헬라어 문장 검색 - ΠολψβίΗιστορί28́020́

(폴리비오스, Histories, book 28, chapter 20)

Ὅτι κατὰ τὸν καιρόν, ὅτε Ἀντίοχοσ τὴν Αἴγυπτον παρέλαβε, συνῆψαν τῶν ἀπὸ τῆσ Ἑλλάδοσ πρεσβευτῶν οἱ πεμφθέντεσ ἐπὶ τὰσ διαλύσεισ. κατὰ δὲ τὴν ἑξῆσ ἔδωκεν ἔντευξιν καὶ λέγειν ἐκέλευσεν περὶ ὧν ἔχουσι τὰσ ἐντολάσ.

πρῶτοι μὲν οὖν οἱ παρὰ τῶν Ἀχαιῶν ἐποιήσαντο λόγουσ, τούτοισ δ’ ἑξῆσ Δημάρατοσ ὁ παρὰ τῶν Ἀθηναίων, μετὰ δὲ τοῦτον Εὔδημοσ ὁ Μιλήσιοσ.

πάντων δὲ πρὸσ τὸν αὐτὸν καιρὸν καὶ τὴν αὐτὴν ὑπόθεσιν διαλεγομένων, παραπλησίουσ εἶναι συνέβαινε καὶ τοὺσ κατὰ μέροσ αὐτῶν λόγουσ.

τὴν μὲν γὰρ αἰτίαν τῶν συμβεβηκότων πάντεσ ἀνέφερον ἐπὶ τοὺσ περὶ τὸν Εὐλαῖον, τὴν δὲ συγγένειαν καὶ τὴν ἡλικίαν τὴν τοῦ Πτολεμαίου προφερόμενοι παρῃτοῦντο τὴν ὀργὴν τοῦ βασιλέωσ.

ἰσχυροποιῶν μὲν τὰσ ἐπικρατείασ τὰσ Ἀντιγόνου τοῦ πρώτου κατασχόντοσ τὴν ἐν Συρίᾳ βασιλείαν, προφερόμενοσ δὲ τὰ συγχωρήματα τὰ γενόμενα Σελεύκῳ διὰ τῶν ἀπὸ Μακεδονίασ βασιλέων μετὰ τὸν Ἀντιγόνου θάνατον·

ἐπὶ δὲ πᾶσιν ἐξαρνούμενοσ τὴν ὁμολογίαν, ἣν ἔφασαν οἱ κατὰ τὴν Ἀλεξάνδρειαν γενέσθαι Πτολεμαίῳ τῷ νεωστὶ μετηλλαχότι πρὸσ Ἀντίοχον τὸν ἐκείνου πατέρα, διότι δεῖ λαβεῖν αὐτὸν ἐν φερνῇ Κοίλην Συρίαν, ὅτ’ ἐλάμβανε Κλεοπάτραν τὴν τοῦ νῦν βασιλεύοντοσ μητέρα.

πρὸσ ταύτην τὴν ὑπόθεσιν διαλεχθεὶσ καὶ πείσασ οὐ μόνον αὑτόν, ἀλλὰ καὶ τοὺσ ἀπηντηκότασ ὡσ δίκαια λέγει, τότε μὲν διέπλευσεν εἰσ τὴν Ναύκρατιν.

χρησάμενοσ δὲ καὶ τούτοισ φιλανθρώπωσ καὶ δοὺσ ἑκάστῳ τῶν Ἑλλήνων τῶν κατοικούντων χρυσοῦν προῆγεν ἐπὶ τῆσ Ἀλεξανδρείασ.

τοῖσ δὲ πρεσβευταῖσ τὴν ἀπόκρισιν ὑπέσχετο δώσειν, ὅταν οἱ περὶ τὸν Ἀριστείδην καὶ Θῆριν ἀνακάμψωσιν ὡσ αὐτόν.

ἐξαπεσταλκέναι γὰρ ἐκείνουσ ἔφη πρὸσ τὸν Πτολεμαῖον, βούλεσθαι δὲ πάντων συνίστορασ εἶναι καὶ μάρτυρασ τοὺσ ἀπὸ τῆσ Ἑλλάδοσ πρεσβευτάσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Polybius, Histories, book 28, chapter 20

(폴리비오스, Histories, book 28, chapter 20)

상위

목록

SEARCH

MENU NAVIGATION