헬라어 문장 검색 - ΠολψβίΗιστορί31́024́

(폴리비오스, Histories, book 31, chapter 24)

Ὁ δὲ Πολύβιοσ ξενισθεὶσ τῇ τοῦ μειρακίου καταρχῇ τῶν λόγων· οὐ γὰρ εἶχε πλέον ἐτῶν ὀκτωκαίδεκα τότε· μὴ πρὸσ θεῶν, Σκιπίων," ἔφη, "μηδὲ λέγε ταῦτα μηδ’ ἐν νῷ λάμβανε ταῦτα τὸ παράπαν.

οὐδὲ γὰρ καταγινώσκων οὔτε παραπέμπων ἐγώ σε ποιῶ τοῦτο, πολλοῦ γε δεῖν, ἀλλὰ τῷ πρεσβύτερον εἶναι τὸν ἀδελφὸν ἔν τε ταῖσ ὁμιλίαισ ἄρχομαί τ’ ἀπ’ ἐκείνου καὶ λήγω πάλιν εἰσ ἐκεῖνον ἔν τε ταῖσ ἀποφάσεσι καὶ συμβουλίαισ πρὸσ ἐκεῖνον ἀπερείδομαι, δοκῶν καὶ σὲ τῆσ αὐτῆσ μετέχειν γνώμησ ἐκείνῳ.

σοῦ γε μὴν ἄγαμαι νῦν ἀκούων, ὅτι δοκεῖ σοι λυπηρὸν τὸ πραύ̈τερον εἶναι τοῦ καθήκοντοσ τοῖσ ἐκ ταύτησ τῆσ οἰκίασ ὁρμωμένοισ·

δῆλοσ γὰρ εἶ διὰ τούτων μέγα φρονῶν. ἐγὼ δὲ κἂν αὐτὸσ ἡδέωσ σοι συνεπιδοίην ἐμαυτὸν καὶ συνεργὸσ γενοίμην εἰσ τὸ καὶ λέγειν τι καὶ πράττειν ἄξιον τῶν προγόνων.

περὶ μὲν γὰρ τὰ μαθήματα, περὶ ἃ νῦν ὁρῶ σπουδάζοντασ ὑμᾶσ καὶ φιλοτιμουμένουσ, οὐκ ἀπορήσετε τῶν συνεργησόντων ὑμῖν ἑτοίμωσ, καὶ σοὶ κἀκείνῳ·

πολὺ γὰρ δή τι φῦλον ἀπὸ τῆσ Ἑλλάδοσ ἐπιρρέον ὁρῶ κατὰ τὸ παρὸν τῶν τοιούτων ἀνθρώπων.

εἰσ δὲ τὰ λυποῦντά σε νῦν καὶ μάλιστα, καθὼσ φήσ, δοκῶ μηδένα συναγωνιστὴν καὶ συνεργὸν ἄλλον εὑρεῖν ἂν ἡμῶν ἐπιτηδειότερον.

" ἔτι δὲ ταῦτα λέγοντοσ τοῦ Πολυβίου, λαβόμενοσ ἀμφοτέραισ χερσὶ τῆσ δεξιᾶσ αὐτοῦ καὶ πιέσασ ἐμπαθῶσ "Εἰ γὰρ ἐγὼ ταύτην," φησίν, "ἴδοιμι τὴν ἡμέραν, ἐν ᾗ σὺ πάντα τἄλλα δεύτερα θέμενοσ ἐμοὶ προσέξεισ τὸν νοῦν καὶ μετ’ ἐμοῦ συμβιώσεισ·

δόξω γὰρ αὐτόθεν εὐθέωσ ἐμαυτῷ καὶ τῆσ οἰκίασ ἄξιοσ εἶναι καὶ τῶν προγόνων.

" ὁ δὲ Πολύβιοσ τὰ μὲν ἔχαιρε, θεωρῶν τὴν ὁρμὴν καὶ τὴν ἀποδοχὴν τοῦ μειρακίου, τὰ δὲ διηπορεῖτο, λαμβάνων ἐν νῷ τὴν ὑπεροχὴν τῆσ οἰκίασ καὶ τὴν εὐκαιρίαν τῶν ἀνδρῶν.

πλὴν ἀπό γε ταύτησ τῆσ ἀνθομολογήσεωσ οὐκέτι τὸ μειράκιον ἐχωρίσθη τοῦ Πολυβίου, πάντα δ’ ἦν αὐτῷ δεύτερα τῆσ ἐκείνου συμπεριφορᾶσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Polybius, Histories, book 31, chapter 24

(폴리비오스, Histories, book 31, chapter 24)

상위

목록

SEARCH

MENU NAVIGATION