헬라어 문장 검색 - ΠολψβίΗιστορί28́007́

(폴리비오스, Histories, book 28, chapter 7)

Τούτων δὴ νεωστὶ γεγονότων καὶ προδιειληφότων τῶν περὶ τὸν Ἄρχωνα διότι δεῖ συμπράττειν Ῥωμαίοισ καὶ τοῖσ τούτων φίλοισ, τυχικῶσ πωσ συνέβη τὸν Ἄτταλον πρὸσ ἑτοίμουσ ὄντασ ποιήσασθαι τοὺσ λόγουσ. διὸ καὶ προθύμωσ αὐτῷ κατανεύσαντεσ ὑπέσχοντο συμπράξειν ὑπὲρ τῶν παρακαλουμένων.

ὁ μὲν ὄχλοσ ἄδηλοσ ἦν ἐπὶ τίνοσ ὑπάρχει γνώμησ, πρὸσ δὲ τὴν ἀντιλογίαν ἀνίσταντο πολλοὶ καὶ διὰ πολλὰσ αἰτίασ.

οἱ μὲν γὰρ ἐξ ἀρχῆσ αἴτιοι γενόμενοι τῆσ ἀναιρέσεωσ τῶν τιμῶν βεβαιοῦν ἐβούλοντο τὴν αὑτῶν γνώμην·

οἱ δ’ ἐκ τῶν κατ’ ἰδίαν ἐγκλημάτων ὑπέλαβον καιρὸν ἔχειν ἀμύνεσθαι τὸν βασιλέα· τινὲσ δὲ διὰ τὸν πρὸσ τοὺσ συμπράττοντασ φθόνον ἐφιλοτιμοῦντο μὴ κρατῆσαι τὸν Ἄτταλον τῆσ ἐπιβολῆσ. ὁ δ’ Ἄρχων ἀνέστη μὲν βοηθήσων τοῖσ πρεσβευταῖσ· ἐκάλει γὰρ τὰ πράγματα τὴν τοῦ στρατηγοῦ γνώμην.

διευλαβηθεὶσ μὴ δόξῃ κέρδουσ τινὸσ ἕνεκεν συμβουλεύειν διὰ τὸ πλῆθοσ ἱκανὸν χρημάτων εἰσ τὴν ἀρχὴν δεδαπανηκέναι.

πολλῆσ δ’ οὔσησ ἀπορίασ ὁ Πολύβιοσ ἀναστὰσ ἐποιήσατο μὲν καὶ πλείονασ λόγουσ, μάλιστα δὲ προσέδραμε πρὸσ τὴν τῶν πολλῶν γνώμην, ὑποδείξασ τὸ γεγονὸσ ἐξ ἀρχῆσ ψήφισμα τῶν Ἀχαιῶν ὑπὲρ τῶν τιμῶν, ἐν ᾧ γεγραμμένον ἦν ὅτι δεῖ τὰσ ἀπρεπεῖσ ἀρθῆναι τιμὰσ καὶ τὰσ παρανόμουσ, οὐ μὰ Δί’ ἁπάσασ.

τοὺσ δὲ περὶ Σωσιγένη καὶ Διοπείθη, δικαστὰσ [Ῥοδίουσ] ὑπάρχοντασ κατ’ ἐκεῖνον τὸν καιρὸν καὶ διαφερομένουσ ἔκ τινων ἰδίων πρὸσ τὸν Εὐμένη, λαβομένουσ ἔφη τῆσ ἀφορμῆσ ταύτησ πάσασ ἀνατετροφέναι τὰσ τιμὰσ τοῦ βασιλέωσ·

καὶ τοῦτο πεποιηκέναι παρὰ τὸ τῶν Ἀχαιῶν δόγμα καὶ παρὰ τὴν δοθεῖσαν αὐτοῖσ ἐξουσίαν, καὶ τὸ μέγιστον, παρὰ τὸ δίκαιον καὶ τὸ καλῶσ ἔχον.

οὐ γὰρ ὡσ ἠδικημένουσ τι τοὺσ Ἀχαιοὺσ βουλεύσασθαι τὰσ τιμὰσ αἴρειν τὰσ Εὐμένουσ, ἀλλὰ μείζουσ αὐτοῦ ζητοῦντοσ τῶν εὐεργεσιῶν, τούτῳ προσκόψαντασ ψηφίσασθαι τὸ πλεονάζον παρελεῖν.

ἄλλωσ τε καὶ μέλλοντασ μὴ μόνον ἐπ’ αὐτὸν τὸν βασιλέα τὴν χάριν ἀπερείδεσθαι ταύτην, ἔτι δὲ μᾶλλον εἰσ τὸν ἀδελφὸν Ἄτταλον.

τοῦ δὲ πλήθουσ εὐδοκήσαντοσ τοῖσ λεγομένοισ, ἐγράφη δόγμα προστάττον τοῖσ ἄρχουσι πάσασ ἀποκαταστῆσαι τὰσ Εὐμένουσ τοῦ βασιλέωσ τιμάσ, πλὴν εἴ τινεσ ἀπρεπέσ τι περιέχουσι τῷ κοινῷ τῶν Ἀχαιῶν ἢ παράνομον.

τοῦτον μὲν δὴ τὸν τρόπον καὶ κατὰ τοῦτον τὸν καιρὸν Ἄτταλοσ διωρθώσατο τὴν γενομένην ἀλογίαν περὶ τὰσ ὑπαρχούσασ Εὐμένει τἀδελφῷ τιμὰσ κατὰ τὴν Πελοπόννησον.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Polybius, Histories, book 28, chapter 7

(폴리비오스, Histories, book 28, chapter 7)

상위

목록

SEARCH

MENU NAVIGATION