Strabo, Geography, book 1, chapter 3 14:

(스트라본, 지리학, book 1, chapter 3 14:)

ταῦτα δὲ [δεῖ] μεταφέρειν καὶ ἐπὶ τὴν ὅλην τὴν καθ’ ἡμᾶσ θάλατταν καὶ τὴν ἐκτόσ, μὴ ἐν τοῖσ ἐδάφεσι καὶ ταῖσ ἐπικλίσεσιν αὐτῶν τὴν αἰτίαν τοῦ ἔκρου τιθεμένουσ, ἀλλ’ ἐν τοῖσ ποταμοῖσ· " ἐκ μέσων γὰρ τῶν τῆσ Καταονίασ πεδίων ἐνεχθεὶσ πλωτὸσ καὶ διεκπαισάμενοσ διὰ τῶν τοῦ Ταύρου στενῶν εἰσ τὴν Κιλικίαν ἐκδίδωσιν εἰσ τὸν πρὸ ταύτησ τε καὶ τῆσ Κύπρου πόρον. ἐπεὶ οὐκ ἀπίθανον κατ’ αὐτούσ, οὐδ’ εἰ τὴν ὅλην θάλατταν τὴν ἡμετέραν λίμνην πρότερον εἶναι συνέβαινε πληρουμένην ὑπὸ τῶν ποταμῶν, ἐπιπολάσασαν ἐκπεσεῖν ἔξω διὰ τῶν κατὰ στήλασ στενῶν ὡσ ἐκ καταράκτου, ἐπαυξομένην δ’ ἀεὶ καὶ μᾶλλον τὴν θάλατταν σύρρουν γενέσθαι ὑπ’ αὐτῆσ τῷ χρόνῳ καὶ συνδραμεῖν εἰσ μίαν ἐπιφάνειαν, ἐκθαλαττωθῆναι δὲ διὰ τὴν ἐπικράτειαν. οὐ φυσικὸν δ’ ὅλωσ τὸ τοῖσ ποταμοῖσ εἰκάζειν τὴν θάλατταν· οἱ μὲν γὰρ φέρονται κατὰ ἐπικλινὲσ ῥεῖθρον, ἡ δὲ ἀκλινὴσ ἕστηκεν. οἱ δὲ πορθμοὶ ῥευματίζονται κατ’ ἄλλον τρόπον, οὐ διὰ τὸ τὴν ἰλὺν τὴν ἐκ τῶν ποταμῶν προσχοῦν τὸν τοῦ πελάγουσ βυθόν· ἡ γὰρ πρόσχωσισ περὶ αὐτὰ συνίσταται τὰ στόματα τῶν ποταμῶν, οἱο͂ν περὶ μὲν τὰ τοῦ Ἴστρου τὰ λεγόμενα στήθη καὶ ἡ Σκυθῶν ἐρημία καὶ ὁ Σαλμυδησσόσ, καὶ ἄλλων χειμάρρων συνεργούντων πρὸσ τοῦτο, περὶ δὲ τὰ τοῦ Φάσιδοσ ἡ Κολχικὴ παραλία δίαμμοσ καὶ ταπεινὴ καὶ μαλακὴ οὖσα, περὶ δὲ τὸν Θερμώδοντα καὶ τὸν Ἶριν ὅλη Θεμίσκυρα, τὸ τῶν Ἀμαζόνων πεδίον, καὶ τῆσ Σιδηνῆσ τὸ πλέον· οὕτω δὲ καὶ ἐπὶ τῶν ἄλλων. ἅπαντεσ γὰρ μιμοῦνται τὸν Νεῖλον ἐξηπειροῦντεσ τὸν πρὸ αὐτῶν πόρον, οἱ μὲν μᾶλλον οἱ δὲ ἧττον· ἧττον μὲν οἱ μὴ πολλὴν καταφέροντεσ τὴν ἰλύν, μᾶλλον δὲ οἱ πολλήν τε καὶ μαλακόγειον χώραν ἐπιόντεσ καὶ χειμάρρουσ δεχόμενοι πολλούσ, ὧν ἐστι καὶ ὁ Πύραμοσ ὁ τῇ Κιλικίᾳ πολὺ μέροσ προσθείσ, ἐφ’ οὗ καὶ λόγιον ἐκπέπτωκέ τι τοιοῦτον "ἔσσεται ἐσσομένοισ, ὅτε Πύραμοσ ἀργυροδίνησ ἠιόνα προχέων ἱερὴν ἐσ Κύπρον ἵκηται.

상위

Geography (지리학)

목록

일치하는 문장이 없습니다.

SEARCH

MENU NAVIGATION