Plutarch, Quaestiones Convivales, book 3, Περὶ καιροῦ συνουσίασ. 18:

(플루타르코스, Quaestiones Convivales, book 3, Περὶ καιροῦ συνουσίασ. 18:)

"ὦ Ὀλύμπιχε, παντάπασιν ἔτι τῆσ κοτταβίσεωσ ὄζοντα καὶ τῶν κρεοφαγιῶν ἐκείνων, οὐκ ἐν δέοντι. "νέοι τε γὰρ πάρεισι γεγαμηκότεσ, ὑφ’ ὧν δεῖ φιλοτήσια ἔργα τελεῖσθαι· "καὶ ἡμᾶσ οὔπω παντάπασιν ἡ Ἀφροδίτη πέφευγεν, ἀλλὰ καὶ προσευχόμεθα δήπουθεν αὐτῇ λέγοντεσ ἐν τοῖσ τῶν θεῶν ὕμνοισ ἀνάβαλλ’ ἄνω τὸ γῆρασ, ὦ καλὰ Ἀφροδίτα. "σκοπῶμεν οὖν, εἰ δοκεῖ, πότερον ἐμμελῶσ καὶ προσηκόντωσ ὁ Ἐπίκουροσ ἢ παρὰ πᾶν δίκαιον ἀφαιρεῖ τὴν Ἀφροδίτην τῆσ νυκτόσ· "καίτοι κράτιστον αὐτῇ θεῶν μετεῖναί φησιν ἐρωτικὸσ ἀνὴρ Μένανδροσ. "συνετέθη γὰρ οἶμαι καλῶσ παρακάλυμμα τῆσ ἡδονῆσ τὸ σκότοσ προθεμένουσ ταῦτα πράσσειν, καὶ μὴ διὰ φωτὸσ ἐντυγχάνοντασ ἐξελαύνειν τῶν ὀμμάτων τὸ αἰδούμενον καὶ τῷ ἀκολάστῳ θάρσοσ ἐμποιεῖν καὶ μνήμασ ἐναργεῖσ, αἷσ τὸ ἐνδιατρίβειν αὖθισ ἐκριπίζει τὰσ ἐπιθυμίασ. "ὄψισ γὰρ ἡμῖν ὀξυτάτη τῶν διὰ τοῦ σώματοσ ἔρχεται κατὰ τὸν Πλάτωνα παθημάτων, καὶ σφόδρα ταῖσ ἐγγὺσ φαντασίαισ τὴν ψυχὴν ἐγείρουσα πρὸσ τὰ εἴδωλα τῆσ ἡδονῆσ, καινὴν ἀεὶ ποιεῖ καὶ πρόσφατον ἐπιθυμίαν. "ἡ δὲ νὺξ τὰ πλεῖστα καὶ μανιωδέστατα τῶν ἔργων ἀφαιροῦσα παράγει καὶ κατευνάζει τὴν φύσιν, οὐκ ἐξοκέλλουσ’ ὑπὸ τῆσ ὄψεωσ εἰσ ὕβριν. "ἄνευ δὲ τούτων, τίν’ ἔχει λόγον ἀπὸ δείπνου μὲν ἥκοντα γεγανωμένον, ἂν οὕτω τύχῃ, στέφανον κομίζοντα καὶ μύρῳ κεχριμένον, ἀποστραφέντα καὶ συγκαλυψάμενον καθεύδειν· "ἡμέρασ δὲ καὶ διὰ μέσου τῶν πράξεων ἐκ τῆσ γυναικωνίτιδοσ τὴν γυναῖκα μεταπέμπεσθαι πρόσ τι τοιοῦτον ἢ πρωὶ δίκην ἀλεκτρυόνοσ συμπλέκεσθαι; "τὴν γὰρ ἑσπέραν, ὦ ἑταῖρε, τῶν πόνων ἀνάπαυσιν τὸν δ’ ὄρθρον ἀρχήν· "καὶ τὴν μὲν ὁ Λύσιοσ ἐπισκοπεῖ Διόνυσοσ μετὰ τῆσ Τερψιχόρησ καὶ Θαλείασ, ὁ δὲ πρὸσ τὴν ἐργάνην Ἀθηνᾶν καὶ τὸν ἀγοραῖον Ἑρμῆν ἐπανίστησι. "διὸ τὴν μὲν ᾠδαὶ κατέχουσι καὶ χορεῖαι καὶ ὑμέναιοσ κῶμοί τ’ εἰλαπίναι τε καὶ ἠχήεισ θρόοσ αὐλῶν· "τὸν δὲ κτύποι ῥαιστήρων καὶ τρισμοὶ πριόνων καὶ τελωνικῶν ἐπορθρισμοὶ κεκραγμῶν καὶ κηρύγματα καλουμένων ἐπὶ δίκασ ἢ θεραπείασ τινῶν βασιλέων ἢ ἀρχόντων· "ἐν ᾧ καιρῷ φροῦδα