헬라어 문장 검색 - ΠολψβίΗιστορί31́021́

(폴리비오스, Histories, book 31, ii. res africae)

ἐπεβάλετο καταπειράζειν τῶν Καρχηδονίων οὐ πολλοῖσ ἀνώτερον χρόνοισ τῶν νῦν λεγομένων καιρῶν. ἅτε τῶν ὑπαίθρων κρατῶν διὰ τὸ τοὺσ Καρχηδονίουσ αἰεὶ μὲν ἀλλοτρίουσ ὑπάρχειν τῆσ ἐν τῇ γῇ χρείασ, τότε δὲ καὶ τελέωσ ἐκτεθηλύνθαι διὰ τὴν πολυχρόνιον εἰρήνην·

τῶν δὲ πόλεων οὐκ ἠδυνήθη γενέσθαι κύριοσ διὰ τὸ τοὺσ Καρχηδονίουσ ἐπιμελῶσ τηρεῖν αὐτάσ.

αἰεὶ συνέβαινε τοὺσ Καρχηδονίουσ ἐλαττοῦσθαι παρὰ τοῖσ Ῥωμαίοισ, οὐ τοῖσ δικαίοισ, ἀλλὰ τῷ πεπεῖσθαι τοὺσ κρίνοντασ συμφέρειν σφίσι τὴν τοιαύτην γνώμην, ἐπείτοι χρόνοισ οὐ πολλοῖσ ἀνώτερον αὐτὸσ ὁ Μασαννάσασ διώκων τὸν Ἀφθῆρα τὸν ἀποστάτην μετὰ στρατοπέδου δίοδον ᾐτήσατο τοὺσ Καρχηδονίουσ διὰ ταύτησ τῆσ χώρασ, οἱ δ’ οὐχ ὑπήκουσαν, ὡσ οὐδὲν αὐτῷ προσηκούσησ.

μὴν ἀλλὰ τέλοσ εἰσ τοῦτο συνεκλείσθησαν οἱ Καρχηδόνιοι διὰ τῶν ἀποφάσεων κατὰ τοὺσ νῦν λεγομένουσ καιροὺσ ὥστε μὴ μόνον τὰσ πόλεισ καὶ τὴν χώραν ἀποβαλεῖν, ἀλλὰ καὶ πεντακόσια τάλαντα προσθεῖναι τῆσ καρπείασ τῶν χρόνων, ἐξ οὗ συνέβη γενέσθαι τὴν ἀμφισβήτησιν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Polybius, Histories, book 31, ii. res africae

(폴리비오스, Histories, book 31, ii. res africae)

상위

목록

SEARCH

MENU NAVIGATION