헬라어 문장 검색 - ΠολψβίΗιστορί28́017́

(폴리비오스, Histories, book 28, chapter 17)

Οἱ δὲ περὶ τὸν Ἁγέπολιν ἀφικόμενοι πρὸσ τὸν Κόιντον, καταλαβόντεσ αὐτὸν ἐν Μακεδονίᾳ πρὸσ Ἡράκλειον στρατοπεδεύοντα διελέγοντο περὶ ὧν εἶχον τὰσ ἐντολάσ. ὁ δὲ διακούσασ οὐχ οἱο͂ν αὐτὸσ ἔφη προσέχειν ταῖσ διαβολαῖσ, ἀλλὰ κἀκείνουσ παρεκάλει μηδενὸσ ἀνέχεσθαι τῶν λέγειν τι τολμώντων κατὰ Ῥωμαίων, καὶ πολλὰ καθόλου τῶν εἰσ φιλανθρωπίαν ἡκόντων ἐπεμέτρησεν.

ἔγραψε δὲ ταῦτα καὶ πρὸσ τὸν δῆμον τῶν Ῥοδίων.

τοῦ δ’ Ἁγεπόλιδοσ ἐψυχαγωγημένου κατὰ τὴν ὅλην ἀπάντησιν ἰσχυρῶσ, λαβὼν αὐτὸν κατ’ ἰδίαν εἰσ τὰσ χεῖρασ ὁ Κόιντοσ θαυμάζειν ἔφη πῶσ οὐ πειρῶνται διαλύειν οἱ Ῥόδιοι τὸν ἐνεστῶτα πόλεμον, μάλιστα τοῦ πράγματοσ ἐκείνοισ καθήκοντοσ.

πότερα δὲ τοῦτ’ ἐποίει τὸν Ἀντίοχον ὑποπτεύων μή ποτε κρατήσασ τῆσ Ἀλεξανδρείασ βαρὺσ ἔφεδροσ αὐτοῖσ γένηται, τοῦ πρὸσ τὸν Περσέα πολέμου χρόνον λαμβάνοντοσ·

ἤδη γὰρ τότε συνέβαινε συγκεχύσθαι τὸν περὶ Κοίλησ Συρίασ πόλεμον·

δοκῶ δὲ μᾶλλον τὸ τελευταῖον εἰρημένον, ἐξ ὧν ἐμαρτύρησε τὰ μετ’ ὀλίγον συμβάντα τοῖσ Ῥοδίοισ.

οἵ γε μὴν περὶ τὸν Ἁγέπολιν ἐξ αὐτῆσ βαδίσαντεσ πρὸσ τὸν Γάιον καὶ πάντων τυχόντεσ τῶν φιλανθρώπων ὑπερβολικώτερον ἢ παρὰ τῷ Μαρκίῳ ταχέωσ εἰσ τὴν Ῥόδον ἀνεχώρησαν.

γινομένησ δὲ τῆσ ἀποπρεσβείασ, καὶ τῆσ τε διὰ τῶν λόγων φιλανθρωπίασ καὶ τῆσ διὰ τῶν ἀποκρίσεων εὐνοίασ ἑκατέρων τῶν στρατηγῶν ἐφαμίλλου γενομένησ, ὀρθοὶ καὶ μετέωροι ταῖσ διανοίαισ ἐγενήθησαν οἱ Ῥόδιοι πάντεσ, οὐ μὴν ὡσαύτωσ.

οἱ μὲν γὰρ ὑγιαίνοντεσ περιχαρεῖσ ἦσαν ἐπὶ τῇ φιλανθρωπίᾳ τῶν Ῥωμαίων, οἱ δὲ κινηταὶ καὶ καχέκται συνελογίζοντο παρ’ αὑτοῖσ σημεῖον εἶναι τὴν ὑπερβολὴν τῆσ φιλανθρωπίασ τοῦ δεδιέναι τὴν περίστασιν τοὺσ Ῥωμαίουσ καὶ μὴ χωρεῖν αὐτοῖσ τὰ πράγματα κατὰ λόγον.

τότε δὴ τελέωσ οἱ περὶ τὸν Δείνωνα συνέθεσαν ἐν κακοῖσ μεγάλοισ εἶναι τοὺσ Ῥωμαίουσ.

ἀπέστειλαν δὲ καὶ πρεσβευτὰσ εἰσ τὴν Ἀλεξάνδρειαν τοὺσ διαλύσοντασ τὸν ἐνεστῶτα πόλεμον Ἀντιόχῳ καὶ Πτολεμαίῳ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Polybius, Histories, book 28, chapter 17

(폴리비오스, Histories, book 28, chapter 17)

상위

목록

SEARCH

MENU NAVIGATION