Strabo, Geography, book 1, chapter 3 42:

(스트라본, 지리학, book 1, chapter 3 42:)

Προστιθέασι δὲ καὶ τὰσ ἐκ τῶν μεταστάσεων μεταβολὰσ ἐπὶ πλέον τὴν ἀθαυμαστίαν ἡμῖν κατασκευάζειν ἐθέλοντεσ, ἣν ὑμνεῖ Δημόκριτοσ καὶ οἱ ἄλλοι φιλόσοφοι πάντεσ· παράκειται γὰρ τῷ ἀθαμβεῖ καὶ ἀταράχῳ καὶ ἀνεκπλήκτῳ. οἱο͂ν Ἰβήρων μὲν τῶν ἑσπερίων εἰσ τοὺσ ὑπὲρ τοῦ Πόντου καὶ τῆσ Κολχίδοσ τόπουσ μετῳκισμένων οὓσ ὁ Ἀράξησ, ὥσ φησιν Ἀπολλόδωροσ, ἀπὸ τῆσ Ἀρμενίασ ὁρίζει, Κῦροσ δὲ μᾶλλον καὶ τὰ ὄρη τὰ Μοσχικά, Αἰγυπτίων δ’ εἴσ τε Αἰθίοπασ καὶ Κόλχουσ, Ἑνετῶν δ’ ἐκ Παφλαγονίασ ἐπὶ τὸν Ἀδρίαν. ἅπερ καὶ ἐπὶ τῶν Ἑλληνικῶν ἐθνῶν συνέβη, Ιὤνων καὶ Δωριέων καὶ Ἀχαιῶν καὶ Αἰολέων· καὶ Αἰνιᾶνεσ οἱ νῦν Αἰτωλοῖσ ὅμοροι περὶ τὸ Δώτιον ᾤκουν καὶ τὴν Ὄσσαν μετὰ Περραιβῶν· καὶ αὐτοὶ δὲ Περραιβοὶ μετανάσται τινέσ. πλήρησ δέ ἐστι τῶν τοιούτων παραδειγμάτων ἡ νῦν ἐνεστῶσα πραγματεία. τινὰ μὲν οὖν καὶ πρόχειρα τοῖσ πολλοῖσ ἐστιν· αἱ δὲ τῶν Καρῶν καὶ Τρηρῶν καὶ Τεύκρων μεταναστάσεισ καὶ Γαλατῶν, ὁμοῦ δὲ καὶ τῶν ἡγεμόνων οἱ ἐπὶ πολὺ ἐκτοπισμοί, Μάδυόσ τε τοῦ Σκυθικοῦ καὶ Τεαρκὼ τοῦ Αἰθίοποσ καὶ Κώβου τοῦ Τρηρὸσ καὶ Σεσώστριοσ καὶ Ψαμμιτίχου τῶν Αἰγυπτίων καὶ Περσῶν τῶν ἀπὸ Κύρου μέχρι Ξέρξου οὐχ ὁμοίωσ ἐν ἑτοίμῳ πᾶσίν εἰσιν. οἵ τε Κιμμέριοι, οὓσ καὶ Τρῆρασ ὀνομάζουσιν, ἢ ἐκείνων τι ἔθνοσ, πολλάκισ ἐπέδραμον τὰ δεξιὰ μέρη τοῦ Πόντου καὶ τὰ συνεχῆ αὐτοῖσ, τοτὲ μὲν ἐπὶ Παφλαγόνασ τοτὲ δὲ καὶ Φρύγασ ἐμβαλόντεσ, ἡνίκα Μίδαν αἷμα ταύρου πιόντα φασὶν ἀπελθεῖν εἰσ τὸ χρεών. Λύγδαμισ δὲ τοὺσ αὑτοῦ ἄγων μέχρι Λυδίασ καὶ Ιὠνίασ ἤλασε καὶ Σάρδεισ εἷλεν, ἐν Κιλικίᾳ δὲ διεφθάρη. πολλάκισ δὲ καὶ οἱ Κιμμέριοι καὶ οἱ Τρῆρεσ ἐποιήσαντο τὰσ τοιαύτασ ἐφόδουσ· τοὺσ δὲ Τρῆρασ καὶ Κῶβον ὑπὸ Μάδυοσ τὸ τελευταῖον ἐξελαθῆναί φασι τοῦ τῶν Σκυθῶν βασιλέωσ. ταῦτα μὲν εἰρήσθω πρὸσ ἅπασαν κοινῇ τὴν περίοδον τῆσ γῆσ ἔχοντα οἰκείαν ἱστορίαν.

상위

Geography (지리학)

목록

일치하는 문장이 없습니다.

SEARCH

MENU NAVIGATION