τὰ τῆσ ἡδονῆσ, λήγει δὲ Κύπρισ θαλίαι τε νέων, οὐδέ τι, θύρσοσ φύλλα Βακχείου· "συντείνουσι γὰρ αἱ φροντίδεσ. "ἔπειτα δὲ καὶ ὁ ποιητὴσ τῶν ἡρώων οὔτε γαμετῇ τινα μεθ’ ἡμέραν οὔτε παλλακίδι συγκατέκλινε, πλὴν ἢ τὸν Πάριν δραπετεύσαντα ποιήσασ καταδυόμενον εἰσ τοὺσ κόλπουσ τῆσ γυναικόσ, ὡσ οὐκ ἀνδρὸσ ἀλλὰ μοιχοῦ λυσσῶντοσ οὖσαν τὴν μεθημερινὴν ἀκρασίαν. "καὶ μὴν οὐδὲ τὸ σῶμα βλάπτοιτ’ ἂν ὑπὸ τῆσ συνουσίασ μᾶλλον, ὡσ Ἐπίκουροσ οἰέται, μετὰ τὸ δεῖπνον, ἄν γε μὴ μεθύων τισ ἢ ῥηγνύμενοσ ὑπὸ πλησμονῆσ ἅπτηται καὶ βεβαρημένοσ· "ἀμέλει γὰρ οὕτωσ ἐπισφαλὲσ τὸ πρᾶγμα καὶ βλαβερόν. ἂν δ’ ἱκανῶσ ἔχων τισ αὑτοῦ καὶ μετρίωσ διακεχυμένοσ, τοῦ τε σώματοσ αὐτοῦ μαλακοῦ γεγονότοσ καὶ τῆσ ψυχῆσ παρεστώσησ, διὰ χρόνου ποιῆται τὴν ἔντευξιν, οὔτε ταραχὴν ἀπεργάζεται μεγάλην διὰ τὸν ὄγκον οὔτ’ ἄλλο τι ὧν ἐπήγαγεν ἢ ψῦξισ ἢ μετάθεσισ ἐξ ἕδρασ ἀτόμων, φησιν Ἐπίκουροσ· "ἀλλὰ τῇ φύσει τὸ οἰκεῖον ἀποδούσ , ἑαυτὸν δέ πωσ ἀπογαληνίσασ ἀναπληρώσει, νέασ ἐπιρροῆσ τοῖσ κενώμασι γιγνομένησ. "ἐκεῖνο δὲ μᾶλλον ἄξιον εὐλαβείασ, τὸ σύνεγγυσ ὄντα τῶν πράξεων ἀφροδισίοισ χρῆσθαι, μήποτ’ ἄρα μετέωρον τὸ σῶμα καὶ κεκλονημένον αἵ τε τῆσ ψυχῆσ φροντίδεσ αἵ τε περὶ τὰσ χρείασ πραγματεῖαι καὶ κόποι παραλαβόντεσ εὐθὺσ ἐκτραχύνωσιν, οὐχ ἱκανὸν ἐν μέσῳ διάλειμμα τῆσ φύσεωσ εἰσ ἀνάπαυσιν λαβούσησ . οὐ γὰρ πάντεσ, ὦ ἑταῖρε, τὴν Ἐπικούρου σχολὴν καὶ ῥᾳστώνην ὑπὸ λόγου καὶ φιλοσοφίασ ἄφθονον εἰσ ἀεὶ παρεσκευασμένην ἔχουσι· "πολλοὶ δ’ ἕκαστον ἀγῶνεσ ἐκδέχονται δι’ ἡμέρασ, γυμνάσια δ’ ὡσ ἔποσ εἰπεῖν ἅπαντασ· "οἷσ οὔτε καλὸν οὔτε συμφέρον οὕτω διακείμενον τὸ σῶμα παρέχειν λυσσώσῃ συνουσίᾳ διακεχυμένον. "τὸ δὲ μακάριον καὶ ἄφθαρτον ἔστω μὲν ὂν οἱο͂ν αὐτῷ, μὴ φροντίζον τῶν καθ’ ἡμᾶσ· "ἡμῖν δέ που νόμῳ πόλεωσ συνεπομένοισ ἐξευλαβητέον ἐστὶν εἰσ θέροσ ἐμβαλεῖν καὶ κατάρχεσθαι θυσιῶν, ὀλίγον ἔμπροσθεν διαπεπραγμένοισ τι τοιοῦτον. "ὅθεν εὖ ἔχει τὸ τὴν νύκτα καὶ τὸν ὕπνον ἐν μέσῳ θεμένουσ καὶ ποιήσαντασ ἱκανὸν διάλειμμα καὶ διάστημα καθαροὺσ αὖθισ ὥσπερ ἐξ ὑπαρχῆσ καὶ νέα ἐφ’ ἡμέρῃ φρονέοντασ κατὰ Δημόκριτον ἀνίστασθαι.

일치하는 문장이 없습니다.

SEARCH

MENU NAVIGATION