Sophocles, Ajax, episode 1:

(소포클레스, Ajax, episode 1:)

οὐδεὶσ ἐρεῖ ποθ’ ὡσ ὑπόβλητον λόγον, Αἰάσ, ἔλεξασ, ἀλλὰ τῆσ σαυτοῦ φρενόσ· παῦσαί γε μέντοι καὶ δὸσ ἀνδράσιν φίλοισ γνώμησ κρατῆσαι, τάσδε φροντίδασ μεθείσ. ὦ δέσποτ’ Αἰάσ, τῆσ ἀναγκαίασ τύχησ οὐκ ἔστιν οὐδὲν μεῖζον ἀνθρώποισ κακόν. ἐγὼ δ’ ἐλευθέρου μὲν ἐξέφυν πατρόσ, εἴπερ τινὸσ σθένοντοσ ἐν πλούτῳ Φρυγῶν· νῦν δ’ εἰμὶ δούλη· θεοῖσ γὰρ ὧδ’ ἔδοξέ που καὶ σῇ μάλιστα χειρί. τοιγαροῦν, ἐπεὶ τὸ σὸν λέχοσ ξυνῆλθον, εὖ φρονῶ τὰ σά, καί σ’ ἀντιάζω πρόσ τ’ ἐφεστίου Διὸσ εὐνῆσ τε τῆσ σῆσ, ᾗ συνηλλάχθησ ἐμοί, μή μ’ ἀξιώσῃσ βάξιν ἀλγεινὴν λαβεῖν τῶν σῶν ὑπ’ ἐχθρῶν, χειρίαν ἐφείσ τινι. ᾗ γὰρ θάνῃσ σὺ καὶ τελευτήσασ ἀφῇσ, ταύτῃ νόμιζε κἀμὲ τῇ τόθ’ ἡμέρᾳ βίᾳ ξυναρπασθεῖσαν Ἀργείων ὕπο ξὺν παιδὶ τῷ σῷ δουλίαν ἕξειν τροφήν. καί τισ πικρὸν πρόσφθεγμα δεσποτῶν ἐρεῖ λόγοισ ἰάπτων· ἴδετε τὴν ὁμευνέτιν Αἰάντοσ, ὃσ μέγιστον ἴσχυσεν στρατοῦ, οἱάσ λατρείασ ἀνθ’ ὅσου ζήλου τρέφει. τοιαῦτ’ ἐρεῖ τισ· κἀμὲ μὲν δαίμων ἐλᾷ, σοὶ δ’ αἰσχρὰ τἄπη ταῦτα καὶ τῷ σῷ γένει. ἀλλ’ αἴδεσαι μὲν πατέρα τὸν σὸν ἐν λυγρῷ γήρᾳ προλείπων, αἴδεσαι δὲ μητέρα πολλῶν ἐτῶν κληροῦχον, ἥ σε πολλάκισ θεοῖσ ἀρᾶται ζῶντα πρὸσ δόμουσ μολεῖν· οἴκτιρε δ’, ὦναξ, παῖδα τὸν σόν, εἰ νέασ τροφῆσ στερηθεὶσ σοῦ διοίσεται μόνοσ ὑπ’ ὀρφανιστῶν μὴ φίλων, ὅσον κακὸν κείνῳ τε κἀμοὶ τοῦθ’, ὅταν θάνῃσ, νεμεῖσ. ἐμοὶ γὰρ οὐκέτ’ ἔστιν εἰσ ὅ τι βλέπω πλὴν σοῦ. σὺ γάρ μοι πατρίδ’ ᾔστωσασ δόρει, καὶ μητέρ’ ἄλλη μοῖρα τὸν φύσαντά τε καθεῖλεν Αἵδου θανασίμουσ οἰκήτορασ. τίσ δῆτ’ ἐμοὶ γένοιτ’ ἂν ἀντὶ σοῦ πατρίσ; τίσ πλοῦτοσ; ἐν σοὶ πᾶσ’ ἔγωγε σῴζομαι. ἀλλ’ ἴσχε κἀμοῦ μνῆστιν· ἀνδρί τοι χρεὼν μνήμην προσεῖναι, τερπνὸν εἴ τί που πάθοι. χάρισ χάριν γάρ ἐστιν ἡ τίκτουσ’ ἀεί· ὅτου δ’ ἀπορρεῖ μνῆστισ εὖ πεπονθότοσ, οὐκ ἂν γένοιτ’ ἔθ’ οὗτοσ εὐγενὴσ ἀνήρ.

일치하는 문장이 없습니다.

SEARCH

MENU NAVIGATION