헬라어 문장 검색 - ΠολψβίΗιστορί29́024́

(폴리비오스, Histories, book 29, chapter 24)

Μακεδονίᾳ ποιουμένου. ἄλλα τε καὶ πλείω προφερόμενοι καὶ διότι, τῷ πρότερον ἔτει ψηφισαμένων τῶν Ἀχαιῶν πανδημεὶ συστρατεύειν τοῖσ Ῥωμαίοισ καὶ πεμψάντων πρεσβευτὴν τὸν Πολύβιον, ὁ Κόιντοσ ἀποδεξάμενοσ τὴν προθυμίαν ἀπείπατο μὴ χρείαν ἔχειν τῆσ βοηθείασ, ἐπεὶ κεκράτηκε τῆσ εἰσ Μακεδονίαν εἰσβολῆσ.

ἐξ ὧν ἀπεδείκνυσαν σκῆψιν οὖσαν τὴν Ῥωμαίων χρείαν πρὸσ τὸ διακωλῦσαι βοηθεῖν.

ὑποδεικνύοντεσ τὸ μέγεθοσ τῆσ περιστάσεωσ, ἐν ᾗ συνέβαινε τότε τὴν βασιλείαν ὑπάρχειν, μὴ παριδεῖν τὸν καιρόν, ἀλλὰ μνημονεύοντασ τῶν ὁμολογιῶν καὶ τῶν εὐεργεσιῶν, μάλιστα δὲ τῶν ὁρ́κων, ἐμπεδοῦν τὰσ συνθήκασ.

τῶν δὲ πολλῶν ἐπιφερομένων πάλιν βοηθεῖν, τότε μὲν οἱ περὶ τὸν Καλλικράτην ἐξέβαλον τὸ διαβούλιον, διασείσαντεσ τοὺσ ἄρχοντασ, ὡσ οὐκ οὔσησ ἐξουσίασ κατὰ τοὺσ νόμουσ ἐν ἀγορᾷ βουλεύεσθαι περὶ βοηθείασ.

καὶ μάλιστα τοῦ Πολυβίου διοριζομένου πρῶτον μὲν περὶ τοῦ μὴ χρείαν ἔχειν τοὺσ Ῥωμαίουσ τῆσ βοηθείασ καὶ δοκοῦντοσ οὐκ εἰκῇ ταῦτα λέγειν διὰ τὸ γεγονέναι τὴν παρελθοῦσαν θερείαν ἐν τῇ Μακεδονίᾳ παρὰ τῷ Φιλίππῳ, δεύτερον δὲ φάσκοντοσ, ἐὰν καὶ δέωνται Ῥωμαῖοι τῆσ συμμαχίασ, οὐ διὰ τοὺσ διακοσίουσ ἱππεῖσ καὶ χιλίουσ πεζοὺσ τοὺσ ἀποσταλησομένουσ εἰσ Ἀλεξάνδρειαν ἀδυνατήσειν τοὺσ Ἀχαιοὺσ βοηθεῖν Ῥωμαίοισ·

καλῶσ γὰρ ποιοῦντασ αὐτοὺσ καὶ τρεῖσ ἄγειν καὶ τέτταρασ μυριάδασ ἀνδρῶν μαχίμων·

εὐδοκοῦντεσ τοῖσ λεγομένοισ ἔρρεπον οἱ πολλοὶ πρὸσ τὸ πέμπειν τὴν συμμαχίαν.

τῇ δὲ δευτέρᾳ τῶν ἡμερῶν, ἐν ᾗ κατὰ τοὺσ νόμουσ ἔδει τὰ ψηφίσματα προσφέρειν τοὺσ βουλομένουσ, οἱ μὲν περὶ τὸν Λυκόρταν προσήνεγκαν διότι δεῖ πέμπειν τὴν βοήθειαν, οἱ δὲ περὶ τὸν Καλλικράτην διότι δεῖ πρεσβευτὰσ ἐξαποστέλλειν τοὺσ διαλύσοντασ τοὺσ βασιλεῖσ πρὸσ τὸν Ἀντίοχον.

πάλιν δὲ τῶν διαβουλίων προτεθέντων ἀγὼν ἐγίνετο νεανικόσ·

πολύ γε μὴν ὑπερεῖχον οἱ περὶ τὸν Λυκόρταν. αἵ τε γὰρ βασιλεῖαι συγκρινόμεναι μεγάλην εἶχον διαφοράν·

ὑπὸ μὲν γὰρ τῆσ Ἀντιόχου σπάνιον ἦν εὑρεῖν οἰκεῖόν τι γεγονὸσ καθόλου πρὸσ τοὺσ Ἕλληνασ ἔν γε τοῖσ ἀνώτερον χρόνοισ·

καὶ γὰρ ἡ τοῦ τότε βασιλεύοντοσ μεγαλοψυχία διάδηλοσ ἐγένετο τοῖσ Ἕλλησιν· ὑπὸ δὲ τῆσ Πτολεμαίου τοσαῦτα καὶ τηλικαῦτα τοῖσ Ἀχαιοῖσ ἐγεγόνει φιλάνθρωπα κατὰ τοὺσ ἀνώτερον χρόνουσ ὥστ’ ἂν μηδένα πλεῖον ἀξιοῦν.

ἃ διατιθέμενοσ ὁ Λυκόρτασ μεγάλην ἐποιεῖτο φαντασίαν, ἅτε τῆσ παραθέσεωσ ὁλοσχερῆ τὴν διαφορὰν ἐχούσησ·

καθ’ ὅσον γὰρ οὐκ ἐξαριθμήσασθαι ῥᾴδιον ἦν τὰσ τῶν ἐν Ἀλεξανδρείᾳ βασιλέων εὐεργεσίασ, κατὰ τοσοῦτον ἁπλῶσ οὐδὲν ἦν εὑρεῖν φιλάνθρωπον ἐκ τῆσ Ἀντιόχου βασιλείασ ἀπηντημένον εἰσ πραγμάτων λόγον τοῖσ Ἀχαιοῖσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Polybius, Histories, book 29, chapter 24

(폴리비오스, Histories, book 29, chapter 24)

상위

목록

SEARCH

MENU NAVIGATION