καὶ τὰ ὑπ’ αὐτῇ κείμενα τῇ Πυρήνῃ· τὸ μέντοι πλέον τἀντεῦθεν εὐδοκιμεῖ. ἐν δὲ τοῖσ ψήγμασι τοῦ χρυσίου φασὶν εὑρίσκεσθαί ποτε καὶ ἡμιλιτριαίασ βώλουσ ἃσ καλοῦσι πάλασ, μικρᾶσ καθάρσεωσ δεομένασ. φασὶ δὲ καὶ λίθων σχιζομένων εὑρίσκειν βωλάρια θηλαῖσ ὅμοια· ἐκ δὲ τοῦ χρυσοῦ ἑψομένου καὶ καθαιρομένου στυπτηριώδει τινὶ γῇ τὸ κάθαρμα ἤλεκτρον εἶναι· πάλιν δὲ τούτου καθεψομένου, μῖγμα ἔχοντοσ ἀργύρου καὶ χρυσοῦ, τὸν μὲν ἄργυρον ἀποκαίεσθαι τὸν δὲ χρυσὸν ὑπομένειν· εὐδιάχυτοσ γὰρ ὁ τύποσ καὶ λιπώδησ· διὰ τοῦτο καὶ τῷ ἀχύρῳ τήκεται μᾶλλον ὁ χρυσόσ, ὅτι ἡ φλὸξ μαλακὴ οὖσα συμμέτρωσ ἔχει πρὸσ τὸ εἶκον καὶ διαχεόμενον ῥᾳδίωσ, ὁ δὲ ἄνθραξ ἐπαναλίσκει πολὺ ὑπερτήκων τῇ σφοδρότητι καὶ ἐξαίρων. ἐν δὲ τοῖσ ῥείθροισ σύρεται καὶ πλύνεται πλησίον ἐν σκάφαισ, ἢ ὀρύττεται φρέαρ, ἡ δὲ ἀνενεχθεῖσα γῆ πλύνεται. τὰσ δὲ τοῦ ἀργύρου καμίνουσ ποιοῦσιν ὑψηλάσ, ὥστε τὴν ἐκ τῶν βώλων λιγνὺν μετέωρον ἐξαίρεσθαι· βαρεῖα γάρ ἐστι καὶ ὀλέθριοσ. τῶν δὲ χαλκουργείων τινὰ καλεῖται χρυσεῖα, ἐξ ὧν τεκμαίρονται χρυσὸν ἐξ αὐτῶν ὀρύττεσθαι πρότερον.

일치하는 문장이 없습니다.

SEARCH

MENU NAVIGATION