헬라어 문장 검색 - ΠολψβίΗιστορί14́003́

(폴리비오스, Histories, book 14, chapter 2)

τοῖσ μὲν ὑπεναντίοισ ποιῶν φαντασίαν ὡσ τοῦτο πράττων τῆσ πολιορκίασ ἕνεκα, τῇ δ’ ἀληθείᾳ βουλόμενοσ ἐφεδρεύειν τοῖσ κατὰ τὸν τῆσ πράξεωσ καιρόν, ἵνα μὴ τῶν στρατοπέδων ἐκ τῆσ παρεμβολῆσ χωρισθέντων οἱ τὴν Ἰτύκην παραφυλάττοντεσ στρατιῶται τολμήσαιεν ἐξελθόντεσ ἐκ τῆσ πόλεωσ ἐγχειρεῖν τῷ χάρακι διὰ τὸ σύνεγγυσ εἶναι, καὶ πολιορκεῖν τοὺσ φυλάττοντασ. ταῦτα δὲ παρασκευαζόμενοσ ἅμα διεπέμπετο πρὸσ τὸν Σόφακα, πυνθανόμενοσ, ἐὰν συγχωρῇ τοῖσ παρακαλουμένοισ, εἰ καὶ τοῖσ Καρχηδονίοισ ἔσται ταῦτα κατὰ νοῦν καὶ μὴ πάλιν ἐκεῖνοι φήσουσι βουλεύσεσθαι περὶ τῶν συγχωρουμένων.

ἅμα δὲ τούτοισ προσενετείλατο τοῖσ πρεσβευταῖσ μὴ πρότερον ὡσ αὑτὸν ἀπιέναι πρὶν ἢ λαβεῖν ἀπόκρισιν ὑπὲρ τούτων.

ὧν ἀφικομένων διακούσασ ὁ Νομὰσ ἐπείσθη διότι πρὸσ τὸ συντελεῖν ἐστι τὰσ διαλύσεισ ὁ Σκιπίων, ἔκ τε τοῦ φάναι τοὺσ πρέσβεισ μὴ πρότερον ἀπαλλαγήσεσθαι πρὶν ἢ λαβεῖν παρ’ αὐτοῦ τὰσ ἀποκρίσεισ, ἔκ τε τοῦ διευλαβεῖσθαι τὴν τῶν Καρχηδονίων συγκατάθεσιν.

διὸ καὶ πρὸσ μὲν τὸν Ἀσδρούβαν ἐξ αὐτῆσ ἔπεμπε, διασαφῶν τὰ γινόμενα καὶ παρακαλῶν δέχεσθαι τὴν εἰρήνην, αὐτὸσ δὲ ῥᾳθύμωσ διῆγε, καὶ τοὺσ ἐπισυναγομένουσ Νομάδασ ἐκτὸσ εἰά τῆσ παρεμβολῆσ αὐτοῦ κατασκηνοῦν.

ὁ δὲ Πόπλιοσ κατὰ μὲν τὴν ἐπίφασιν ἐποίει τὸ παραπλήσιον, κατὰ δὲ τὴν ἀλήθειαν ἐν τοῖσ μάλιστα περὶ τὰσ παρασκευὰσ ἦν.

ἐπειδὴ δὲ παρὰ μὲν τῶν Καρχηδονίων τῷ Σόφακι διεσαφήθη συντελεῖν τὰ κατὰ τὰσ συνθήκασ, ὁ δὲ Νομὰσ περιχαρὴσ ὢν εἶπε τοῖσ πρεσβευταῖσ ὑπὲρ τούτων, εὐθέωσ οἱ πρέσβεισ ἀπῄεσαν εἰσ τὴν ἰδίαν παρεμβολήν, μηνύσοντεσ τῷ Ποπλίῳ τὰ πραχθέντα παρὰ τοῦ βασιλέωσ.

ὧν ἀκούσασ ὁ τῶν Ῥωμαίων στρατηγὸσ αὖθισ ἐκ ποδὸσ ἔπεμπε πρέσβεισ, δηλώσοντασ τῷ Σόφακι διότι συμβαίνει τὸν μὲν Πόπλιον εὐδοκεῖν καὶ σπουδάζειν ὑπὲρ τῆσ εἰρήνησ, τοὺσ δ’ ἐν τῷ συνεδρίῳ διαφέρεσθαι καὶ φάναι διαμένειν ἐπὶ τῶν ὑποκειμένων·

οἳ καὶ παραγενόμενοι διεσάφησαν ταῦτα τῷ Νομάδι.

τὴν δ’ ἀποστολὴν ταύτην ὁ Σκιπίων ἐποιήσατο χάριν τοῦ μὴ δόξαι παρασπονδεῖν, ἐὰν ἔτι μενούσησ τῆσ ὑπὲρ τῶν διαλύσεων ἐπικηρυκείασ πρὸσ ἀλλήλουσ πράξῃ τι τῶν πολεμικῶν ἔργων.

γενομένησ δὲ τῆσ ἀπορρήσεωσ ταύτησ ἅπαν τὸ γινόμενον ἀνεπίληπτον ἕξειν ὑπέλαβε τὴν προαίρεσιν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Polybius, Histories, book 14, chapter 2

(폴리비오스, Histories, book 14, chapter 2)

상위

목록

SEARCH

MENU NAVIGATION