Strabo, Geography, book 1, chapter 3 2:

(스트라본, 지리학, book 1, chapter 3 2:)

οὐδὲ τοῦτ’ εὖ Ἐρατοσθένησ, ὅτι ἀνδρῶν οὐκ ἐξίων μνήμησ ἐπὶ πλέον μέμνηται, τὰ μὲν ἐλέγχων τὰ δὲ πιστεύων καὶ μάρτυσι χρώμενοσ αὐτοῖσ, οἱο͂ν Δαμάστῃ καὶ τοιούτοισ ἄλλοισ. καὶ γὰρ εἴ τι λέγουσιν ἀληθέσ, οὐ μάρτυσί γε ἐκείνοισ χρηστέον περὶ αὐτοῦ, οὐδὲ πιστευτέον διὰ τοῦτο· ἀλλ’ ἐπὶ τῶν ἀξιολόγων ἀνδρῶν μόνων τῷ τοιούτῳ τρόπῳ χρηστέον, οἳ πολλὰ μὲν εἰρήκασιν εὖ, πολλὰ δὲ καὶ παραλελοίπασιν ἢ οὐχ ἱκανῶσ ἐξεῖπον, οὐδὲν δ’ ἐψευσμένωσ. ὁ δὲ Δαμάστῃ χρώμενοσ μάρτυρι οὐδὲν διαφέρει τοῦ καλοῦντοσ μάρτυρα τὸν Βεργαῖον Εὐήμερον καὶ τοὺσ ἄλλουσ, οὓσ αὐτὸσ εἴρηκε διαβάλλων τὴν φλυαρίαν. καὶ τούτου δ’ ἕνα τῶν λήρων αὐτὸσ λέγει, τὸν μὲν Ἀράβιον κόλπον λίμνην ὑπολαμβάνοντοσ εἶναι, Διότιμον δὲ τὸν Στρομβίχου πρεσβείασ Ἀθηναίων ἀφηγούμενον διὰ τοῦ Κύδνου ἀναπλεῦσαι ἐκ τῆσ Κιλικίασ ἐπὶ τὸν Χοάσπην ποταμόν, ὃσ παρὰ τὰ Σοῦσα ῥεῖ, καὶ ἀφικέσθαι τετταρακοσταῖον εἰσ Σοῦσα· ταῦτα δ’ αὐτῷ διηγήσασθαι αὐτὸν τὸν Διότιμον. εἶτα θαυμάζειν εἰ τὸν Εὐφράτην καὶ τὸν Τίγριν ἦν δυνατὸν διακόψαντα τὸν Κύδνον εἰσ τὸν Χοάσπην ἐκβαλεῖν.

상위

Geography (지리학)

목록

일치하는 문장이 없습니다.

SEARCH

MENU NAVIGATION