헬라어 문장 검색 - ΠολψβίΗιστορί34́011́

(폴리비오스, Histories, book 34, vii. de italia)

Πολύβιοσ δὲ διάφορον οἶνον ἐν Καπύῃ φησὶ γίνεσθαι τὸν ἀναδενδρίτην καλούμενον, ᾧ μηδένα συγκρίνεσθαι. Φησὶ δὲ Πολύβιοσ πεζῇ μὲν εἶναι τὴν παραλίαν τὴν ἀπὸ Ιἀπυγίασ μέχρι πορθμοῦ καὶ τρισχιλίων σταδίων, κλύζεσθαι δ’ αὐτὴν τῷ Σικελικῷ πελάγει, πλέοντι δὲ καὶ πεντακοσίων δέουσαν.

‐ Τῆσ δὲ Τυρρηνίασ μῆκοσ μὲν τὸ μέγιστον εἶναί φασι τὴν παραλίαν ἀπὸ Λούνησ μέχρι Ὠστίων δισχιλίων που καὶ πεντακοσίων σταδίων· πλάτοσ δὲ τοῦ ἡμίσουσ ἔλαττον τὸ πρὸσ τοῖσ ὄρεσιν.

εἰσ μὲν οὖν Πίσασ ἀπὸ Λούνησ πλείουσ τῶν τετρακοσίων σταδίων εἰσίν, ἐντεῦθεν δ’ εἰσ Οὐολατέρρασ διακόσιοι ὀγδοήκοντα, πάλιν δ’ ἐνθένδε εἰσ Ποπλώνιον διακόσιοι ἑβδομήκοντα, ἐκ δὲ Ποπλωνίου εἰσ Κόσαν ἐγγὺσ ὀκτακόσιοι, οἱ δὲ ἑξακόσιοί φασι. Πολύβιοσ δ’ οὐκ εὖ καὶ τοὺσ πάντασ χιλίουσ τριακοσίουσ τριάκοντα λέγει. ‐ Αἰθάλη, νῆσοσ Τυρσηνῶν . Πολύβιοσ δ’ ἐν τριακοστῇ τετάρτῃ λέγει Αἰθάλειαν τὴν Λῆμνον καλεῖσθαι.

‐ Καλοῦσι δ’ αὐτὸν Κρατῆρα, ἀπὸ τοῦ Μισηνοῦ μέχρι τοῦ Ἀθηναίου, δυεῖν ἀκρωτηρίων, κολπούμενον. ὑπὲρ δὲ τούτων τῶν ᾐόνων Καμπανία πᾶσα ἵδρυται, πεδίον εὐδαιμονέστατον τῶν ἁπάντων .

Ἀντίοχοσ μὲν οὖν φησι τὴν χώραν ταύτην Ὀπικοὺσ οἰκῆσαι, τούτουσ δὲ καὶ Αὔσονασ καλεῖσθαι.

Πολύβιοσ δ’ ἐμφαίνει δύο ἔθνη νομίζων ταῦτα·

Ὀπικοὺσ γάρ φησι καὶ Αὔσονασ οἰκεῖν τὴν χώραν ταύτην περὶ τὸν Κρατῆρα. καὶ εἶναι μίλια πεντακόσια ἑξήκοντα δύο εἰσ Σίλαν πόλιν, ἐντεῦθεν δ’ εἰσ Ἀκυληίαν ἑκατὸν ἑβδομήκοντα ὀκτώ.

Ἥρασ ἱερόν, πλούσιόν ποτε ὑπάρξαν καὶ πολλῶν ἀναθημάτων μεστόν.

τὰ διάρματα δ’ οὐκ εὐκρινῶσ λέγεται·

ἐντεῦθεν δὲ καὶ δίαρμα εἰσ ἄκραν Ιἀπυγίαν ἑπτακοσίουσ.

Πολύβιοσ δὲ τῶν τριῶν κρατήρων τὸν μὲν κατερρυηκέναι φησὶν ἐκ μέρουσ, τοὺσ δὲ συμμένειν·

τὸν δὲ μέγιστον τὸ χεῖλοσ ἔχειν περιφερὲσ ὂν πέντε σταδίων, κατ’ ὀλίγον δὲ συνάγεσθαι εἰσ πεντήκοντα ποδῶν διάμετρον·

καθ’ οὗ βάθοσ εἶναι τὸ μέχρι θαλάττησ σταδιαῖον, ὥστε καθορᾶν ταῖσ νηνεμίαισ.

[εἰ δὲ ταῦτ’ ἐστὶ πιστά, οὐκ ἀπιστητέον ἴσωσ οὐδὲ τοῖσ περὶ Ἐμπεδοκλέουσ μυθολογηθεῖσιν. ] ἐὰν μὲν οὖν νότοσ μέλλῃ πνεῖν, ἀχλὺν ὁμιχλώδη καταχεῖσθαι κύκλῳ φησὶ τῆσ νησῖδοσ, ὥστε μηδὲ τὴν Σικελίαν ἄπωθεν φαίνεσθαι·

ὅταν δὲ βορέασ, φλόγασ καθαρὰσ ἀπὸ τοῦ λεχθέντοσ κρατῆροσ εἰσ ὕψοσ ἐξαίρεσθαι καὶ βρόμουσ ἐκπέμπεσθαι μείζουσ· τὸν δὲ ζέφυρον μέσην τινὰ ἔχειν τάξιν.

τοὺσ δ’ ἄλλουσ κρατῆρασ ὁμοειδεῖσ μὲν εἶναι, τῇ δὲ βίᾳ λείπεσθαι τῶν ἀναφυσημάτων·

ἔκ τε δὴ τῆσ διαφορᾶσ τῶν βρόμων καὶ ἐκ τοῦ πόθεν ἄρχεται τὰ ἀναφυσήματα καὶ αἱ φλόγεσ καὶ αἱ λιγνύεσ προσημαίνεσθαι καὶ τὸν εἰσ ἡμέραν τρίτην πάλιν μέλλοντα ἄνεμον πνεῖν.

τῶν γοῦν ἐν Λιπάραισ γενομένησ ἀπλοίασ προειπεῖν τινάσ φησι τὸν ἐσόμενον ἄνεμον καὶ μὴ διαψεύσασθαι.

ἀφ’ οὗ δὴ τὸ μυθωδέστατον δοκοῦν εἰρῆσθαι τῷ ποιητῇ οὐ μάτην φαίνεσθαι λεχθέν, ἀλλ’ αἰνιξαμένου τὴν ἀλήθειαν, ὅταν φῇ ταμίαν τῶν ἀνέμων τὸν Αἰόλον.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Polybius, Histories, book 34, vii. de italia

(폴리비오스, Histories, book 34, vii. de italia)

상위

목록

SEARCH

MENU NAVIGATION