헬라어 문장 검색 - ΠολψβίΗιστορί31́028́

(폴리비오스, Histories, book 31, chapter 28)

Μετὰ δ’ ἔτη δύο μεταλλάξαντοσ τοῦ κατὰ φύσιν πατρὸσ αὐτοῦ Λευκίου καὶ καταλιπόντοσ κληρονόμουσ τῆσ οὐσίασ αὐτόν τε καὶ τὸν ἀδελφὸν Φάβιον, καλόν τι καὶ μνήμησ ἄξιον ἐποίησεν. ὁ γὰρ Λεύκιοσ ὑπάρχων ἄτεκνοσ διὰ τὸ τοὺσ μὲν εἰσ ἑτέρασ οἰκίασ ἐκδεδόσθαι, τοὺσ δ’ ἄλλουσ υἱούσ, οὓσ ἔτρεφε διαδόχουσ [καὶ] τοῦ γένουσ, πάντασ μετηλλαχέναι, τούτοισ ἀπέλιπε τὴν οὐσίαν.

ὁ δὲ Σκιπίων θεωρῶν αὑτοῦ τὸν ἀδελφὸν καταδεέστερον ὄντα τοῖσ ὑπάρχουσιν ἐξεχώρησε πάντων τῶν ὑπαρχόντων, οὔσησ τῆσ ὅλησ τιμήσεωσ ὑπὲρ ἑξήκοντα τάλαντα, διὰ τὸ μέλλειν οὕτωσ ἴσον ὑπάρχειν αὐτῷ κατὰ τὴν οὐσίαν τὸν Φάβιον.

γενομένου δὲ τούτου περιβοήτου, προσέθηκεν ἕτερον τούτῳ δεῖγμα τῆσ αὑτοῦ προαιρέσεωσ ἐμφανέστερον·

βουλομένου γὰρ τἀδελφοῦ μονομαχίασ ἐπὶ τῷ πατρὶ ποιεῖν, οὐ δυναμένου δὲ δέξασθαι τὴν δαπάνην διὰ τὸ πλῆθοσ τῶν ἀναλισκομένων χρημάτων, καὶ ταύτησ τὴν ἡμίσειαν εἰσήνεγκεν ὁ Σκιπίων ἐκ τῆσ ἰδίασ οὐσίασ.

ἔστι δ’ οὐκ ἐλάττων ἡ σύμπασα τριάκοντα ταλάντων, ἐάν τισ μεγαλομερῶσ ποιῇ.

φήμησ περὶ αὐτοῦ διαδιδομένησ, μετήλλαξεν ἡ μήτηρ.

ὁ δὲ τοσοῦτον ἀπέσχε τοῦ κομίσασθαί τι ὧν πρότερον ἐδωρήσατο, περὶ ὧν ἀρτίωσ εἶπον, ὥστε καὶ ταῦτα καὶ τὴν λοιπὴν οὐσίαν τὴν τῆσ μητρὸσ ἅπασαν ἀπέδωκε ταῖσ ἀδελφαῖσ, ἧσ οὐδὲν αὐταῖσ προσῆκε κατὰ τοὺσ νόμουσ.

διὸ πάλιν τῶν ἀδελφῶν παραλαβουσῶν τὸν ἐν ταῖσ ἐξόδοισ κόσμον καὶ τὴν περίστασιν τὴν τῆσ Αἰμιλίασ, πάλιν ἐκαινοποιήθη τὸ μεγαλόψυχον καὶ φιλοίκειον τῆσ τοῦ Σκιπίωνοσ προαιρέσεωσ.

Ταῦτα μὲν οὖν προκατεσκευασμένοσ ἐκ τῆσ πρώτησ ἡλικίασ Πόπλιοσ Σκιπίων προῆλθε πρὸσ τὸ φιλοδοξεῖν σωφροσύνῃ καὶ καλοκἀγαθίᾳ.

εἰσ ἣν ἴσωσ ἑξήκοντα τάλαντα δαπανήσασ, τοσαῦτα γὰρ ἦν προειμένοσ τῶν ἰδίων, ὁμολογουμένην ἔσχε τὴν ἐπὶ καλοκἀγαθίᾳ φήμην, οὐχ οὕτω τῷ πλήθει τῶν χρημάτων τὸ προκείμενον κατεργασάμενοσ ὡσ τῷ καιρῷ τῆσ δόσεωσ καὶ τῷ χειρισμῷ τῆσ χάριτοσ.

ἥτισ αὐτῷ παρ’ ὅλον τὸν βίον παρεπομένη πολλὰσ ἡδονὰσ καὶ καλὰσ ἀμοιβὰσ ἀπέδωκεν ἀνθ’ ὧν πρότερον ἀπέσχετο τῶν προχείρων ἡδονῶν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Polybius, Histories, book 31, chapter 28

(폴리비오스, Histories, book 31, chapter 28)

상위

목록

SEARCH

MENU NAVIGATION