헬라어 문장 검색 - ΠολψβίΗιστορί14́002́

(폴리비오스, Histories, book 14, ii. res a scipione in africa gestae)

ὁ δὲ Πόπλιοσ ἐν τῇ Λιβύῃ κατὰ τὴν παραχειμασίαν πυνθανόμενοσ ἐξαρτύειν στόλον τοὺσ Καρχηδονίουσ, ἐγίνετο μὲν καὶ περὶ ταύτην τὴν παρασκευήν, οὐχ ἧττον δὲ καὶ περὶ τὴν τῆσ Ἰτύκησ πολιορκίαν. οὐ μὴν οὐδὲ τῆσ κατὰ τὸν Σόφακα τελέωσ ἐλπίδοσ ἀφίστατο, διεπέμπετο δὲ συνεχῶσ διὰ τὸ μὴ πολὺ ἀφεστάναι τὰσ δυνάμεισ ἀλλήλων, πεπεισμένοσ μετακαλέσειν αὐτὸν ἀπὸ τῆσ τῶν Καρχηδονίων συμμαχίασ·

οὐ γὰρ ἀπεγίνωσκε καὶ τῆσ παιδίσκησ αὐτὸν ἤδη κόρον ἔχειν, δι’ ἣν εἵλετο τὰ Καρχηδονίων, καὶ καθόλου τῆσ πρὸσ τοὺσ Φοίνικασ φιλίασ διά τε τὴν φυσικὴν τῶν Νομάδων ἁψικορίαν καὶ διὰ τὴν πρόσ τε τοὺσ θεοὺσ καὶ τοὺσ ἀνθρώπουσ ἀθεσίαν.

ὢν δὲ περὶ πολλὰ τῇ διανοίᾳ καὶ ποικίλασ ἔχων ἐλπίδασ ὑπὲρ τοῦ μέλλοντοσ διὰ τὸ κατορρωδεῖν τὸν ἔξω κίνδυνον τῷ πολλαπλασίουσ εἶναι τοὺσ ὑπεναντίουσ, ἐπελάβετό τινοσ ἀφορμῆσ τοιαύτησ.

τῶν δὲ Νομάδων τοὺσ μὲν ἐξ ἀρχῆσ ἐκ καλάμων, τοὺσ δ’ ἐπισυναγομένουσ ἐκ τῶν πόλεων κατὰ τὸ παρὸν ἐξ αὐτῆσ τῆσ φυλλάδοσ σκηνοποιεῖσθαι, τοὺσ μὲν ἐντόσ, τοὺσ δὲ πλείουσ αὐτῶν ἐκτὸσ τῆσ τάφρου καὶ τοῦ χάρακοσ.

νομίσασ οὖν ὁ Πόπλιοσ παραδοξοτάτην μὲν τοῖσ πολεμίοισ, πραγματικωτάτην δὲ σφίσιν εἶναι τὴν διὰ τοῦ πυρὸσ ἐπιβολήν, ἐγένετο περὶ ταύτην τὴν κατασκευήν.

ὁ δὲ Σόφαξ ἐν ταῖσ πρὸσ τὸν Πόπλιον διαποστολαῖσ ἀεί πωσ ἐπὶ ταύτην κατήντα τὴν γνώμην ὅτι δέοι Καρχηδονίουσ μὲν ἐκ τῆσ Ἰταλίασ ἀπαλλάττεσθαι, Ῥωμαίουσ δὲ παραπλησίωσ ἐκ τῆσ Λιβύησ, τὰ δὲ μεταξὺ τούτων ἔχειν ἀμφοτέρουσ ὡσ τότε κατεῖχον.

ὧν ὁ Πόπλιοσ ἀκούων ἐν τοῖσ πρὸ τοῦ χρόνοισ οὐδαμῶσ ἀνείχετο·

τότε δὲ τῷ Νομάδι βραχεῖαν ἔμφασιν ἐποιήσατο διὰ τῶν ἀποστελλομένων ὡσ οὐκ ἀδυνάτου τῆσ ἐπιβολῆσ οὔσησ, ἧσ ἐπιβάλλεται. δι’ οὗ συνέβη τὸν Σόφακα κουφισθέντα πολλαπλασίωσ ἐπιρρωσθῆναι πρὸσ τὴν ἐπιπλοκήν.

οὗ γινομένου πλείουσ ἦσαν οἱ διαπεμπόμενοι καὶ πλεονάκισ·

ἔστι δ’ ὅτε καί τινασ ἡμέρασ ἔμενον παρ’ ἀλλήλοισ ἀπαρατηρήτωσ. ἐν αἷσ ὁ Πόπλιοσ ἀεί τινασ μὲν τῶν πραγματικῶν, οὓσ δὲ καὶ στρατιωτικῶν, ῥυπῶντασ καὶ ταπεινούσ, εἰσ δουλικὰσ ἐσθῆτασ διασκευάζων, μετὰ τῶν ἀποστελλομένων ἐξέπεμπε χάριν τοῦ τὰσ προσόδουσ καὶ τὰσ εἰσόδουσ τὰσ εἰσ ἑκατέραν τὴν παρεμβολὴν ἀσφαλῶσ ἐξερευνῆσαι καὶ κατοπτεῦσαι.

δύο γὰρ ἦσαν στρατοπεδεῖαι, μία μὲν ἣν Ἀσδρούβασ εἶχε μετὰ πεζῶν τρισμυρίων καὶ τρισχιλίων ἱππέων, ἄλλη δὲ περὶ δέκα σταδίουσ ἀφεστῶσα ταύτησ, ἡ τῶν Νομάδων, ἱππεῖσ μὲν εἰσ μυρίουσ ἔχουσα, πεζοὺσ δὲ περὶ πεντακισμυρίουσ.

ἣ δὴ καὶ μᾶλλον εὐέφοδοσ ἦν καὶ τὰσ σκηνὰσ εἶχε τελέωσ εὐφυεῖσ πρὸσ ἐμπυρισμὸν διὰ τὸ τοὺσ Νομάδασ, ὡσ ἀρτίωσ εἶπον, μὴ διὰ ξύλων μηδὲ διὰ γῆσ, ἁπλῶσ δὲ κάνναισ καὶ καλάμοισ χρῆσθαι πρὸσ τὰσ σκηνοποιίασ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Polybius, Histories, book 14, ii. res a scipione in africa gestae

(폴리비오스, Histories, book 14, ii. res a scipione in africa gestae)

상위

목록

SEARCH

MENU NAVIGATION