헬라어 문장 검색 - ΠολψβίΗιστορί33́017́

(폴리비오스, Histories, book 33, d. olymp. 156, 4. i. res italiae)

Ὅτι πρέσβεων διαφόρων παραγενομένων εἰσ τὴν Ῥώμην ἡ σύγκλητοσ πρῶτον μὲν εἰσεκαλέσατο τὸν Εὐμένουσ τοῦ βασιλέωσ υἱὸν Ἄτταλον· παραγεγόνει γὰρ ἔτι παῖσ ὢν κατὰ τὸν καιρὸν τοῦτον εἰσ Ῥώμην χάριν τοῦ τῇ τε συγκλήτῳ συσταθῆναι καὶ τὰσ πατρικὰσ ἀνανεώσασθαι φιλίασ καὶ ξενίασ.

πασῶν αὐτὸν τῶν κατὰ τὴν Ἑλλάδα πόλεων ἐκτενῶσ καὶ μεγαλοψύχωσ ἀποδεξαμένων κατὰ τὴν δίοδον.

ἧκε δὲ καὶ Δημήτριοσ κατὰ τὸν αὐτὸν καιρόν, τυχὼν δὲ μετρίασ ἀποδοχῆσ ὡσ παῖσ αὖθισ ἀνεχώρησεν εἰσ τὴν οἰκείαν.

ὁ δ’ Ἡρακλείδησ κεχρονικὼσ ἐν τῇ Ῥώμῃ παρῆλθεν εἰσ τὴν σύγκλητον, ἔχων μεθ’ ἑαυτοῦ τὴν Λαοδίκην καὶ τὸν Ἀλέξανδρον.

πρῶτον μὲν οὖν ὁ νεανίσκοσ ἐποιήσατό τινασ μετρίουσ λόγουσ, ἠξίου δὲ Ῥωμαίουσ μνησθῆναι τῆσ πρὸσ τὸν Ἀντίοχον τὸν αὑτοῦ πατέρα φιλίασ καὶ συμμαχίασ, μάλιστα δὲ συγκατασκευάζειν αὑτῷ τὴν βασιλείαν·

εἰ δὲ μή, συγχωρῆσαι τὴν κάθοδον καὶ μὴ κωλῦσαι τοὺσ βουλομένουσ συμπράττειν αὐτῷ πρὸσ τὸ καθικέσθαι τῆσ πατρῴασ ἀρχῆσ.

ὁ δ’ Ἡρακλείδησ παραλαβὼν τὸν λόγον καὶ πολλήν τινα ποιησάμενοσ Ἀντιόχου μὲν μνείαν ἐπ’ ἀγαθῷ, Δημητρίου δὲ κατηγορίαν, εἰσ τοῦτο κατήντησεν ὅτι δεῖ συγχωρεῖν τὴν κάθοδον τῷ τε νεανίσκῳ καὶ τῇ Λαοδίκῃ κατὰ τὸ δίκαιον, οὖσιν Ἀντιόχου τοῦ βασιλέωσ ἐκγόνοισ κατὰ φύσιν.

τοῖσ μὲν οὖν μετρίοισ τῶν ἀνθρώπων οὐδὲν ἤρεσκε τούτων, ἀλλὰ καὶ τὴν κατασκευὴν τοῦ δράματοσ ἐνενόουν καὶ τὸν Ἡρακλείδην ἐβδελύττοντο προφανῶσ.

οἱ δὲ πολλοὶ τεθεραπευμένοι ταῖσ Ἡρακλείδου γοητείαισ συγκατηνέχθησαν ἐπὶ τὸ γράφειν δόγμα τοιοῦτον·

Ἀλέξανδροσ καὶ Λαοδίκη, βασιλέωσ υἱοί, φίλου καὶ συμμάχου ἡμετέρου γεγενημένου, ἐπελθόντεσ ἐπὶ τὴν σύγκλητον λόγουσ ἐποιήσαντο·

ἡ δὲ σύγκλητοσ αὐτοῖσ ἐξουσίαν ἔδωκεν ἐπὶ τὴν πατρῴαν ἀρχὴν καταπορεύεσθαι, καὶ βοηθεῖν αὐτοῖσ, ὡσ ἠξίουν, ἔδοξεν.

" ὁ δ’ Ἡρακλείδησ ἐπιλαβόμενοσ τῆσ ἀφορμῆσ ταύτησ εὐθέωσ ἐξενολόγει καὶ προσεκαλεῖτο τῶν ἐπιφανῶν ἀνδρῶν ἀφικόμενοσ δ’ εἰσ τὴν Ἔφεσον ἐγίνετο περὶ τὴν παρασκευὴν τῆσ προκειμένησ ἐπιβολῆσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Polybius, Histories, book 33, d. olymp. 156, 4. i. res italiae

(폴리비오스, Histories, book 33, d. olymp. 156, 4. i. res italiae)

상위

목록

SEARCH

MENU NAVIGATION