헬라어 문장 검색 - ΠολψβίΗιστορί31́013́

(폴리비오스, Histories, book 31, chapter 13)

Ἐπειδὴ δὲ πάντ’ ἦν ἕτοιμα τῷ ναυκλήρῳ λοιπόν τ’ ἔδει τὸν Δημήτριον ἀπαρτίζειν τὰ καθ’ αὑτόν, τὸν τροφέα προαπέστειλεν εἰσ τὴν Συρίαν ὠτακουστήσοντα καὶ κατοπτεύσοντα τἀκεῖ συμβαίνοντα περὶ τοὺσ ὄχλουσ. ὁ δὲ σύντροφοσ Ἀπολλώνιοσ ἐξ ἀρχῆσ αὐτῷ μετεῖχε τῆσ ἐπιβολῆσ·

δυεῖν δ’ ὑπαρχόντων ἀδελφῶν, Μελεάγρου καὶ Μενεσθέωσ, τούτοισ ἐκοινώσατο τὴν πρᾶξιν, ἄλλῳ δ’ οὐδενὶ τῶν μετ’ αὐτοῦ, καίτοι πλειόνων ὄντων. οὗτοι δ’ ἦσαν Ἀπολλωνίου κατὰ φύσιν υἱοί, τοῦ μεγάλην μὲν εὐκαιρίαν ἔχοντοσ παρὰ Σελεύκῳ, μεταστάντοσ δὲ κατὰ τὴν Ἀντιόχου μετάληψιν τῆσ ἀρχῆσ εἰσ Μίλητον.

τῆσ δὲ συνταχθείσησ ἡμέρασ πρὸσ τοὺσ ναυτικοὺσ συνεγγιζούσησ, ἔδει γενέσθαι παρά τινι τῶν φίλων ὑποδοχὴν πρὸσ τὴν ἔξοδον.

παρὰ γὰρ αὐτῷ ποιεῖν τὸ δεῖπνον οὐχ οἱο͂́ν τ’ ἦν·

εἴθιστο γὰρ ἐπιμελῶσ καλεῖν ἅπαντασ τοὺσ περὶ αὐτὸν ὄντασ. οἱ δὲ συνειδότεσ τὴν πρᾶξιν ἔμελλον ἐξ οἴκου δειπνήσαντεσ ἐπὶ τὸ πλοῖον ἥξειν, ἔχοντεσ ἕνα παῖδα μεθ’ ἑαυτῶν ἕκαστοσ·

τοὺσ γὰρ λοιποὺσ ἀπεστάλκεισαν εἰσ Ἀναγνείασ, κατὰ τὴν ἐπιοῦσαν αὐτοὶ παρεψόμενοι. τὸν δὲ Πολύβιον συνέβαινεν κατὰ τὸν καιρὸν τοῦτον ἠσθενηκότα μένειν κατὰ κλίνην, εἰδέναι δὲ πάντα τὰ πραττόμενα, τοῦ Μενύλλου συνεχῶσ αὐτῷ μεταδιδόντοσ αἰεὶ περὶ τῶν ὑποπιπτόντων.

γράψασ βραχὺ πιττάκιον καὶ σφραγισάμενοσ πέμπει παρ’ αὑτοῦ παῖδα συσκοτάζοντοσ ἄρτι τοῦ θεοῦ, συντάξασ ἐκκαλεσάμενον τὸν οἰνοχόον τοῦ Δημητρίου δοῦναι τὸ πιττάκιον, μηδὲν εἰπόντα τίσ ἢ παρὰ τίνοσ, καὶ κελεύειν ἀποδιδόναι τῷ Δημητρίῳ παραχρῆμα διαναγνῶναι.

γενομένων δὲ πάντων κατὰ τὸ συνταχθέν, λαβὼν ὁ Δημήτριοσ ἐπανέγνω.

τὸ δὲ πιττάκιον περιεῖχε τὰσ γνώμασ ταύτασ.

ὁ δρῶν τὰ τοῦ μέλλοντοσ οἴχεται φέρων. ἴσον φέρει νύξ, τοῖσ δὲ τολμῶσιν πλέον.

τόλμα τι, κινδύνευε, πρᾶττ’, ἀποτύγχανε, ἐπίτυχε, πάντα μᾶλλον ἢ σαυτὸν προοῦ. νᾶφε καὶ μέμνασ’ ἀπιστεῖν· ἄρθρα ταῦτα τᾶν φρενῶν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Polybius, Histories, book 31, chapter 13

(폴리비오스, Histories, book 31, chapter 13)

상위

목록

SEARCH

MENU NAVIGATION