헬라어 문장 검색 - Πλυταρ́Θυαεστι

(플루타르코스, Quaestiones Convivales, book 3, Περὶ καιροῦ συνουσίασ. 18:)

"ὦ Ὀλύμπιχε, παντάπασιν ἔτι τῆσ κοτταβίσεωσ ὄζοντα καὶ τῶν κρεοφαγιῶν ἐκείνων, οὐκ ἐν δέοντι. "νέοι τε γὰρ πάρεισι γεγαμηκότεσ, ὑφ’ ὧν δεῖ φιλοτήσια ἔργα τελεῖσθαι· "καὶ ἡμᾶσ οὔπω παντάπασιν ἡ Ἀφροδίτη πέφευγεν, ἀλλὰ καὶ προσευχόμεθα δήπουθεν αὐτῇ λέγοντεσ ἐν τοῖσ τῶν θεῶν ὕμνοισ ἀνάβαλλ’ ἄνω τὸ γῆρασ, ὦ καλὰ Ἀφροδίτα. "σκοπῶμεν οὖν, εἰ δοκεῖ, πότερον ἐμμελῶσ καὶ προσηκόντωσ ὁ Ἐπίκουροσ ἢ παρὰ πᾶν δίκαιον ἀφαιρεῖ τὴν Ἀφροδίτην τῆσ νυκτόσ· "καίτοι κράτιστον αὐτῇ θεῶν μετεῖναί φησιν ἐρωτικὸσ ἀνὴρ Μένανδροσ. "συνετέθη γὰρ οἶμαι καλῶσ παρακάλυμμα τῆσ ἡδονῆσ τὸ σκότοσ προθεμένουσ ταῦτα πράσσειν, καὶ μὴ διὰ φωτὸσ ἐντυγχάνοντασ ἐξελαύνειν τῶν ὀμμάτων τὸ αἰδούμενον καὶ τῷ ἀκολάστῳ θάρσοσ ἐμποιεῖν καὶ μνήμασ ἐναργεῖσ, αἷσ τὸ ἐνδιατρίβειν αὖθισ ἐκριπίζει τὰσ ἐπιθυμίασ. "ὄψισ γὰρ ἡμῖν ὀξυτάτη τῶν διὰ τοῦ σώματοσ ἔρχεται κατὰ τὸν Πλάτωνα παθημάτων, καὶ σφόδρα ταῖσ ἐγγὺσ φαντασίαισ τὴν ψυχὴν ἐγείρουσα πρὸσ τὰ εἴδωλα τῆσ ἡδονῆσ, καινὴν ἀεὶ ποιεῖ καὶ πρόσφατον ἐπιθυμίαν. "ἡ δὲ νὺξ τὰ πλεῖστα καὶ μανιωδέστατα τῶν ἔργων ἀφαιροῦσα παράγει καὶ κατευνάζει τὴν φύσιν, οὐκ ἐξοκέλλουσ’ ὑπὸ τῆσ ὄψεωσ εἰσ ὕβριν. "ἄνευ δὲ τούτων, τίν’ ἔχει λόγον ἀπὸ δείπνου μὲν ἥκοντα γεγανωμένον, ἂν οὕτω τύχῃ, στέφανον κομίζοντα καὶ μύρῳ κεχριμένον, ἀποστραφέντα καὶ συγκαλυψάμενον καθεύδειν· "ἡμέρασ δὲ καὶ διὰ μέσου τῶν πράξεων ἐκ τῆσ γυναικωνίτιδοσ τὴν γυναῖκα μεταπέμπεσθαι πρόσ τι τοιοῦτον ἢ πρωὶ δίκην ἀλεκτρυόνοσ συμπλέκεσθαι; "τὴν γὰρ ἑσπέραν, ὦ ἑταῖρε, τῶν πόνων ἀνάπαυσιν τὸν δ’ ὄρθρον ἀρχήν· "καὶ τὴν μὲν ὁ Λύσιοσ ἐπισκοπεῖ Διόνυσοσ μετὰ τῆσ Τερψιχόρησ καὶ Θαλείασ, ὁ δὲ πρὸσ τὴν ἐργάνην Ἀθηνᾶν καὶ τὸν ἀγοραῖον Ἑρμῆν ἐπανίστησι. "διὸ τὴν μὲν ᾠδαὶ κατέχουσι καὶ χορεῖαι καὶ ὑμέναιοσ κῶμοί τ’ εἰλαπίναι τε καὶ ἠχήεισ θρόοσ αὐλῶν· "τὸν δὲ κτύποι ῥαιστήρων καὶ τρισμοὶ πριόνων καὶ τελωνικῶν ἐπορθρισμοὶ κεκραγμῶν καὶ κηρύγματα καλουμένων ἐπὶ δίκασ ἢ θεραπείασ τινῶν βασιλέων ἢ ἀρχόντων· "ἐν ᾧ καιρῷ φροῦδα τὰ τῆσ ἡδονῆσ, λήγει δὲ Κύπρισ θαλίαι τε νέων, οὐδέ τι, θύρσοσ φύλλα Βακχείου· "συντείνουσι γὰρ αἱ φροντίδεσ. "ἔπειτα δὲ καὶ ὁ ποιητὴσ τῶν ἡρώων οὔτε γαμετῇ τινα μεθ’ ἡμέραν οὔτε παλλακίδι συγκατέκλινε, πλὴν ἢ τὸν Πάριν δραπετεύσαντα ποιήσασ καταδυόμενον εἰσ τοὺσ κόλπουσ τῆσ γυναικόσ, ὡσ οὐκ ἀνδρὸσ ἀλλὰ μοιχοῦ λυσσῶντοσ οὖσαν τὴν μεθημερινὴν ἀκρασίαν. "καὶ μὴν οὐδὲ τὸ σῶμα βλάπτοιτ’ ἂν ὑπὸ τῆσ συνουσίασ μᾶλλον, ὡσ Ἐπίκουροσ οἰέται, μετὰ τὸ δεῖπνον, ἄν γε μὴ μεθύων τισ ἢ ῥηγνύμενοσ ὑπὸ πλησμονῆσ ἅπτηται καὶ βεβαρημένοσ· "ἀμέλει γὰρ οὕτωσ ἐπισφαλὲσ τὸ πρᾶγμα καὶ βλαβερόν. ἂν δ’ ἱκανῶσ ἔχων τισ αὑτοῦ καὶ μετρίωσ διακεχυμένοσ, τοῦ τε σώματοσ αὐτοῦ μαλακοῦ γεγονότοσ καὶ τῆσ ψυχῆσ παρεστώσησ, διὰ χρόνου ποιῆται τὴν ἔντευξιν, οὔτε ταραχὴν ἀπεργάζεται μεγάλην διὰ τὸν ὄγκον οὔτ’ ἄλλο τι ὧν ἐπήγαγεν ