헬라어 문장 검색 - ΠολψβίΗιστορί34́012́

(폴리비오스, Histories, book 34, viii. de thracia, macedonia, graecia)

Καὶ ἄλλα δ’ οὐ πιστὰ λέγει, τό τε συντετρῆσθαι τὰ πελάγη ἀπὸ τοῦ εὑρίσκεσθαι κέραμόν τε Χῖον καὶ Θάσιον ἐν τῷ Νάρωνι, καὶ τὸ ἄμφω κατοπτεύεσθαι τὰ πελάγη ἀπό τινοσ ὄρουσ, καὶ τῶν νήσων τῶν Λιβυρνίδων τιθείσ, ὥστε κύκλον ἔχειν σταδίων καὶ πεντακοσίων, καὶ τὸ τὸν Ἴστρον ἑνὶ τῶν στομάτων εἰσ τὸν Ἀδρίαν ἐμβάλλειν. τοιαῦτα δὲ καὶ τοῦ Ἐρατοσθένουσ ἔνια παρακούσματά ἐστι λαοδογματικά, καθάπερ Πολύβιόσ φησι καὶ περὶ αὐτοῦ καὶ τῶν ἄλλων λέγων συγγραφέων.

‐ Ἐκ δὲ τῆσ Ἀπολλωνίασ εἰσ Μακεδονίαν ἡ Ἐγνατία ἐστὶν ὁδὸσ πρὸσ ἑώ, βεβηματισμένη κατὰ μίλιον καὶ κατεστηλωμένη μέχρι Κυψέλων καὶ Ἕβρου ποταμοῦ· μιλίων δ’ ἐστὶ πεντακοσίων τριάκοντα πέντε.

ὡσ δὲ Πολύβιοσ, προστιθεὶσ τῷ ὀκτασταδίῳ δίπλεθρον, ὅ ἐστι τρίτον σταδίου, προσθετέον ἄλλουσ σταδίουσ ἑκατὸν ἑβδομήκοντα ὀκτώ, τὸ τρίτον τοῦ τῶν μιλίων ἀριθμοῦ.

συμβαίνει δ’ ἀπὸ ἴσου διαστήματοσ συμπίπτειν εἰσ τὴν αὐτὴν ὁδὸν τούσ τ’ ἐκ τῆσ Ἀπολλωνίασ ὁρμηθέντασ καὶ τοὺσ ἐξ Ἐπιδάμνου.

ἡ μὲν οὖν πᾶσα Ἐγνατία καλεῖται, ἡ δὲ πρώτη ἐπὶ Κανδαουίασ λέγεται, ὄρουσ Ἰλλυρικοῦ, διὰ Λυχνιδοῦ πόλεωσ καὶ Πυλῶνοσ, τόπου ὁρίζοντοσ ἐν τῇ ὁδῷ τήν τε Ἰλλυρίδα καὶ τὴν Μακεδονίαν.

ἐκεῖθεν δ’ ἐστὶ παρὰ Βαρνοῦντα διὰ Ἡρακλείασ καὶ Λυγκηστῶν καὶ Εὀρδῶν εἰσ Ἔδεσσαν καὶ Πέλλαν μέχρι Θεσσαλονικείασ·

μίλια δ’ ἐστί, φησὶ Πολύβιοσ, ταῦτα διακόσια ἑξήκοντα ἑπτά.

‐ Ὅτι ἐκ Περίνθου εἰσ Βυζάντιόν εἰσιν ἑξακόσιοι τριάκοντα, ἀπὸ δὲ Ἕβρου καὶ Κυψέλων εἰσ Βυζάντιον μέχρι Κυανέων τρισχίλιοι ἑκατόν, ὥσ φησιν Ἀρτεμίδωροσ, τὸ δὲ σύμπαν μῆκοσ ἀπὸ Ιὀνίου κόλπου τοῦ κατὰ Ἀπολλωνίαν μέχρι Βυζαντίου ἑπτακισχίλιοι τριακόσιοι εἴκοσι· τὸ τρίτον τοῦ σταδίου προσλαμβάνων ἐπὶ τοῖσ ὀκτὼ τοῦ μιλίου σταδίοισ.

Ἡ δὲ περίμετροσ μὴ κατακολπίζοντι τετρακισχιλίων σταδίων, ὡσ Πολύβιοσ.

‐ Πολυβίου δ’ εἰρηκότοσ τὸ ἀπὸ Μαλεῶν ἐπὶ τὰσ ἄρκτουσ μέχρι τοῦ Ἴστρου διάστημα περὶ μυρίουσ σταδίουσ, εὐθύνει τοῦτο ὁ Ἀρτεμίδωροσ οὐκ ἀτόπωσ κατ’ ἐκεῖνον δὴ συμβαίνει τὸ ἐκ τοῦ Ἴστρου ἐπὶ Μαλέασ ἑξακισχιλίων πεντακοσίων. αἴτιον δὲ τούτου τὸ μὴ τὴν σύντομον καταμετρεῖν ἀλλὰ τὴν τυχοῦσαν, ἣν ἐπορεύθη τῶν στρατηγῶν τισ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Polybius, Histories, book 34, viii. de thracia, macedonia, graecia

(폴리비오스, Histories, book 34, viii. de thracia, macedonia, graecia)

상위

목록

SEARCH

MENU NAVIGATION