Strabo, Geography, book 1, chapter 2 40:

(스트라본, 지리학, book 1, chapter 2 40:)

τὸ δ’ ὅλον οὐκ εὖ τὸ τὴν Ὁμήρου ποίησιν εἰσ ἓν συνάγειν τῇ τῶν ἄλλων ποιητῶν εἴσ τε τἆλλα καὶ εἰσ αὐτὰ τὰ νῦν προκείμενα τὰ τῆσ γεωγραφίασ καὶ μηδὲν αὐτῷ πρεσβεῖον ἀπονέμειν. καὶ γὰρ εἰ μηδὲν ἄλλο, τόν γε Τριπτόλεμον τὸν Σοφοκλέουσ ἢ τὸν ἐν ταῖσ Βάκχαισ ταῖσ Εὐριπίδου πρόλογον ἐπελθόντα καὶ παραβαλόντα τὴν Ὁμήρου περὶ τὰ τοιαῦτα ἐπιμέλειαν, ῥᾷον ἦν αἰσθέσθαι τὴν ὑπερβολὴν ἢ τὴν διαφοράν· ὅπου γὰρ χρεία τάξεωσ ὧν μέμνηται τόπων, φυλάττει τὴν τάξιν ὁμοίωσ μὲν τῶν Ἑλληνικῶν, ὁμοίωσ δὲ τῶν ἄπωθεν· "Ὄσσαν ἐπ’ Οὐλύμπῳ μέμασαν θέμεν, αὐτὰρ ἐπ’ Ὄσσῃ Πήλιον εἰνοσίφυλλον. " "Ἥρη δ’ ἀίξασα λίπεν ῥίον Οὐλύμποιο, Πιερίην δ’ ἐπιβᾶσα καὶ Ἠμαθίην ἐρατεινὴν σεύατ’ ἐφ’ ἱπποπόλων Θρῃκῶν ὄρεα "νιφόεντα· ἐξ Ἀθόω δ’ ἐπὶ πόντον. " καὶ ἐν τῷ καταλόγῳ τὰσ μὲν πόλεισ οὐκ ἐφεξῆσ λέγει· οὐ γὰρ ἀναγκαῖον· τὰ δὲ ἔθνη ἐφεξῆσ. ὁμοίωσ δὲ καὶ περὶ τῶν ἄπωθεν· "Κύπρον Φοινίκην τε καὶ Αἰγυπτίουσ ἐπαληθεὶσ "Αἰθίοπάσ θ’ ἱκόμην καὶ Σιδονίουσ καὶ Ἐρεμβοὺσ καὶ "Λιβύην. " ὅπερ καὶ Ἵππαρχοσ ἐπισημαίνεται. οἱ δ’ ἐφ’ ὧν τάξεωσ χρεία, ὁ μὲν τὸν Διόνυσον ἐπιόντα τὰ ἔθνη φράζων, ὁ δὲ τὸν Τριπτόλεμον τὴν κατασπειρομένην γῆν, τὰ μὲν πολὺ διεστῶτα συνάπτουσιν ἐγγύσ, τὰ δὲ συνεχῆ διασπῶσι· "λιπὼν δὲ Λυδῶν τὰσ πολυχρύσουσ γύασ Φρυγῶν τε Περσῶν θ’ ἡλιοβλήτουσ πλάκασ Βάκτριά τε τείχη, τήν τε δύσχειμον χθόνα Μήδων ἐπελθὼν Ἀραβίαν τ’ εὐδαίμονα. " τοιαῦτα δὲ καὶ ὁ Τριπτόλεμοσ ποιεῖ. κἀν τοῖσ κλίμασι δὲ κἀν τοῖσ ἀνέμοισ διαφαίνει τὸ πολυμαθὲσ τὸ περὶ τὴν γεωγραφίαν Ὅμηροσ, ἐν ταῖσ τοποθεσίαισ λέγων ἅμα καὶ ταῦτα πολλαχοῦ· "αὐτὴ δὲ χθαμαλὴ πανυπερτάτη εἰν ἁλὶ κεῖται "πρὸσ ζόφον· αἱ δέ τ’ ἄνευθε πρὸσ ἠῶ τ’ ἠέλιόν τε. " "δύω δέ τέ οἱ θύραι εἰσίν, αἱ μὲν πρὸσ βορέαν, αἱ δ’ αὖ "πρὸσ νότον. " "εἴτ’ ἐπὶ δεξί’ ἰώσι πρὸσ ἠῶ τ’ ἠέλιόν τε, "εἴτ’ ἐπ’ ἀριστερά τοί γε ποτὶ ζόφον. " καὶ μὴν τὴν ἄγνοιάν γε τῶν τοιούτων τελείαν ἡγεῖται σύγχυσιν τῶν ἁπάντων· "ὦ φίλοι, οὐ γάρ τ’ ἴδμεν, ὅπῃ ζόφοσ οὐδ’ ὅπῃ ἠώσ, οὐδ’ ὅπῃ ἠέλιοσ. " κἀνταῦθα δ’ εἰπόντοσ εὖ τοῦ ποιητοῦ "βορέησ καὶ ζέφυροσ, τώ τε Θρῄκηθεν ἀήτον," οὐκ εὖ δεξάμενοσ ὁ αὐτὸσ συκοφαντεῖ ὡσ καθόλου λέγοντοσ, ὅτι ὁ ζέφυροσ ἐκ Θρᾴκησ πνεῖ, ἐκείνου λέγοντοσ οὐ καθόλου, ἀλλ’ ὅταν κατὰ τὴν Θρᾳκίαν θάλατταν συμπέσωσι περὶ τὸν Μέλανα κόλπον αὐτοῦ τοῦ Αἰγαίου μέροσ οὖσαν. ἐπιστροφὴν γὰρ λαμβάνει πρὸσ νότον ἀκρωτηριάζουσα ἡ Θρᾴκη καθ’ ἃ συνάπτει τῇ Μακεδονίᾳ, καὶ προπίπτουσα εἰσ τὸ πέλαγοσ τοὺσ ζεφύρουσ ἐντεῦθεν πνέοντασ ἀποφαίνει τοῖσ ἐν Θάσῳ καὶ Λήμνῳ καὶ Ἴμβρῳ καὶ Σαμοθρᾴκῃ καὶ τῇ περὶ αὐτὰσ θαλάττῃ, καθάπερ καὶ τῇ Ἀττικῇ ἀπὸ τῶν Σκειρωνίδων πετρῶν, ἀφ’ ὧν καὶ Σκείρωνεσ καλοῦνται οἱ ζέφυροι, καὶ μάλιστα οἱ ἀργέσται. οὐκ ἐνόησε δὲ τοῦτο Ἐρατοσθένησ, ὑπενόησε δ’ ὅμωσ. αὐτὸσ γοῦν ἐξηγεῖται τὴν ἐπιστροφὴν ἣν λέγω τῆσ χώρασ· ὡσ καθόλου οὖν δέχεται, εἶτ’ ἀπειρίαν αἰτιᾶται τοῦ ποιητοῦ, ὡσ τοῦ ζεφύρου μὲν ἀπὸ τῆσ ἑσπέρασ πνέοντοσ καὶ τῆσ Ἰβηρίασ, τῆσ δὲ Θρᾴκησ ἐκεῖσε μὴ διατεινούσησ. πότερον οὖν τὸν ζέφυρον ἀγνοεῖ ἀπὸ ἑσπέρασ πνέοντα; ἀλλ’ ὅταν οὕτω φῇ, φυλάττει τὴν οἰκείαν αὐτοῦ τάξιν "σὺν δ’ εὖρόσ τε νότοσ τε πέσον ζέφυρόσ τε δυσαὴσ καὶ βορέησ· ἢ τὴν Θρᾴκην οὐκ οἶδε μὴ προπίπτουσαν πέραν τῶν Παιονικῶν καὶ Θετταλικῶν ὀρῶν; ἀλλὰ καὶ ταύτην τὴν ἐφεξῆσ κατὰ τοὺσ Θρᾷκασ εἰδὼσ καὶ κατονομάζων τήν τε παραλίαν καὶ τὴν μεσόγαιαν Μάγνητασ μέν τινασ καὶ Μαλιεῖσ καὶ τοὺσ ἐφεξῆσ Ἕλληνασ καταλέγει μέχρι Θεσπρωτῶν, ὁμοίωσ δὲ καὶ τοῖσ Παίοσι τοὺσ ὁμόρουσ Δόλοπασ καὶ Σελλοὺσ περὶ Δωδώνην μέχρισ Ἀχελώου· Θρᾳκῶν δ’ οὐ μέμνηται περαιτέρω. εὐεπιφόρωσ δὲ ἔχει πρὸσ τὴν ἐγγυτάτην καὶ γνωριμωτάτην ἑαυτῷ θάλατταν, ὡσ καὶ ὅταν φῇ "κινήθη δ’ ἀγορὴ ὡσ κύματα μακρὰ θαλάσσησ πόντου Ἰκαρίοιο.

상위

Geography (지리학)

목록

일치하는 문장이 없습니다.

SEARCH

MENU NAVIGATION