헬라어 문장 검색 - ΠολψβίΗιστορί31́029́

(폴리비오스, Histories, book 31, chapter 29)

Λοιποῦ δ’ ὄντοσ τοῦ κατὰ τὴν ἀνδρείαν μέρουσ καὶ κυριωτάτου σχεδὸν ἐν πάσῃ μὲν πολιτείᾳ μάλιστα δ’ ἐν τῇ Ῥώμῃ, μεγίστην ἔδει καὶ τὴν ἄσκησιν περὶ τοῦτο τὸ μέροσ ποιήσασθαι. καλὸν μὲν οὖν τι πρὸσ ταύτην τὴν ἐπιβολὴν αὐτῷ καὶ διὰ τῆσ τύχησ ἐγένετο συνέργημα.

τῶν γὰρ ἐν Μακεδονίᾳ βασιλικῶν μεγίστην ποιουμένων σπουδὴν περὶ τὰσ κυνηγεσίασ καὶ Μακεδόνων ἀνεικότων τοὺσ ἐπιτηδειοτάτουσ τόπουσ πρὸσ τὴν τῶν θηρίων συναγωγήν, ταῦτα συνέβη τὰ χωρία τετηρῆσθαι μὲν ἐπιμελῶσ, καθάπερ καὶ πρότερον, πάντα τὸν τοῦ πολέμου χρόνον, κεκυνηγῆσθαι δὲ μηδέποτε τῶν τεττάρων ἐτῶν διὰ τοὺσ περισπασμούσ·

ᾗ καὶ θηρίων ὑπῆρχε πλήρη παντοδαπῶν.

τοῦ δὲ πολέμου λαβόντοσ κρίσιν, ὁ Λεύκιοσ καλλίστην ὑπολαμβάνων καὶ τὴν ἄσκησιν καὶ τὴν ψυχαγωγίαν ὑπάρχειν τοῖσ νέοισ τὴν περὶ τὰ κυνηγέσια, τούσ τε κυνηγοὺσ συνέστησε τοὺσ βασιλικοὺσ τῷ Σκιπίωνι καὶ τὴν ἐξουσίαν τὴν περὶ τὰ κυνηγέσια παρέδωκε τούτῳ πᾶσαν·

ἧσ ἐπιλαβόμενοσ ὁ προειρημένοσ καὶ νομίσασ οἱονεὶ βασιλεύειν, ἐν τούτῳ κατεγίνετο πάντα τὸν χρόνον, ὅσον ἐπέμεινε τὸ στρατόπεδον μετὰ τὴν μάχην ἐν τῇ Μακεδονίᾳ.

γενομένησ δὲ μεγάλησ ἐνθουσιάσεωσ περὶ τοῦτο τὸ μέροσ, ὡσ κατά τε τὴν ἡλικίαν ἀκμαίωσ ἔχοντοσ αὐτοῦ καὶ κατὰ φύσιν οἰκείωσ διακειμένου, καθάπερ εὐγενοῦσ σκύλακοσ, ἐπίμονον αὐτοῦ συνέβη γενέσθαι τὴν περὶ τὰσ κυνηγεσίασ ὁρμήν.

ἐπὶ τοσοῦτον ὁ Σκιπίων ἐν ταῖσ κυνηγεσίαισ ἀναστρεφόμενοσ καὶ λαμπρὸν ἀεί τι ποιῶν καὶ μνήμησ ἄξιον καλλίω δόξαν ἐξεφέρετο τῶν ἄλλων.

οἷσ μὲν γὰρ οὐκ ἦν ἐπαίνου τυχεῖν, εἰ μὴ βλάψαιέν τινα τῶν πολιτῶν·

ὁ γὰρ τῶν κρίσεων τρόποσ τοῦτ’ ἐπιφέρειν εἰώθεν· ὁ δ’ ἁπλῶσ οὐδένα λυπῶν ἐξεφέρετο τὴν ἐπ’ ἀνδρείᾳ δόξαν πάνδημον, ἔργῳ πρὸσ λόγον ἁμιλλώμενοσ.

τοιγαροῦν ὀλίγῳ χρόνῳ τοσοῦτον παρέδραμε τοὺσ καθ’ αὑτὸν ὅσον οὐδείσ πω μνημονεύεται Ῥωμαίων, καίπερ τὴν ἐναντίαν ὁδὸν πορευθεὶσ ἐν φιλοδοξίᾳ τοῖσ ἄλλοισ ἅπασι πρὸσ τὰ Ῥωμαίων ἔθη καὶ νόμιμα.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Polybius, Histories, book 31, chapter 29

(폴리비오스, Histories, book 31, chapter 29)

상위

목록

SEARCH

MENU NAVIGATION