헬라어 문장 검색 - ΠολψβίΗιστορί28́006́

(폴리비오스, Histories, book 28, chapter 6)

Ὅτι ἔδοξε τοῖσ Ἕλλησι περὶ τῆσ πρεσβείασ ἐπιστάσεωσ χρείαν ἔχειν τὸ γινόμενον. παραλαβόντεσ οὖν τοὺσ κατὰ τὴν ἄλλην πολιτείαν ὁμογνωμονοῦντασ·

οὗτοι δ’ ἦσαν Ἀρκεσίλαοσ, Ἀρίστων Μεγαλοπολῖται, Στρατίοσ Τριταιεύσ, Ξένων Πατρεύσ, Ἀπολλωνίδασ Σικυώνιοσ· ἐβουλεύοντο περὶ τῶν ἐνεστώτων. ὁ μὲν οὖν Λυκόρτασ ἔμεινεν ἐπὶ τῆσ ἐξ ἀρχῆσ προθέσεωσ, κρίνων μήτε Περσεῖ μήτε Ῥωμαίοισ συνεργεῖν μηδέν, ὁμοίωσ μηδ’ ἀντιπράττειν μηδετέροισ.

τὸ δ’ ἀντιπράττειν Ῥωμαίοισ ἐπισφαλὲσ διὰ τὸ πολλοῖσ καὶ τοῖσ ἐπιφανεστάτοισ Ῥωμαίων ἀντωφθαλμηκέναι περὶ τῶν κοινῶν πραγμάτων κατὰ τοὺσ ἀνώτερον καιρούσ.

ὁ δ’ Ἀπολλωνίδασ καὶ Στρατίοσ ἀντιπράττειν μὲν ἐπίτηδεσ Ῥωμαίοισ οὐκ ᾤοντο δεῖν·

τοὺσ δ’ ὑπερκυβιστῶντασ καὶ διὰ τῶν κοινῶν πραγμάτων ἰδίαν χάριν ἀποτιθεμένουσ παρὰ Ῥωμαίοισ καὶ τοῦτο πράττοντασ παρὰ τοὺσ νόμουσ καὶ παρὰ τὸ κοινῇ συμφέρον, τούτουσ ἔφασαν δεῖν κωλύειν καὶ πρὸσ τούτουσ ἀντοφθαλμεῖν εὐγενῶσ. ὁ δ’ Ἄρχων ἀκολουθεῖν ἔφη δεῖν τοῖσ καιροῖσ καὶ μὴ διδόναι τοῖσ ἐχθροῖσ ἀφορμὴν εἰσ διαβολὴν μηδὲ προέσθαι σφᾶσ αὐτοὺσ εἰσ τὴν αὐτὴν ἐλθεῖν διάθεσιν τοῖσ περὶ Νίκανδρον, οἵτινεσ, πρὶν ἢ λαβεῖν πεῖραν τῆσ τούτων ἐξουσίασ, ἐν ταῖσ μεγίσταισ εἰσὶ συνταλαιπωρίαισ.

ταύτησ δὲ τῆσ γνώμησ μετέσχον Πολύβιοσ, Ἀρκεσίλαοσ, Ἀρίστων, Ξένων.

διὸ καὶ τὸν μὲν Ἄρχωνα πρὸσ τὴν στρατηγίαν ἔδοξεν αὐτοῖσ εὐθέωσ προπορεύεσθαι, τὸν δὲ Πολύβιον πρὸσ τὴν ἱππαρχίαν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Polybius, Histories, book 28, chapter 6

(폴리비오스, Histories, book 28, chapter 6)

상위

목록

SEARCH

MENU NAVIGATION