Strabo, Geography, book 1, chapter 2 64:

(스트라본, 지리학, book 1, chapter 2 64:)

εἰ δ’ οὖν καὶ σύρρουν ποτὲ ὑπάρξαντα τὸν ἰσθμὸν τοῦτον ὁ ποιητὴσ ἱστορήκει, πόσῳ μείζονα ἂν ἔχοιμεν πίστιν τοῦ τοὺσ Αἰθίοπασ διχθὰ διῃρῆσθαι, πορθμῷ τηλικούτῳ διειργομένουσ; τίσ δὲ καὶ χρηματισμὸσ παρὰ τῶν ἔξω καὶ κατὰ τὸν ὠκεανὸν Αἰθιόπων; ἅμα μὲν γὰρ θαυμάζουσι τοῦ κόσμου τῶν βασιλείων οἱ περὶ Τηλέμαχον τὸ πλῆθοσ ὅ ἐστι "χρυσοῦ τ’ ἠλέκτρου τε καὶ ἀργύρου ἠδ’ ἐλέφαντοσ. " τούτων δ’ οὐδενὸσ πλὴν ἐλέφαντοσ εὐπορία παρ’ ἐκείνοισ ἐστίν, ἀπορωτάτοισ τῶν ἁπάντων οὖσι τοῖσ πλείστοισ καὶ νομάσι. νὴ Δία, ἀλλ’ ἡ Ἀραβία προσῆν καὶ τὰ μέχρι τῆσ Ἰνδικῆσ· τούτων δ’ ἡ μὲν εὐδαίμων κέκληται μόνη τῶν ἁπασῶν, τὴν δέ, εἰ καὶ μὴ ὀνομαστὶ καλοῦσιν, οὕτωσ ὑπολαμβάνουσί γε καὶ ἱστοροῦσιν ὡσ εὐδαιμονεστάτην. τὴν μὲν οὖν Ἰνδικὴν οὐκ οἶδεν Ὅμηροσ εἰδὼσ δὲ ἐμέμνητο ἄν, τὴν δ’ Ἀραβίαν, ἣν εὐδαίμονα προσαγορεύουσιν οἱ νῦν, τότε δ’ οὐκ ἦν πλουσία, ἀλλὰ καὶ αὐτὴ ἄποροσ καὶ ἡ πολλὴ αὐτῆσ σκηνιτῶν ἀνδρῶν· ὀλίγη δ’ ἡ ἀρωματοφόροσ, δι’ ἣν καὶ τοῦτο τοὔνομα εὑρ́ετο ἡ χώρα διὰ τὸ καὶ τὸν φόρτον εἶναι τὸν τοιοῦτον ἐν τοῖσ παρ’ ἡμῖν σπάνιον καὶ τίμιον. νυνὶ μὲν οὖν εὐποροῦσι καὶ πλουτοῦσι διὰ τὸ καὶ τὴν ἐμπορίαν εἶναι πυκνὴν καὶ δαψιλῆ, τότε δ’ οὐκ εἰκόσ. αὐτῶν δὲ χάριν τῶν ἀρωμάτων ἐμπόρῳ μὲν καὶ καμηλίτῃ γένοιτ’ ἄν τισ ἐκ τῶν τοιούτων φορτίων εὐπορία· Μενελάῳ δὲ λαφύρων ἢ δωρεῶν ἔδει παρὰ βασιλέων καὶ δυναστῶν, ἐχόντων τε ἃ δώσουσι καὶ βουλομένων [διδόναι] διὰ τὴν ἐπιφάνειαν αὐτοῦ καὶ εὔκλειαν. οἱ μὲν οὖν Αἰγύπτιοι καὶ οἱ πλησίον Αἰθίοπεσ καὶ Ἄραβεσ οὔθ’ οὕτω τελέωσ ἄβιοι οὔτ’ ἀνήκοοι