헬라어 문장 검색 - ΠολψβίΗιστορί34́010́

(폴리비오스, Histories, book 34, vi. de gallia)

Πολύβιοσ δ’ ἐν τῇ τετάρτῃ καὶ τριακοστῇ τῶν Ἱστοριῶν μετὰ τὴν Πυρήνην φησὶν ἑώσ τοῦ Νάρβωνοσ ποταμοῦ πεδίον εἶναι, δι’ οὗ φέρεσθαι ποταμοὺσ Ἰλλέβεριν καὶ Ῥόσκυνον, ῥέοντασ παρὰ πόλεισ ὁμωνύμουσ, κατοικουμένασ ὑπὸ Κελτῶν. ἐν οὖν τῷ πεδίῳ τούτῳ εἶναι τοὺσ λεγομένουσ ἰχθῦσ ὀρυκτούσ.

εἶναι δὲ τὸ πεδίον λεπτόγειον καὶ πολλὴν ἄγρωστιν ἔχον πεφυκυῖαν·

μεθ’ οὗ ἰχθύεσ κατὰ τὰσ παρεκχύσεισ ὑποτρέχοντεσ ὑπὸ τὴν γῆν χάριν τῆσ τροφῆσ ‐ φιληδοῦσι γὰρ τῇ τῆσ ἀγρώστεωσ ῥίζῃ ‐ πεποιήκασι πᾶν τὸ πεδίον πλῆρεσ ἰχθύων ὑπογείων, οὓσ ἀνορύττοντεσ λαμβάνουσιν.

Περὶ δὲ τῶν τοῦ Ῥοδανοῦ στομάτων Πολύβιοσ ἐπιτιμᾷ Τιμαίῳ, φήσασ εἶναι μὴ πεντάστομον, ἀλλὰ δίστομον.

‐ Ὁ δὲ Λίγηρ μεταξὺ Πικτόνων τε καὶ Ναμνιτῶν ἐκβάλλει. ὅτι Μασσαλιωτῶν μὲν τῶν συμμιξάντων Σκιπίωνι οὐδεὶσ εἶχε λέγειν οὐδὲν μνήμησ ἄξιον, ἐρωτηθεὶσ ὑπὸ τοῦ Σκιπίωνοσ περὶ τῆσ Βρετταννικῆσ, οὐδὲ τῶν ἐκ Νάρβωνοσ οὐδὲ τῶν ἐκ Κορβιλῶνοσ, αἵπερ ἦσαν ἄρισται πόλεισ τῶν ταύτῃ, Πυθέασ δ’ ἐθάρρησε τοσαῦτα ψεύσασθαι.

Φησὶ δὲ Πολύβιοσ καὶ ἰδιόμορφόν τι γεννᾶσθαι ζῷον ἐν αὐταῖσ, ἐλαφοειδὲσ τὸ σχῆμα πλὴν αὐχένοσ καὶ τριχώματοσ, ταῦτα δ’ ἐοικέναι κάπρῳ·

ὑπὸ δὲ τῷ γενείῳ πυρῆνα ἴσχειν ὅσον σπιθαμιαῖον ἀκρόκομον, πωλικῆσ κέρκου τὸ πάχοσ.

Ἔτι φησὶ Πολύβιοσ ἐφ’ ἑαυτοῦ κατ’ Ἀκυληίαν μάλιστα ἐν τοῖσ Ταυρίσκοισ τοῖσ Νωρικοῖσ εὑρεθῆναι χρυσεῖον οὕτωσ εὐφυὲσ ὥστ’ ἐπὶ δύο πόδασ ἀποσύραντι τὴν ἐπιπολῆσ γῆν εὐθὺσ ὀρυκτὸν εὑρίσκεσθαι χρυσόν.

τὸ δ’ ὄρυγμα μὴ πλειόνων ὑπάρχειν ἢ πεντεκαίδεκα ποδῶν.

εἶναι δὲ τοῦ χρυσοῦ τὸν μὲν αὐτόθεν καθαρόν, κυάμου μέγεθοσ ἢ θέρμου, τοῦ ὀγδόου μέρουσ μόνον ἀφεψηθέντοσ, τὸν δὲ δεῖσθαι μὲν χωνείασ πλείονοσ, σφόδρα δὲ λυσιτελοῦσ.

συνεργασαμένων δὲ τοῖσ βαρβαροῖσ τῶν Ἰταλιωτῶν ἐν διμήνῳ, παραχρῆμα τὸ χρυσίον εὐωνότερον γενέσθαι τῷ τρίτῳ μέρει καθ’ ὅλην τὴν Ἰταλίαν.

αἰσθομένουσ δὲ τοὺσ Ταυρίσκουσ μονοπωλεῖν ἐκβαλόντασ τοὺσ συνεργαζομένουσ.

Ὁ δ’ αὐτὸσ ἀνὴρ περὶ τοῦ μεγέθουσ τῶν Ἄλπεων καὶ τοῦ ὕψουσ λέγων παραβάλλει τὰ ἐν τοῖσ Ἕλλησιν ὄρη τὰ μέγιστα, τὸ Ταύ̈γετον, τὸ Λύκαιον, Παρνασσόν, Ὄλυμπον, Πήλιον, Ὄσσαν, ἐν δὲ Θρᾴκῃ Αἷμον, Ῥοδόπην, Δούνακα.

καί φησιν ὅτι τούτων μὲν ἕκαστον μικροῦ δεῖν αὐθημερὸν εὐζώνοισ ἀναβῆναι δυνατόν, αὐθημερὸν δὲ καὶ περιελθεῖν, τὰσ δ’ Ἄλπεισ οὐδ’ ἂν πεμπταῖοσ ἀναβαίη τισ·

τὸ δὲ μῆκόσ ἐστι δισχιλίων καὶ διακοσίων σταδίων τὸ παρῆκον παρὰ τὰ πεδία.

τέτταρασ δ’ ὑπερβάσεισ ὀνομάζει μόνον, διὰ Λιγύων μὲν τὴν ἔγγιστα τῷ Τυρρηνικῷ πελάγει, εἶτα τὴν διὰ Ταυρίνων, ἣν Ἀννίβασ διῆλθεν, εἶτα τὴν διὰ Σαλασσῶν, τετάρτην δὲ τὴν διὰ Ῥαιτῶν, ἁπάσασ κρημνώδεισ.

λίμνασ δὲ εἶναί φησιν ἐν τοῖσ ὄρεσι πλείουσ μέν, τρεῖσ δὲ μεγάλασ, ὧν ἡ μὲν Βήνακοσ ἔχει μῆκοσ πεντακοσίων σταδίων, πλάτοσ δὲ ἑκατὸν τριάκοντα, ἐκρεῖ δὲ ποταμὸσ Μίγκιοσ·

ἡ δ’ ἑξῆσ Λάριοσ τετρακοσίων, πλάτοσ δὲ στενωτέρα τῆσ πρότερον, ἐξίησι δὲ ποταμὸν τὸν Ἀδούαν·

τρίτη δὲ Οὐερβανὸσ μῆκοσ ἐγγὺσ τριακοσίων σταδίων, πλάτοσ δὲ τριάκοντα, ποταμὸν δὲ ἐξίησι μέγαν Τίκινον.

πάντεσ δ’ εἰσ τὸν Πάδον συρρέουσι.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Polybius, Histories, book 34, vi. de gallia

(폴리비오스, Histories, book 34, vi. de gallia)

상위

목록

SEARCH

MENU NAVIGATION