헬라어 문장 검색 - ΠολψβίΗιστορί28́013́

(폴리비오스, Histories, book 28, chapter 13)

τὴν μὲν ἔντευξιν ὑπερέθεντο διὰ τοὺσ περιεστῶτασ καιρούσ, τῶν δὲ κατὰ τὴν εἴσοδον τὴν εἰσ Μακεδονίαν κινδύνων μετεῖχον. ἐπεὶ δὲ τοῦ στρατεύματοσ κατάραντοσ ἐπὶ τοὺσ καθ’ Ἡράκλειον τόπουσ ἔδοξε καιρὸσ εἶναι πρὸσ ἔντευξιν, ἅτε τοῦ στρατηγοῦ δοκοῦντοσ ἠνύσθαι τὸ μέγιστον τῶν προκειμένων, τότε λαβόντεσ καιρὸν τὸ ψήφισμα τῷ Μαρκίῳ προσήνεγκαν καὶ διεσάφουν τὴν τῶν Ἀχαιῶν προαίρεσιν διότι βουληθεῖεν αὐτῷ πανδημεὶ τῶν αὐτῶν μετασχεῖν ἀγώνων καὶ κινδύνων.

καὶ πρὸσ τούτοισ ὑπέδειξαν διότι πᾶν τὸ γραφὲν ἢ παραγγελθὲν τοῖσ Ἀχαιοῖσ ὑπὸ Ῥωμαίων κατὰ τὸν ἐνεστῶτα πόλεμον ἀναντίρρητον γέγονεν.

ὁ δὲ Πολύβιοσ αὐτοῦ μείνασ μετεῖχε τῶν ἐνεστώτων πραγμάτων, ἑώσ ὁ Μάρκιοσ ἀκούσασ Ἄππιον τὸν Κέντωνα πεντακισχιλίουσ στρατιώτασ αἰτεῖσθαι παρὰ τῶν Ἀχαιῶν εἰσ Ἤπειρον, ἐξαπέστειλε τὸν προειρημένον, παρακαλέσασ φροντίζειν ἵνα μὴ δοθῶσιν οἱ στρατιῶται μηδὲ τηλικοῦτο δαπάνημα μάταιον γένηται τοῖσ Ἀχαιοῖσ·

πρὸσ οὐδένα γὰρ λόγον αἰτεῖν τοὺσ στρατιώτασ τὸν Ἄππιον.

πότερα δὲ τοῦτ’ ἐποίει κηδόμενοσ τῶν Ἀχαιῶν ἢ τὸν Ἄππιον ἀπραγεῖν βουλόμενοσ χαλεπὸν εἰπεῖν.

πλὴν ὅ γε Πολύβιοσ ἀναχωρήσασ εἰσ τὴν Πελοπόννησον, ἤδη τῶν γραμμάτων ἐκ τῆσ Ἠπείρου προσπεπτωκότων καὶ μετ’ οὐ πολὺ συναχθέντων εἰσ Σικυῶνα τῶν Ἀχαιῶν, εἰσ πρόβλημα παμμέγεθεσ ἐνέπεσε.

τοῦ γὰρ διαβουλίου προτεθέντοσ ὑπὲρ ὧν ὁ Κέντων ᾐτεῖτο στρατιωτῶν, ἃ μὲν ὁ Μάρκιοσ αὐτῷ φροντίζειν κατ’ ἰδίαν ἐνετείλατο, ταῦτα φωτίζειν οὐδαμῶσ ἔκρινεν·

τὸ δὲ μηδεμιᾶσ αἰτίασ ὑπαρχούσησ φανερῶσ ἀντιλέγειν τῇ βοηθείᾳ τελείωσ ἦν ἐπισφαλέσ. ἐχρήσατο βοηθήματι πρὸσ τὸ παρὸν τῷ τῆσ συγκλήτου δόγματι τῷ κελεύοντι μηδένα προσέχειν τοῖσ ὑπὸ τῶν στρατηγῶν γραφομένοισ, ἐὰν μὴ τοῦτο ποιῶσιν κατὰ τὸ δόγμα τῆσ συγκλήτου.

τοῦτο δ’ οὐκ ἦν προσκείμενον τοῖσ γράμμασι.

διὸ καὶ κατεκράτησε τοῦ τὴν ἀναφορὰν ἐπὶ τὸν ὕπατον γενέσθαι καὶ δι’ ἐκείνου παραλυθῆναι τῆσ δαπάνησ τὸ ἔθνοσ, οὔσησ ὑπὲρ ἑκατὸν εἴκοσι τάλαντα μεγάλα.

τοῖσ γε μὴν βουλομένοισ διαβάλλειν αὐτὸν πρὸσ τὸν Ἄππιον ἀφορμὰσ ἔδωκεν, ὅτι διακόψαι τὴν ἐπιβολὴν αὐτοῦ τὴν περὶ τῆσ βοηθείασ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Polybius, Histories, book 28, chapter 13

(폴리비오스, Histories, book 28, chapter 13)

상위

목록

SEARCH

MENU NAVIGATION