헬라어 문장 검색 - ΠολψβίΗιστορί28́008́

(폴리비오스, Histories, book 28, chapter 8)

καὶ τὸν Βεροιαῖον Ἀδαῖον, δοὺσ ἐντολὰσ διασαφεῖν τὰ πεπραγμένα κατὰ τὸν πόλεμον πρόσ τε Ῥωμαίουσ αὐτῷ καὶ πρὸσ Δαρδανίουσ, ἔτι δὲ καὶ πρὸσ Ἠπειρώτασ καὶ πρὸσ Ἰλλυριοὺσ κατὰ τὸ παρόν, καὶ παρακαλεῖν αὐτὸν πρὸσ τὴν τούτου καὶ Μακεδόνων φιλίαν καὶ συμμαχίαν. οἳ καὶ ποιησάμενοι τὴν πορείαν ὑπὲρ τὸ Σκάρδον ὄροσ διὰ τῆσ Ἐρήμου καλουμένησ Ἰλλυρίδοσ, ἣν οὐ πολλοῖσ χρόνοισ ἀνώτερον ἀνάστατον ἐποίησαν Μακεδόνεσ εἰσ τὸ δυσέργουσ ποιῆσαι τοῖσ Δαρδανεῦσι τὰσ εἰσ τὴν Ἰλλυρίδα καὶ Μακεδονίαν εἰσβολάσ·

πλὴν οἵ γε περὶ τὸν Ἀδαῖον διὰ τούτων τῶν τόπων μετὰ πολλῆσ κακοπαθείασ ἦλθον εἰσ Σκόδραν καὶ πυθόμενοι τὸν Γένθιον ἐν Λίσσῳ διατρίβειν διεπέμψαντο πρὸσ αὐτόν.

τοῦ δὲ ταχέωσ αὐτοὺσ μεταπεμψαμένου, συμμίξαντεσ διελέγοντο περὶ ὧν εἶχον τὰσ ἐντολάσ.

ὁ δὲ Γένθιοσ οὐκ ἐδόκει μὲν ἀλλότριοσ εἶναι τῆσ πρὸσ τὸν Περσέα φιλίασ, ἐσκήπτετο δὲ τοῦ μὴ παραχρῆμα συγκατατίθεσθαι τοῖσ ἀξιουμένοισ τὴν ἀχορηγησίαν καὶ μὴ δύνασθαι χωρὶσ χρημάτων ἀναδέξασθαι τὸν πρὸσ Ῥωμαίουσ πόλεμον.

οἱ μὲν οὖν περὶ τὸν Ἀδαῖον ταύτασ λαβόντεσ τὰσ ἀποκρίσεισ ἐπανῆγον.

ὁ δὲ Περσεὺσ παραγενόμενοσ εἰσ Στύβερραν τήν τε λείαν ἐλαφυροπώλησεν καὶ τὴν δύναμιν ἀνέπαυσε, προσδεχόμενοσ τοὺσ περὶ τὸν Πλευρᾶτον.

δοὺσ ἐντολὰσ τὰσ αὐτάσ, ὥσπερ οὐ κυρίωσ τοῦ Γενθίου διασεσαφηκότοσ τίνοσ προσδεῖται καὶ τίνοσ γενομένου δύναται συγκαταβαίνειν εἰσ τὰ παρακαλούμενα.

τούτων δ’ ἀφορμησάντων, ἀναζεύξασ αὐτὸσ μετὰ τῆσ δυνάμεωσ ἐποιεῖτο τὴν πορείαν ἐφ’ Ὕσκανα.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Polybius, Histories, book 28, chapter 8

(폴리비오스, Histories, book 28, chapter 8)

상위

목록

SEARCH

MENU NAVIGATION