Strabo, Geography, book 1, chapter 4 8:

(스트라본, 지리학, book 1, chapter 4 8:)

τὸν δὲ διὰ τοῦ Βορυσθένουσ παράλληλον τὸν αὐτὸν εἶναι τῷ διὰ τῆσ Βρεττανικῆσ εἰκάζουσιν Ἵππαρχόσ τε καὶ ἄλλοι ἐκ τοῦ τὸν αὐτὸν εἶναι καὶ τὸν διὰ Βυζαντίου τῷ διὰ Μασσαλίασ· ὃν γὰρ λόγον εἴρηκε [Πυθέασ] τοῦ ἐν Μασσαλίᾳ γνώμονοσ πρὸσ τὴν σκιάν, τὸν αὐτὸν καὶ Ἵππαρχοσ κατὰ τὸν ὁμώνυμον καιρὸν εὑρεῖν ἐν τῷ Βυζαντίῳ φησίν. ἐκ Μασσαλίασ δὲ εἰσ μέσην τὴν Βρεττανικὴν οὐ πλέον τῶν πεντακισχιλίων ἐστὶ σταδίων. ἀλλὰ μὴν ἐκ μέσησ τῆσ Βρεττανικῆσ οὐ πλέον τῶν τετρακισχιλίων προελθὼν εὑρ́οισ ἂν οἰκήσιμον ἄλλωσ πωσ τοῦτο δ’ ἂν εἰή τὸ περὶ τὴν Ιἔρνην, ὥστε τὰ ἐπέκεινα, εἰσ ἃ ἐκτοπίζει τὴν Θούλην, οὐκέτ’ οἰκήσιμα. τίνι δ’ ἂν καὶ στοχασμῷ λέγοι τὸ ἀπὸ τοῦ διὰ Θούλησ ἑώσ τοῦ διὰ Βορυσθένουσ μυρίων καὶ χιλίων πεντακοσίων, οὐχ ὁρῶ.

상위

Geography (지리학)

목록

일치하는 문장이 없습니다.

SEARCH

MENU NAVIGATION