τῆσ τῶν Ἀτρειδῶν δόξησ, καὶ μάλιστα διὰ τὴν κατόρθωσιν τοῦ Ἰλιακοῦ πολέμου, ὥστ’ ἐλπὶσ ἦν τῆσ ἐξ αὐτῶν ὠφελείασ· καθάπερ ἐπὶ τοῦ θώρακοσ τοῦ Ἀγαμέμνονοσ λέγεται "τόν ποτέ οἱ Κινύρησ δῶκε ξεινήιον εἶναι· πεύθετο γὰρ "Κύπρονδε μέγα κλέοσ. " καὶ δὴ καὶ τὸν πλείω χρόνον τῆσ πλάνησ λεκτέον μὲν ἐν τοῖσ κατὰ Φοινίκην καὶ Συρίαν καὶ Αἴγυπτον καὶ Λιβύην γενέσθαι καὶ τὰ περὶ Κύπρον χωρία καὶ ὅλωσ τὴν καθ’ ἡμᾶσ παραλίαν καὶ τὰσ νήσουσ· καὶ γὰρ ξένια παρὰ τούτοισ καὶ τὸ βίᾳ καὶ τὸ ἐκ λεηλασίασ πορίσασθαι, καὶ μάλιστα παρὰ τῶν συμμαχησάντων τοῖσ Τρωσίν, ἐντεῦθεν ἦν. οἱ δ’ ἐκτὸσ καὶ πόρρω βάρβαροι οὐδεμίαν τοιαύτην ὑπηγόρευον ἐλπίδα. εἰσ οὖν τὴν Αἰθιοπίαν ἀφῖχθαι λέγεται ὁ Μενέλαοσ, οὐχ ὅτι . . . μέχρι τῶν ὁρ́ων τῶν πρὸσ Αἰγύπτῳ. τάχα μὲν γὰρ καὶ πλησιαίτεροι ἦσαν ταῖσ Θήβαισ οἱ τότε ὁρ́οι, ἀλλὰ καὶ οἱ νῦν πλησίον εἰσίν, οἱ κατὰ Συήνην καὶ τὰσ Φίλασ· ὧν ἡ μὲν τῆσ Αἰγύπτου ἐστίν, αἱ δὲ Φίλαι κοινὴ κατοικία τῶν Αἰθιόπων καὶ τῶν Αἰγυπτίων. ὁ οὖν εἰσ Θήβασ ἀφιγμένοσ εἰ καὶ μέχρι τῶν ὁρ́ων ἀφῖκτο ἢ καὶ περαιτέρω τῶν Αἰθιόπων, καὶ ταῦτα τῇ βασιλικῇ ξενίᾳ χρώμενοσ, οὐδὲν ἄλογον. οὕτω δὲ καὶ Κυκλώπων εἰσ γαῖαν ἀφῖχθαί φησιν ὁ Ὀδυσσεύσ, μέχρι τοῦ σπηλαίου προεληλυθὼσ ἀπὸ θαλάττησ· ἐπ’ ἐσχατιᾶσ γὰρ ἱδρῦσθαί που λέγει. καὶ εἰσ Αἰολίαν δὲ καὶ Λαιστρυγόνασ καὶ τοὺσ ἄλλουσ, ὅπου ποτὲ καὶ καθωρμίσατο, ἐκεῖσέ φησιν ἀφῖχθαι. καὶ ὁ Μενέλαοσ οὖν οὕτωσ εἰσ Αἰθιοπίαν ἧκεν, οὕτω δὲ καὶ εἰσ Λιβύην, ὅτι προσέσχε τόποισ τισίν· ἀφ’ οὗ καὶ ὁ κατὰ τὴν Ἀρδανίαν λιμὴν τὴν ὑπὲρ Παραιτονίου Μενέλαοσ καλεῖται.

상위

Geography (지리학)

목록

일치하는 문장이 없습니다.

SEARCH

MENU NAVIGATION