헬라어 문장 검색 - ΠολψβίΗιστορί14́010́

(폴리비오스, Histories, book 14, chapter 9)

Ὁ δὲ στρατηγὸσ τῶν Ῥωμαίων, ἐπεὶ τὰ σκῦλα καὶ τοὺσ αἰχμαλώτουσ εὐτρεπεῖσ ἔθετο, συγκαλέσασ τὸ συνέδριον ἐβουλεύετο περὶ τῶν ἑξῆσ, τί δέον ἦν ποιεῖν. ἔδοξεν οὖν αὐτοῖσ τὸν μὲν στρατηγὸν Πόπλιον καὶ μέροσ τι τῆσ δυνάμεωσ μένειν ἐπιπορευόμενον τὰσ πόλεισ, τὸν δὲ Λαίλιον καὶ τὸν Μασαννάσαν, λαβόντασ τούσ τε Νομάδασ καὶ μέροσ τῶν Ῥωμαϊκῶν στρατοπέδων, ἕπεσθαι τοῖσ περὶ τὸν Σόφακα καὶ μὴ δοῦναι χρόνον εἰσ ἐπίστασιν καὶ παρασκευήν.

οὗτοι μὲν ταῦτα βουλευσάμενοι διεχωρίσθησαν, οἱ μὲν ἐπὶ τὸν Σόφακα μετὰ τῶν προειρημένων στρατιωτῶν, ὁ δὲ στρατηγὸσ ἐπὶ τὰσ πόλεισ.

ὧν αἱ μὲν ἐθελοντὴν προσετίθεντο τοῖσ Ῥωμαίοισ διὰ τὸν φόβον, ἃσ δὲ πολιορκῶν ἐξ ἐφόδου κατὰ κράτοσ ᾕρει.

πάντα δ’ ἦν οἰκεῖα μεταβολῆσ τὰ κατὰ τὴν χώραν, ἅτε συνεχῶσ [τε] ἐκκείμενα ταῖσ κακοπαθείαισ καὶ ταῖσ εἰσφοραῖσ διὰ τὸ πολυχρονίουσ γεγονέναι τοὺσ κατὰ τὴν Ἰβηρίαν πολέμουσ.

Ἐν δὲ τῇ Καρχηδόνι μεγάλησ καὶ πρότερον ὑπαρχούσησ ἀκαταστασίασ, ἔτι μείζω τότε συνέβαινε γίνεσθαι τὴν ταραχήν, ὡσ ἂν ἐκ δευτέρου τηλικαύτῃ πληγῇ περιπεπτωκότων ἤδη καὶ ἀπειπόντων τὰσ ἐν αὑτοῖσ ἐλπίδασ.

οὐ μὴν ἀλλ’ οἱ μὲν ἀνδρωδέστατοι δοκοῦντεσ εἶναι τῶν συμβούλων ταῖσ μὲν ναυσὶν ἐκέλευον ἤδη πλεῖν ἐπὶ τοὺσ τὴν Ἰτύκην πολιορκοῦντασ, καὶ τήν τε πολιορκίαν πειρᾶσθαι λύειν καὶ ναυμαχεῖν τοῖσ ὑπεναντίοισ, ἀπαρασκεύοισ οὖσι πρὸσ τοῦτο τὸ μέροσ·

ἐπί τε τὸν Ἀννίβαν πέμπειν ἠξίουν καὶ μηδεμίαν ὑπερβολὴν ποιησαμένουσ ἐξελέγχειν καὶ ταύτην τὴν ἐλπίδα·

μεγάλασ γὰρ ἀμφοτέραισ εἶναι ταῖσ ἐπιβολαῖσ ἐκ τῶν κατὰ λόγον ἀφορμὰσ πρὸσ σωτηρίαν. τινὲσ δὲ ταύτασ μὲν ἔφασαν μηκέτι φέρειν τοὺσ καιρούσ, τὴν δὲ πόλιν ὀχυροῦν καὶ παρασκευάζεσθαι πρὸσ πολιορκίαν·

πολλὰσ γὰρ δώσειν ἀφορμὰσ ταὐτόματον, ἂν ὁμονοῶσιν. ἅμα δὲ βουλεύεσθαι περὶ διαλύσεωσ καὶ συνθηκῶν παρῄνουν, ἐπὶ τίσι καὶ πῶσ ἂν λύσιν ποιήσαιντο τῶν ἐνεστώτων κακῶν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Polybius, Histories, book 14, chapter 9

(폴리비오스, Histories, book 14, chapter 9)

상위

목록

SEARCH

MENU NAVIGATION