Plutarch, Quaestiones Convivales, book 3, Διὰ τί γλεῦκοσ ἣκιστα μεθύσκει.

(플루타르코스, Quaestiones Convivales, book 3, Διὰ τί γλεῦκοσ ἣκιστα μεθύσκει.)

τοῦ νέου οἴνου Ἀθήνησι μὲν ἑνδεκάτῃ μηνὸσ κατάρχονται, Πιθοίγια τὴν ἡμέραν καλοῦντεσ· καὶ πάλαι γ’ ὡσ ἐοίκεν εὔχοντο, τοῦ οἴνου πρὶν ἢ πιεῖν ἀποσπένδοντεσ, ἀβλαβῆ καὶ σωτήριον αὐτοῖσ τοῦ φαρμάκου τὴν χρῆσιν γενέσθαι. παρ’ ἡμῖν δ’ ὁ μὲν μὴν καλεῖται Προστατήριοσ, ἕκτῃ δ’ ἱσταμένου νομίζεται θύσαντασ ἀγαθῷ Δαίμονι γεύεσθαι τοῦ οἴνου μετὰ ζέφυρον· οὗτοσ γὰρ μάλιστα τῶν ἀνέμων ἐξίστησι καὶ κινεῖ τὸν οἶνον, καὶ ὁ τοῦτον διαφυγὼν ἤδη δοκεῖ παραμένειν βέβαιοσ.

ἔθυσεν οὖν ὁ πατὴρ ὥσπερ εἰώθει τὴν θυσίαν, καὶ μετὰ τὸ δεῖπνον, ἐπαινουμένου τοῦ οἴνου, τοῖσ φιλοσοφοῦσι μειρακίοισ μεθ’ ἡμῶν προύβαλε ζητεῖν λόγον, ὡσ τὸ γλεῦκοσ ἣκιστα μεθύσκει.

τοῖσ μὲν οὖν πολλοῖσ παράδοξον ἐφάνη καὶ ἄπιστον·

ὁ δ’ Ἁγίασ ἔφη τὸ γλυκὺ πανταχοῦ προσίστασθαι καὶ πλήσμιον εἶναι· διὸ καὶ γλεύκουσ οὐκ ἄν τινα πιεῖν ῥᾳδίωσ;

ὅσον εἰσ μέθην ἱκανόν ἐστιν· ἀπαγορεύειν γὰρ ἀηδίᾳ τὴν ὄρεξιν ἄχρι τοῦ μὴ διψῆν προελθοῦσαν. ὅτι δὲ τοῦ γλυκέοσ διαφέρει τὸ ἡδὺ καὶ τὸν ποιητὴν ἐπιστάμενον λέγειν τυρῷ καὶ μέλιτι γλυκερῷ καὶ ἡδέι οἴνῳ· τὸν γὰρ οἶνον ἐν ἀρχῇ μὲν εἶναι γλυκύν, γίγνεσθαι δ’ ἡδὺν ὅταν εἰσ τὸ αὐστηρὸν τῇ πέψει μεταβάλῃ παλαιούμενοσ.

Ἀρισταίνετοσ δ’ ὁ Νικαεὺσ ἔν τισιν ἐνίοισ γράμμασιν ἀνεγνωκὼσ ἔφη μνημονεύειν, ὅτι γλεῦκοσ μιχθὲν οἴνῳ παύει μέθην· τῶν δ’ ἰατρῶν τινασ λέγει τοὺσ πλέον πιόντασ κελεύειν ἐμεῖν, εἶθ’, ὅταν μέλλωσι καθεύδειν, ἄρτον εἰσ μέλι καταβάψαντασ ἐμφαγεῖν ἔδοσαν.

εἴ τι οὖν αἱ γλυκύτητεσ ἀμβλύνουσι τὸν ἄκρατον, εἰκότωσ ὁ νέοσ οἶνοσ οὐ μεθύσκει, πρὶν ἂν ἡ γλυκύτησ μεταβάλῃ. σφόδρ’ οὖν ἀπεδεξάμεθα τὴν εὑρησιλογίαν τῶν νεανίσκων, ὅτι τοῖσ ἐμποδὼν οὐκ ἐπιπεσόντεσ ἰδίων εὐπόρησαν ἐπιχειρημάτων. ἐπεὶ τά γε πρόχειρα καὶ ῥᾴδια λαβεῖν ἥ τε βαρύτησ ἐστὶ τοῦ γλεύκουσ, ὡσ Ἀριστοτέλησ φησίν, ἡ διακόπτουσα τὴν κοιλίαν, καὶ τὸ πολὺ συμμἐνειν πνευματῶδεσ καὶ ὑδατῶδεσ·

ὧν τὸ μὲν εὐθὺσ ἐκπίπτει βιαζόμενον, τὸ δὲ πέφυκε τὸ ὑδατῶδεσ ἀμβλύτερον ποιεῖν τὸν οἶνον·

παλαίωσισ δ’ ἐπίτασιν ποιεῖ, ἐκκρινομένου τοῦ ὑδατώδουσ· ὁ οἶνοσ δυνάμει δὲ σφοδρότεροσ.

일치하는 문장이 없습니다.

SEARCH

MENU NAVIGATION