헬라어 문장 검색 - ΠολψβίΗιστορί33́001́

(폴리비오스, Histories, book 33, a. olymp. 156, 1. i. res italiae)

Ὅτι ἡ σύγκλητοσ ἔτι κατὰ χειμῶνα διακούσασα τῶν περὶ τὸν Πόπλιον Λέντλον ὑπὲρ τῶν κατὰ Προυσίαν διὰ τὸ νεωστὶ παραγεγονέναι τούτουσ ἐκ τῆσ Ἀσίασ, εἰσεκαλέσατο καὶ τὸν Ἀθήναιον τὸν Ἀττάλου τοῦ βασιλέωσ ἀδελφόν. οὐ μέντοι πολλῶν προσεδεήθη λόγων, ἀλλ’ εὐθέωσ καταστήσασα πρεσβευτὰσ συνεξαπέστελλε τῷ προειρημένῳ τοὺσ περὶ Γάιον Κλαύδιον Κέντωνα καὶ Λεύκιον Ὁρτήσιον καὶ Γάιον Αὐρογκολήιον, ἐντολὰσ δοῦσα κωλύειν τὸν Προυσίαν Ἀττάλῳ πολεμεῖν.

Παρεγένοντο δὲ καὶ παρὰ τῶν Ἀχαιῶν πρέσβεισ εἰσ Ῥώμην ὑπὲρ τῶν κατεχομένων οἱ περὶ Ξένωνα τὸν Αἰγιέα καὶ Τηλεκλέα τὸν Αἰγειράτην.

ὧν ποιησαμένων λόγουσ ἐν τῇ συγκλήτῳ, καὶ τοῦ διαβουλίου προτεθέντοσ, παρ’ ὀλίγον ἦλθον ἀπολῦσαι τοὺσ κατῃτιαμένουσ οἱ τοῦ συνεδρίου.

τὴν δ’ αἰτίαν ἔσχε τοῦ μὴ συντελεσθῆναι τὴν ἀπόλυσιν Αὖλοσ Ποστόμιοσ, στρατηγὸσ ὢν ἑξαπέλεκυσ καὶ βραβεύων τὸ διαβούλιον.

παρελθὼν τὴν μίαν γνώμην διηρώτα τὰσ δύο καθολικῶσ, οἷσ δοκεῖ τοὺσ ἀνακεκλημένουσ ἀφιέναι καὶ τοὐναντίον.

λοιπὸν οἱ κατὰ τὸ παρὸν ἐπέχειν κελεύοντεσ προσέβησαν πρὸσ τοὺσ μὴ φάσκοντασ δεῖν ἀπολύειν, καὶ πλείουσ ἐγενήθησαν τῶν ἀφιέντων.

καὶ ταῦτα μὲν ἐπὶ τούτων ἦν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

Ancient Greek Text

Polybius, Histories, book 33, a. olymp. 156, 1. i. res italiae

(폴리비오스, Histories, book 33, a. olymp. 156, 1. i. res italiae)

상위

목록

SEARCH

MENU NAVIGATION