Strabo, Geography, book 1, chapter 4 2:

(스트라본, 지리학, book 1, chapter 4 2:)

ἡ μὲν οὖν πρώτη διέξοδοσ αὐτῷ τῶν ὑπομνημάτων τοιαύτη. ἐν δὲ τῇ δευτέρᾳ πειρᾶται διόρθωσίν τινα ποιεῖσθαι τῆσ γεωγραφίασ καὶ τὰσ ἑαυτοῦ λέγει ὑπολήψεισ, πρὸσ ἃσ πάλιν εἰ ἔστι τισ ἐπανόρθωσισ, πειρατέον προσφέρειν. τὸ μὲν οὖν τὰσ μαθηματικὰσ ὑποθέσεισ εἰσάγειν καὶ φυσικὰσ εὖ λέγεται, καὶ ὅτι εἰ σφαιροειδὴσ ἡ γῆ καθάπερ καὶ ὁ κόσμοσ, περιοικεῖται, καὶ τὰ ἄλλα τὰ τοιαῦτα. εἰ δὲ τηλικαύτη ἡλίκην αὐτὸσ εἴρηκεν, οὐχ ὁμολογοῦσιν οἱ ὕστερον, οὐδ’ ἐπαινοῦσι τὴν ἀναμέτρησιν· ὅμωσ δὲ πρὸσ τὴν σημείωσιν τῶν κατὰ τὰσ οἰκήσεισ ἑκάστασ φαινομένων προσχρῆται τοῖσ διαστήμασιν ἐκείνοισ Ἵππαρχοσ ἐπὶ τοῦ διὰ Μερόησ καὶ Ἀλεξανδρείασ καὶ Βορυσθένουσ μεσημβρινοῦ, μικρὸν παραλλάττειν φήσασ παρὰ τὴν ἀλήθειαν. καὶ περὶ τοῦ σχήματοσ δ’ ἐν τοῖσ ἑξῆσ διὰ πλειόνων [λέγων] καὶ δεικνύσ, ὅτι σφαιροειδὴσ καὶ ἡ γῆ σὺν τῇ ὑγρᾷ φύσει καὶ ὁ οὐρανόσ, ἀλλοτριολογεῖν ἂν δόξειεν· ἀρκεῖ γὰρ τὸ ἐπὶ μικρόν.

상위

Geography (지리학)

목록

일치하는 문장이 없습니다.

SEARCH

MENU NAVIGATION