헬라어 문장 검색 - Πλυταρ́Τηεσευσ́32́

(플루타르코스, chapter 32)

ἐν δὲ τῷ χρόνῳ τούτῳ Μενεσθεὺσ ὁ Πετεὼ τοῦ Ὀρνέωσ τοῦ Ἐρεχθέωσ πρῶτοσ, ὥσ φασιν, ἀνθρώπων ἐπιθέμενοσ τῷ δημαγωγεῖν καὶ πρὸσ χάριν ὄχλῳ διαλέγεσθαι, τούσ τε δυνατοὺσ συνίστη καὶ παρώξυνε, πάλαι βαρυνομένουσ τὸν Θησέα καὶ νομίζοντασ ἀρχὴν καὶ βασιλείαν ἀφῃρημένον ἑκάστου τῶν κατὰ δῆμον εὐπατριδῶν, εἰσ ἓν ἄστυ συνείρξαντα πάντασ ὑπηκόοισ χρῆσθαι καὶ δούλοισ, τούσ τε πολλοὺσ διετάραττε καὶ διέβαλλεν, ὡσ ὄναρ ἐλευθερίασ ὁρῶντασ, ἔργῳ δὲ ἀπεστερημένουσ πατρίδων καὶ ἱερῶν, ὅπωσ ἀντὶ πολλῶν καὶ ἀγαθῶν καὶ γνησίων βασιλέων πρὸσ ἕνα δεσπότην ἔπηλυν καὶ ξένον ἀποβλέπωσι. ταῦτα δὲ αὐτοῦ πραγματευομένου μεγάλην ῥοπὴν ὁ πόλεμοσ τῷ νεωτερισμῷ προσέθηκε, τῶν Τυνδαριδῶν ἐπελθόντων·

οἱ δὲ καὶ ὅλωσ φασὶν ὑπὸ τούτου πεισθέντασ ἐλθεῖν. τὸ μὲν οὖν πρῶτον οὐδὲν ἠδίκουν, ἀλλ’ ἀπῄτουν τὴν ἀδελφήν. ἀποκριναμένων δὲ τῶν ἐν ἄστει μήτε ἔχειν μήτε γινώσκειν ὅπου καταλέλειπται, πρὸσ πόλεμον ἐτράποντο. φράζει δὲ αὐτοῖσ Ἀκάδημοσ ᾐσθημένοσ ᾧ δή τινι τρόπῳ τὴν ἐν Ἀφίδναισ κρύψιν αὐτῆσ.

ὅθεν ἐκείνῳ τε τιμαὶ ζῶντι παρὰ τῶν Τυνδαριδῶν ἐγένοντο, καὶ πολλάκισ ὕστερον εἰσ τὴν Ἀττικὴν ἐμβαλόντεσ Λακεδαιμόνιοι καὶ πᾶσαν ὁμοῦ τὴν χώραν τέμνοντεσ, τῆσ Ἀκαδημείασ ἀπείχοντο διὰ τὸν Ἀκάδημον. ὁ δὲ Δικαίαρχοσ Ἐχεδήμου φησὶ καὶ Μαράθου συστρατευσάντων τότε τοῖσ Τυνδαρίδαισ ἐξ Ἀρκαδίασ, ἀφ’ οὗ μὲν Ἐχεδημίαν προσαγορευθῆναι τὴν νῦν Ἀκαδήμειαν, ἀφ’ οὗ δὲ Μαραθῶνα τὸν δῆμον, ἐπιδόντοσ ἑαυτὸν ἑκουσίωσ κατά τι λόγιον σφαγιάσασθαι πρὸ τῆσ παρατάξεωσ.

ἐλθόντεσ οὖν ἐπὶ τὰσ Ἀφίδνασ καὶ μάχῃ κρατήσαντεσ ἐξεῖλον τὸ χωρίον. ἐνταῦθά φασι καὶ Ἄλυκον πεσεῖν τὸν Σκείρωνοσ υἱόν, συστρατευόμενον τότε τοῖσ Διοσκούροισ, ἀφ’ οὗ καὶ τόπον τῆσ Μεγαρικῆσ Ἄλυκον καλεῖσθαι τοῦ σώματοσ ἐνταφέντοσ.

Ἡρέασ δ’ ὑπὸ Θησέωσ αὐτοῦ περὶ Ἀφίδνασ ἀποθανεῖν τὸν Ἄλυκον ἱστόρηκε, καὶ μαρτύρια ταυτὶ τὰ ἔπη παρέχεται περὶ τοῦ Ἀλύκου· τὸν ἐν εὐρυχόρῳ ποτ’ Ἀφίδνῃ μαρνάμενον Θησεὺσ Ἑλένησ ἕνεκ’ ἠϋκόμοιο κτεῖνεν. Οὐ μὴν εἰκὸσ αὐτοῦ Θησέωσ παρόντοσ ἁλῶναι τήν τε μητέρα καὶ τὰσ Ἀφίδνασ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, chapter 32

(플루타르코스, chapter 32)

상위

목록

SEARCH

MENU NAVIGATION