헬라어 문장 검색 - ΠολψβίΗιστορί14́007́

(폴리비오스, Histories, book 14, chapter 6)

Οὐ μὴν ἀλλὰ τῆσ ἡμέρασ ἐπιγενομένησ, καὶ τῶν πολεμίων τῶν μὲν ἀπολωλότων, τῶν δὲ προτροπάδην πεφευγότων, παρακαλέσασ τοὺσ χιλιάρχουσ ἐκ ποδὸσ ἐπηκολούθει. τὰσ μὲν οὖν ἀρχὰσ ὁ Καρχηδόνιοσ ὑπέμενε, καίπερ αὐτῷ προσαγγελίασ γενομένησ·

τοῦτο δ’ ἐποίει πιστεύων τῇ τῆσ πόλεωσ ὀχυρότητι. μετὰ δὲ ταῦτα συνθεωρήσασ τοὺσ ἐγχωρίουσ στασιάζοντασ, καταπλαγεὶσ τὴν ἔφοδον τοῦ Σκιπίωνοσ, ἔφευγε μετὰ τῶν διασεσωσμένων·

οὗτοι δ’ ἦσαν ἱππεῖσ μὲν οὐκ ἐλάττουσ πεντακοσίων, πεζοὶ δὲ περὶ δισχιλίουσ. οἱ δ’ ἐγχώριοι συμφρονήσαντεσ ἐπέτρεψαν περὶ σφῶν αὐτῶν τοῖσ Ῥωμαίοισ.

ὁ δὲ Πόπλιοσ τούτων μὲν ἐφείσατο, δύο δὲ τὰσ παρακειμένασ πόλεισ ἐφῆκε τοῖσ στρατοπέδοισ διαρπάζειν, καὶ ταῦτα διαπραξάμενοσ αὖθισ ἐπὶ τὴν ἐξ ἀρχῆσ ἐπανῄει παρεμβολήν.

οἱ δὲ Καρχηδόνιοι, παλιντρόπου τῆσ ἐλπίδοσ αὐτοῖσ ἀποβαινούσησ πρὸσ τὰσ ἐξ ἀρχῆσ ἐπιβολάσ, βαρέωσ ἔφερον τὸ γεγονόσ·

ἅμα τῷ μὴ μόνον τῶν ὑπαίθρων οὕτωσ ἀλόγωσ καὶ παραδόξωσ ἐκχωρῆσαι τοῖσ ὑπεναντίοισ, ἀλλὰ καὶ τὸν περὶ σφῶν αὐτῶν καὶ τῆσ πατρίδοσ ὅσον οὐκ ἤδη προσδοκᾶν κίνδυνον, τελέωσ ἐκπλαγεῖσ ἦσαν καὶ περίφοβοι ταῖσ ψυχαῖσ.

οὐ μὴν ἀλλὰ τῶν πραγμάτων ἀναγκαζόντων ποιεῖσθαι πρόνοιαν καὶ βουλὴν ὑπὲρ τοῦ μέλλοντοσ, ἦν τὸ συνέδριον ἀπορίασ καὶ ποικίλων καὶ τεταραγμένων ἐπινοημάτων πλῆρεσ.

οἱ δὲ διαπρεσβεύεσθαι πρὸσ τὸν Πόπλιον ὑπὲρ ἀνοχῶν καὶ λαλεῖν ὑπὲρ διαλύσεων καὶ συνθηκῶν, ἕτεροι δὲ θαρρεῖν καὶ συνάγειν τὰσ δυνάμεισ καὶ διαπέμπεσθαι πρὸσ τὸν Σόφακα·

καὶ γὰρ πλησίον αὐτὸν εἰσ τὴν Ἄββαν ἀποκεχωρηκέναι, συναθροίζειν δὲ τοὺσ ἀπὸ τοῦ κινδύνου διαφυγόντασ.

καὶ δὴ καὶ τέλοσ αὕτη τῶν γνωμῶν ἐπεκράτησεν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Polybius, Histories, book 14, chapter 6

(폴리비오스, Histories, book 14, chapter 6)

상위

목록

SEARCH

MENU NAVIGATION