헬라어 문장 검색 - ΠολψβίΗιστορί34́002́

(폴리비오스, Histories, book 34, ii. de ulixis navigatione, prope siciliam praesertim)

Ἐκ μηδενὸσ δὲ ἀληθοῦσ ἀνάπτειν κενὴν τερατολογίαν οὐχ Ὁμηρικόν. προσπίπτει γάρ, ὡσ εἰκόσ, ὡσ πιθανώτερον ἂν οὕτω τισ ψεύδοιτο, εἰ καταμίσγοι τι καὶ αὐτῶν τῶν ἀληθινῶν·

ὅπερ καὶ Πολύβιόσ φησι περὶ τῆσ Ὀδυσσέωσ πλάνησ ἐπιχειρῶν.

Καὶ Πολύβιοσ δ’ ὀρθῶσ ὑπονοεῖ τὰ περὶ τῆσ πλάνησ.

καθάπερ Δαναὸν μὲν τὰ ὑδρεῖα τὰ ἐν Ἄργει παραδείξαντα, Ἀτρέα δὲ τοῦ ἡλίου τὸν ὑπεναντίον τῷ οὐρανῷ δρόμον, μάντεισ τε καὶ ἱεροσκοπουμένουσ ἀποδείκνυσθαι βασιλέασ·

τούσ θ’ ἱερέασ τῶν Αἰγυπτίων καὶ Χαλδαίουσ καὶ Μάγουσ σοφίᾳ τινὶ διαφέροντασ τῶν ἄλλων ἡγεμονίασ καὶ τιμῆσ τυγχάνειν παρὰ τοῖσ πρὸ ἡμῶν.

οὕτω δὲ καὶ τῶν θεῶν ἕνα ἕκαστον τῶν χρησίμων τινὸσ εὑρετὴν γενόμενον τιμᾶσθαι.

τὸ δ’ ὅλον περὶ Σικελίαν καὶ τῷ ποιητῇ πεποιῆσθαι καὶ τοῖσ ἄλλοισ συγγραφεῦσιν, ὅσοι τἀπιχώρια λέγουσι τὰ περὶ τὴν Ἰταλίαν καὶ Σικελίαν.

οὐκ ἐπαινεῖ δὲ οὐδὲ τὴν τοιαύτην τοῦ Ἐρατοσθένουσ ἀπόφασιν, διότι φησὶ τότ’ ἂν εὑρεῖν τινα ποῦ Ὀδυσσεὺσ πεπλάνηται, ὅταν εὑρ́ῃ τὸν σκυτέα τὸν συρράψαντα τὸν τῶν ἀνέμων ἀσκόν.

σκόπελον περιμαιμώωσα, δελφῖνάσ τε κύνασ τε καὶ εἴ ποθι μεῖζον ἕλῃσι κῆτοσ.

ἐκ δὲ τῆσ θήρασ αὐτῶν πιαίνεσθαι τοὺσ γαλεώτασ, οὓσ καὶ ξιφίασ λέγεσθαι καὶ κύνασ φησί.

συμβαίνειν γὰρ ταὐτὸν ἐνθάδε καὶ κατὰ τὰσ ἀναβάσεισ τοῦ Νείλου καὶ τῶν ἄλλων ὑδάτων, ὅπερ ἐπὶ πυρὸσ καὶ ὕλησ ἐμπιπραμένησ·

ἁθροιζόμενα γὰρ τὰ θηρία φεύγειν τὸ πῦρ ἢ τὸ ὕδωρ καὶ βορὰν γίνεσθαι τοῖσ κρείττοσι.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Polybius, Histories, book 34, ii. de ulixis navigatione, prope siciliam praesertim

(폴리비오스, Histories, book 34, ii. de ulixis navigatione, prope siciliam praesertim)

상위

목록

SEARCH

MENU NAVIGATION