헬라어 문장 검색 - ΣτραβόΓεογραπ́01́02́046́

(스트라본, 지리학, book 1, chapter 2 46:)

οὐκ εὖ δὲ οὐδὲ τοῦτο προφέρουσιν αὐτῷ τὸ περὶ τῆσ νήσου τῆσ Φαρίασ, ὅτι φησὶ πελαγίαν, ὡσ κατ’ ἄγνοιαν λέγοντι· ὥστ’ ἐκ τούτων εἰκάζειν ὅτι καὶ τὰσ ἀναβάσεισ ᾔδει καὶ τὰ στόματα τοῦ Νείλου. τοὐναντίον γὰρ κἂν μαρτυρίῳ χρήσαιτό τισ τούτῳ πρὸσ τὸ μὴ ἀγνοεῖσθαι μηδὲν ὑπὸ τοῦ ποιητοῦ τῶν εἰρημένων ἀρτίωσ περὶ τὴν Αἴγυπτον. γνοίησ δ’ ἂν οὕτωσ· ἀλαζὼν δὴ πᾶσ ὁ πλάνην αὑτοῦ διηγούμενοσ· τούτων δ’ ἦν καὶ ὁ Μενέλαοσ, ὃσ ἀναβεβηκὼσ μέχρισ Αἰθιόπων ἐπέπυστο τὰσ ἀναβάσεισ τοῦ Νείλου καὶ τὴν χοῦν ὅσην ἐπιφέρει τῇ χώρᾳ, καὶ τὸν πρὸ τῶν στομάτων πόρον ὅσον ἤδη προσχώσασ τῇ ἠπείρῳ προστέθεικεν, ὥστε εἰκότωσ ὑπὸ τοῦ Ἡροδότου καὶ τὴν ὅλην Αἴγυπτον τοῦ ποταμοῦ δῶρον λέγεσθαι· κἂν εἰ μὴ τὴν ὅλην, τήν γε ὑπὸ τῷ Δέλτα τὴν κάτω χώραν προσαγορευομένην. ἱστόρησε δὲ καὶ τὴν Φάρον πελαγίαν οὖσαν τὸ παλαιόν· προσεψεύσατο δὴ καὶ τὸ πελαγίαν εἶναι, καίπερ μηκέτι πελαγίαν οὖσαν. ὁ δὲ ταῦτα διασκευάζων ὁ ποιητὴσ ἦν·

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Strabo, Geography, book 1, chapter 2 46:

(스트라본, 지리학, book 1, chapter 2 46:)

상위

목록

SEARCH

MENU NAVIGATION