Strabo, Geography, book 3, chapter 2 6:

(스트라본, 지리학, book 3, chapter 2 6:)

παροικεῖται δὲ ὑπὸ πλείστων ὁ Βαῖτισ καὶ ἀναπλεῖται σχεδόν τι ἐπὶ χιλίουσ καὶ διακοσίουσ σταδίουσ ἐκ θαλάττησ μέχρι Κορδύβησ καὶ τῶν μικρὸν ἐπάνω τόπων. καὶ δὴ καὶ ἐξείργασται περιττῶσ ἥ τε παραποταμία καὶ τὰ ἐν τῷ ποταμῷ νησίδια. πρόσεστι δὲ καὶ τὸ τῆσ ὄψεωσ τερπνόν, ἄλσεσι καὶ ταῖσ ἄλλαισ φυτουργίαισ ἐκπεπονημένων τῶν χωρίων. μέχρι μὲν οὖν Ἱσπάλιοσ ὁλκάσιν ἀξιολόγοισ ὁ ἀνάπλουσ ἐστὶν ἐπὶ σταδίουσ οὐ πολὺ λείποντασ τῶν πεντακοσίων, ἐπὶ δὲ τὰσ ἄνω πόλεισ μέχρι Ἰλίπασ ταῖσ ἐλάττοσι, μέχρι δὲ Κορδύβησ τοῖσ ποταμίοισ σκάφεσι, πηκτοῖσ μὲν τὰ νῦν τὸ παλαιὸν δὲ καὶ μονοξύλοισ· τὸ δ’ ἄνω τὸ ἐπὶ Καστλῶνοσ οὐκ ἔστι πλόιμον· παράλληλοι δέ τινεσ ῥάχεισ ὀρῶν παρατείνουσι τῷ ποταμῷ μᾶλλόν τε καὶ ἧττον αὐτῷ συνάπτουσαι πρὸσ βορρᾶν, μετάλλων πλήρεισ. πλεῖστοσ δ’ ἐστὶν ἄργυροσ ἐν τοῖσ κατὰ Ἴλιπαν τόποισ καὶ τοῖσ κατὰ Σισάπωνα τόν τε παλαιὸν λεγόμενον καὶ τὸν νέον· κατὰ δὲ τὰσ Κωτίνασ λεγομένασ χαλκόσ τε ἅμα γεννᾶται καὶ χρυσόσ. ἐν ἀριστερᾷ μὲν οὖν ἐστι τοῖσ ἀναπλέουσι τὰ ὄρη ταῦτα, ἐν δεξιᾷ δὲ πεδίον μέγα καὶ ὑψηλὸν καὶ εὔκαρπον καὶ μεγαλόδενδρον καὶ εὔβοτον. ἔχει δὲ καὶ ὁ Ἄνασ ἀνάπλουν, οὔτε δὲ τηλικούτοισ σκάφεσιν οὔτ’ ἐπὶ τοσοῦτον. ὑπέρκειται δὲ καὶ αὐτοῦ μεταλλείασ ἔχοντα ὄρη, καθήκει δὲ ταῦτα πρὸσ τὸν Τάγον. τὰ μὲν οὖν τὰσ μεταλλείασ ἔχοντα χωρία ἀνάγκη τραχέα τε εἶναι καὶ παράλυπρα, οἱᾶ́περ καὶ τὰ τῇ Καρπητανίᾳ συνάπτοντα καὶ ἔτι μᾶλλον τοῖσ Κελτίβηρσι. τοιαύτη δὲ καὶ ἡ Βαιτουρία ξηρὰ ἔχουσα πεδία τὰ παρήκοντα τῷ Ἄνᾳ.

일치하는 문장이 없습니다.

SEARCH

MENU NAVIGATION