헬라어 문장 검색 - ΠολψβίΗιστορί34́007́

(폴리비오스, Histories, book 34, chapter 7)

Ἑξῆσ δὲ τὰ τοῦ Ἐρατοσθένουσ ἐπανορθοῖ, τὰ μὲν εὖ, τὰ δὲ χεῖρον λέγων ἢ ἐκεῖνοσ. ἐξ Ἰθάκησ μὲν γὰρ εἰσ Κόρκυραν τριακοσίουσ εἰπόντοσ, πλείουσ φησὶν εἶναι τῶν ἐνακοσίων, ἐξ Ἐπιδάμνου δὲ εἰσ Θεσσαλονίκειαν ἐνακοσίουσ ἀποδόντοσ, πλείουσ τῶν δισχιλίων φησί.

ταῦτα μὲν εὖ, ἀπὸ δὲ Μασσαλίασ ἐπὶ στήλασ λέγοντοσ ἑπτακισχιλίουσ, ἀπὸ δὲ Πυρήνησ ἑξακισχιλίουσ, αὐτὸσ λέγει χεῖρον πλείουσ ἢ ἐνακισχιλίουσ τοὺσ ἀπὸ Μασσαλίασ, ἀπὸ δὲ Πυρήνησ μικρὸν ἐλάττουσ ἢ ὀκτακισχιλίουσ· ἐγγυτέρω γὰρ τῆσ ἀληθείασ ἐκεῖνοσ εἴρηκεν.

οἱ γὰρ νῦν ὁμολογοῦσιν, εἴ τισ τὰσ τῶν ὁδῶν ἀνωμαλίασ ὑποτέμνοιτο, μὴ μείζω τῶν ἑξακισχιλίων σταδίων εἶναι τὸ μῆκοσ τὴν σύμπασαν Ἰβηρίαν ἀπὸ Πυρήνησ ἑώσ τῆσ ἑσπερίου πλευρᾶσ.

ὁ δ’ αὐτὸν τὸν Τάγον ποταμὸν ὀκτακισχιλίων τίθησι τὸ μῆκοσ ἀπὸ τῆσ πηγῆσ μέχρι τῶν ἐκβολῶν, οὐ δήπου τὸ σὺν τοῖσ σκολιώμασιν ‐ οὐ γὰρ γεωγραφικὸν τοῦτο ‐ ἀλλ’ ἐπ’ εὐθείασ λέγων·

καίτοι γε ἀπὸ Πυρήνησ αἱ τοῦ Τάγου πηγαὶ πλέον διέχουσιν ἢ χιλίουσ σταδίουσ. ὅσ γε μέχρι Γαδείρων ὑπὸ Γαλατῶν περιοικεῖσθαι φήσασ τὰ ἔξωθεν αὐτῆσ, εἴ γε τὰ πρὸσ δύσιν τῆσ Εὐρώπησ μέχρι Γαδείρων ἔχουσιν ἐκεῖνοι, τούτων ἐκλαθόμενοσ κατὰ τὴν τῆσ Ἰβηρίασ περίοδον τῶν Γαλατῶν οὐδαμοῦ μέμνηται.

τὸ δὲ μῆκοσ τῆσ Εὐρώπησ ὅτι ἔλαττόν ἐστι τοῦ συνάμφω τῆσ τε Λιβύησ καὶ τῆσ Ἀσίασ ἐκθείσ, οὐκ ὀρθῶσ τὴν σύγκρισιν ποιεῖται.

τὸ μὲν γὰρ στόμα τὸ κατὰ στήλασ φησὶν ὅτι κατὰ τὴν ἰσημερινὴν δύσιν ἐστίν, ὁ δὲ Τάναϊσ ῥεῖ ἀπὸ θερινῆσ ἀνατολῆσ·

ἐλαττοῦται δὴ τοῦ συνάμφω μήκουσ τῷ μεταξὺ τῆσ θερινῆσ ἀνατολῆσ καὶ τῆσ ἰσημερινῆσ·

τοῦτο γὰρ ἡ Ἀσία προλαμβάνει πρὸσ τὴν ἰσημερινὴν ἀνατολὴν τοῦ πρὸσ τὰσ ἄρκτουσ ἡμικυκλίου. βέλτιον μὲν οὗτοσ εἴρηκε περὶ αὐτῶν Ἐρατοσθένουσ, οὔπω δὲ ἱκανῶσ.

ἐκεῖνοσ μὲν γὰρ τρεῖσ ἔφη, τὴν ἐπὶ τὰσ στήλασ καθήκουσαν, ἐφ’ ἧσ ἡ Ἰβηρία, καὶ τὴν ἐπὶ τὸν πορθμόν, ἐφ’ ἧσ ἡ Ἰταλία, καὶ τρίτην τὴν κατὰ Μαλέασ, ἐφ’ ἧσ τὰ μεταξὺ τοῦ Ἀδρίου καὶ τοῦ Εὐξείνου πάντ’ ἔθνη καὶ τοῦ Τανάιδοσ·

τετάρτην δὲ τὴν κατὰ τὴν Θρᾳκίαν χερρόνησον, ἐφ’ ἧσ τὰ κατὰ Σηστὸν καὶ Ἄβυδον στενά ‐ ἔχουσι δ’ αὐτὴν Θρᾷκεσ ‐ πέμπτην δὲ τὴν κατὰ τὸν Κιμμερικὸν Βόσπορον καὶ τὸ στόμα τῆσ Μαιώτιδοσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Polybius, Histories, book 34, chapter 7

(폴리비오스, Histories, book 34, chapter 7)

상위

목록

SEARCH

MENU NAVIGATION