헬라어 문장 검색 - ΠολψβίΗιστορί33́009́

(폴리비오스, Histories, book 33, chapter 10)

Ὁ δὲ Κόιντοσ συναθροίσασ τὰσ δυνάμεισ εἰσ τὴν τῶν Πλακεντίνων πόλιν καὶ ποιησάμενοσ τὴν πορείαν διὰ τῶν Ἀπεννίνων ὀρῶν ἧκεν εἰσ τοὺσ Ὀξυβίουσ. στρατοπεδεύσασ δὲ παρὰ τὸν Ἄπρωνα ποταμὸν ἀνεδέχετο τοὺσ πολεμίουσ, πυνθανόμενοσ αὐτοὺσ ἁθροίζεσθαι καὶ προθύμουσ εἶναι πρὸσ τὸ διακινδυνεύειν.

καὶ προσαγαγὼν τὴν στρατιὰν ὁ Κόιντοσ πρὸσ τὴν Αἴγιτναν, ἐν ᾗ συνέβη τοὺσ πρεσβευτὰσ παρασπονδηθῆναι, τὴν πόλιν κατὰ κράτοσ ἑλὼν ἐξηνδραποδίσατο καὶ τοὺσ ἀρχηγοὺσ τῆσ ὕβρεωσ ἀπέστειλε δεσμίουσ εἰσ τὴν Ῥώμην.

καὶ ταῦτα διαπραξάμενοσ ἀπήντα τοῖσ πολεμίοισ.

οἱ δ’ Ὀξύβιοι νομίζοντεσ ἀπαραίτητον αὑτοῖσ εἶναι τὴν εἰσ τοὺσ πρεσβευτὰσ ἁμαρτίαν, παραλόγῳ τινὶ χρησάμενοι θυμῷ καὶ λαβόντεσ ὁρμὴν παραστατικήν, πρὶν ἢ τοὺσ Δεκιήτασ αὐτοῖσ συμμῖξαι, περὶ τετρακισχιλίουσ ἁθροισθέντεσ ὡρ́μησαν ἐπὶ τοὺσ πολεμίουσ.

ὁ δὲ Κόιντοσ ἰδὼν τὴν ἔφοδον καὶ τὸ θράσοσ τῶν βαρβάρων τὴν μὲν ἀπόνοιαν αὐτῶν κατεπλάγη, θεωρῶν δὲ μηδενὶ λόγῳ ταύτῃ χρωμένουσ τοὺσ ἐχθροὺσ εὐθαρσὴσ ἦν, ἅτε τριβὴν ἐν πράγμασιν ἔχων καὶ τῇ φύσει διαφερόντωσ ἀγχίνουσ ὑπάρχων.

διόπερ ἐξαγαγὼν τὴν αὑτοῦ στρατιὰν καὶ παρακαλέσασ τὰ πρέποντα τοῖσ καιροῖσ ᾔει βάδην ἐπὶ τοὺσ πολεμίουσ.

χρησάμενοσ δὲ συντόνῳ προσβολῇ ταχέωσ ἐνίκησε τοὺσ ἀντιταξαμένουσ καὶ πολλοὺσ μὲν αὐτῶν ἀπέκτεινεν, τοὺσ δὲ λοιποὺσ ἠνάγκασε φυγεῖν προτροπάδην.

οἱ δὲ Δεκιῆται συνηθροισμένοι παρῆσαν, ὡσ μεθέξοντεσ τοῖσ Ὀξυβίοισ τῶν αὐτῶν κινδύνων·

ὑστερήσαντεσ δὲ τῆσ μάχησ τούσ τε φεύγοντασ ἐξεδέξαντο καὶ μετ’ ὀλίγον συνέβαλον τοῖσ Ῥωμαίοισ μετὰ μεγάλησ ὁρμῆσ καὶ προθυμίασ.

ἡττηθέντεσ δὲ τῇ μάχῃ παραυτίκα πάντεσ παρέδωκαν σφᾶσ αὐτοὺσ καὶ τὴν πόλιν εἰσ τὴν Ῥωμαίων πίστιν.

ὁ δὲ Κόιντοσ κύριοσ γενόμενοσ τούτων τῶν ἐθνῶν παραυτίκα μὲν τῆσ χώρασ ὅσην ἐνεδέχετο προσέθηκε τοῖσ Μασσαλιήταισ, εἰσ δὲ τὸ μέλλον ὅμηρα τοὺσ Λιγυστίνουσ ἠνάγκασε διδόναι κατά τινασ τακτοὺσ χρόνουσ τοῖσ Μασσαλιήταισ·

αὐτὸσ δὲ παροπλίσασ τοὺσ ἀντιταξαμένουσ καὶ διελὼν τὴν δύναμιν ἐπὶ τὰσ πόλεισ αὐτοῦ τὴν παραχειμασίαν ἐποιήσατο.

καὶ ταῦτα μὲν ὀξεῖαν ἔλαβε καὶ τὴν ἀρχὴν καὶ τὴν συντέλειαν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Polybius, Histories, book 33, chapter 10

(폴리비오스, Histories, book 33, chapter 10)

상위

목록

SEARCH

MENU NAVIGATION