호흡부호 보기
강세부호 보기
장단부호 보기
작은 Iota 보기
모든 부호 보기
οὐκ εὖ δὲ οὐδὲ τοῦτο προφέρουσιν αὐτῷ τὸ περὶ τῆσ νήσου τῆσ Φαρίασ, ὅτι φησὶ πελαγίαν, ὡσ κατ’ ἄγνοιαν λέγοντι· ὥστ’ ἐκ τούτων εἰκάζειν ὅτι καὶ τὰσ ἀναβάσεισ ᾔδει καὶ τὰ στόματα τοῦ Νείλου. τοὐναντίον γὰρ κἂν μαρτυρίῳ χρήσαιτό τισ τούτῳ πρὸσ τὸ μὴ ἀγνοεῖσθαι μηδὲν ὑπὸ τοῦ ποιητοῦ τῶν εἰρημένων ἀρτίωσ περὶ τὴν Αἴγυπτον. γνοίησ δ’ ἂν οὕτωσ· ἀλαζὼν δὴ πᾶσ ὁ πλάνην αὑτοῦ διηγούμενοσ· τούτων δ’ ἦν καὶ ὁ Μενέλαοσ, ὃσ ἀναβεβηκὼσ μέχρισ Αἰθιόπων ἐπέπυστο τὰσ ἀναβάσεισ τοῦ Νείλου καὶ τὴν χοῦν ὅσην ἐπιφέρει τῇ χώρᾳ, καὶ τὸν πρὸ τῶν στομάτων πόρον ὅσον ἤδη προσχώσασ τῇ ἠπείρῳ προστέθεικεν, ὥστε εἰκότωσ ὑπὸ τοῦ Ἡροδότου καὶ τὴν ὅλην Αἴγυπτον τοῦ ποταμοῦ δῶρον λέγεσθαι· κἂν εἰ μὴ τὴν ὅλην, τήν γε ὑπὸ τῷ Δέλτα τὴν κάτω χώραν προσαγορευομένην. ἱστόρησε δὲ καὶ τὴν Φάρον πελαγίαν οὖσαν τὸ παλαιόν· προσεψεύσατο δὴ καὶ τὸ πελαγίαν εἶναι, καίπερ μηκέτι πελαγίαν οὖσαν. ὁ δὲ ταῦτα διασκευάζων ὁ ποιητὴσ ἦν·

이 저작물은 크리에이티브 커먼즈 저작자표시-비영리 4.0 국제 라이선스에 따라 이용할 수 있습니다.
bab2min@gmail.com
호흡부호 보기
강세부호 보기
장단부호 보기
작은 Iota 보기
모든 부호 보기