호흡부호 보기
강세부호 보기
장단부호 보기
작은 Iota 보기
모든 부호 보기
καὶ γὰρ δὴ καὶ τελέωσ ἄλογον, εἰ τὰσ μὲν Αἰγυπτίουσ Θήβασ ᾔδει σαφῶσ, αἳ διέχουσι τῆσ καθ’ ἡμᾶσ θαλάττησ σταδίουσ μικρὸν ἀπολείποντασ ἀπὸ τῶν πεντακισχιλίων, τὸν δὲ μυχὸν τοῦ Ἀραβίου κόλπου μὴ ᾔδει, μηδὲ τὸν ἰσθμὸν τὸν κατ’ αὐτόν, πλάτοσ ἔχοντα οὐ πλειόνων ἢ χιλίων σταδίων· οὗτοσ μὲν οὖν ἐκ πλεόνων ἐλέγχεται καὶ εἰδὼσ καὶ λέγων ῥητῶσ τὰ ῥητὰ καὶ σιγῶν τὰ λίαν ἐκφανῆ ἢ ἐπιθέτωσ λέγων. πολὺ δ’ ἂν ἀλογώτερον δόξειεν, εἰ τὸν μὲν Νεῖλον ᾔδει ὁμωνύμωσ τῇ τοσαύτῃ χώρᾳ λεγόμενον, τὴν δ’ αἰτίαν μὴ ἑώρα τούτου· μάλιστα γὰρ ἂν προσπίπτοι τὸ ῥηθὲν ὑφ’ Ἡροδότου διότι δῶρον ἦν ἡ χώρα τοῦ ποταμοῦ καὶ διὰ τοῦτο ἠξιοῦτο τοῦ αὐτοῦ ὀνόματοσ. ἄλλωσ τε τῶν παρ’ ἑκάστοισ ἰδίων ταῦτ’ ἐστὶ γνωριμώτατα, ἃ καὶ παραδοξίαν ἔχει τινά, καὶ ἐν τῷ φανερῷ πᾶσίν ἐστι· τοιοῦτον δ’ ἐστὶ καὶ ἡ τοῦ Νείλου ἀνάβασισ καὶ ἡ πρόσχωσισ τοῦ πελάγουσ. καὶ καθάπερ οἱ προσαχθέντεσ πρὸσ τὴν Αἴγυπτον οὐδὲν πρότερον ἱστοροῦσι περὶ τῆσ χώρασ, ἢ τὴν τοῦ Νείλου φύσιν διὰ τὸ τοὺσ ἐπιχωρίουσ μήτε καινότερα τούτων λέγειν ἔχειν πρὸσ ἄνδρασ ξένουσ, μήτ’ ἐπιφανέστερα περὶ τῶν παρ’ αὐτοῖσ· τῷ γὰρ ἱστορήσαντι περὶ τοῦ ποταμοῦ κατάδηλοσ καὶ ἡ χώρα γίνεται πᾶσα ὁποία τίσ ἐστιν· οὕτω καὶ οἱ πόρρωθεν ἀκούοντεσ οὐδὲν πρότερον ἱστοροῦσι τούτου. προστίθει οὖν τούτῳ καὶ τὸ φιλείδημον τοῦ ποιητοῦ καὶ τὸ φιλέκδημον, ὅπερ αὐτῷ μαρτυροῦσιν ὅσοι τὸν βίον ἀναγράφουσι, καὶ ἐξ αὐτῶν δὲ λαμβάνεται τῶν ποιημάτων πολλὰ παραδείγματα τοῦ τοιούτου.

이 저작물은 크리에이티브 커먼즈 저작자표시-비영리 4.0 국제 라이선스에 따라 이용할 수 있습니다.
bab2min@gmail.com
호흡부호 보기
강세부호 보기
장단부호 보기
작은 Iota 보기
모든 부호 보기