헬라어 문장 검색 - ΠολψβίΗιστορί31́002́

(폴리비오스, Histories, book 31, chapter 2)

Ὅτι Δημήτριοσ ὁ τοῦ Σελεύκου πολὺν ἤδη χρόνον κατεχόμενοσ ἐν τῇ Ῥώμῃ κατὰ τὴν ὁμηρείαν πάλαι μὲν ἐδόκει παρὰ τὸ δίκαιον κατέχεσθαι· δοθῆναι γὰρ ὑπὸ Σελεύκου τοῦ πατρὸσ τῆσ ἐκείνου πίστεωσ ἕνεκεν, Ἀντιόχου δὲ μετειληφότοσ τὴν βασιλείαν οὐκ ὀφείλειν ὑπὲρ τῶν ἐκείνου τέκνων ὁμηρεύειν.

οὐ μὴν ἀλλὰ τὸν μὲν πρὸ τοῦ χρόνον ἦγε τὴν ἡσυχίαν, καὶ μάλιστα διὰ τὴν ἀδυναμίαν·

ἦν γὰρ ἔτι παῖσ· τότε δὲ τὴν ἀκμαιοτάτην ἔχων ἡλικίαν ἐποιήσατο λόγουσ, εἰσελθὼν εἰσ τὴν σύγκλητον, ἀξιῶν καὶ παρακαλῶν κατάγειν αὑτὸν ἐπὶ τὴν βασιλείαν·

καθήκειν γὰρ αὑτῷ μᾶλλον ἢ τοῖσ Ἀντιόχου τέκνοισ τὴν ἀρχήν. ἐνετρέποντο μὲν ἅπαντεσ ἀκούοντεσ ἐν ἑαυτοῖσ, κοινῇ γε μὴν ἔδοξε τῇ συγκλήτῳ τὸν μὲν Δημήτριον κατασχεῖν, τῷ δὲ καταλελειμμένῳ παιδὶ συγκατασκευάζειν τὴν ἀρχήν.

ὡσ ἐμοὶ δοκεῖν, ὑπιδομένη τὴν ἀκμὴν τοῦ Δημητρίου, μᾶλλον δὲ κρίνασα συμφέρειν τοῖσ σφετέροισ πράγμασι τὴν νεότητα καὶ τὴν ἀδυναμίαν τοῦ παιδὸσ τοῦ διαδεδεγμένου τὴν βασιλείαν.

ἐγένετο δὲ τοῦτο δῆλον ἐκ τῶν μετὰ ταῦτα συμβάντων.

εὐθέωσ γὰρ καταστήσαντεσ πρεσβευτὰσ τοὺσ περὶ Γνάιον Ὀκτάουιον καὶ Σπόριον Λοκρήτιον καὶ Λεύκιον Αὐρήλιον ἐξέπεμψαν, τοὺσ διοικήσοντασ τὰ κατὰ τὴν βασιλείαν, ὡσ αὐτὴ προῃρεῖτο διὰ τὸ μηδένα τὸν ἐμποδὼν στησόμενον εἶναι τοῖσ ἐπιταττομένοισ, τοῦ μὲν βασιλέωσ παιδὸσ ὄντοσ, τῶν δὲ προεστώτων ἀσμενιζόντων ἐπὶ τῷ μὴ παραδεδόσθαι τὰ πράγματα τῷ Δημητρίῳ·

μάλιστα γὰρ τοῦτο προσεδόκων.

οἱ μὲν οὖν περὶ τὸν Γνάιον ἐξώρμησαν, ἔχοντεσ ἐντολὰσ πρῶτον μὲν τὰσ ναῦσ τὰσ καταφράκτουσ διαπρῆσαι, μετὰ δὲ ταῦτα τοὺσ ἐλέφαντασ νευροκοπῆσαι καὶ καθόλου λυμήνασθαι τὴν βασίλειον δύναμιν.

προσενετείλαντο δὲ τούτοισ καὶ τὰ κατὰ τὴν Μακεδονίαν ἐπισκέψασθαι·

συνέβαινε γὰρ τοὺσ Μακεδόνασ ἀήθεισ ὄντασ δημοκρατικῆσ καὶ συνεδριακῆσ πολιτείασ στασιάζειν πρὸσ αὑτούσ. ἔδει δὲ τοὺσ περὶ τὸν Γνάιον καὶ τὰ περὶ τοὺσ Γαλάτασ καὶ τὰ κατὰ τὴν Ἀριαράθου βασιλείαν ἐποπτεῦσαι.

μετὰ δέ τινα χρόνον αὐτοῖσ ἐπαπεστάλη γράμματα παρὰ τῆσ συγκλήτου καὶ τοὺσ ἐν Ἀλεξανδρείᾳ βασιλεῖσ διαλῦσαι κατὰ δύναμιν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Polybius, Histories, book 31, chapter 2

(폴리비오스, Histories, book 31, chapter 2)

상위

목록

SEARCH

MENU NAVIGATION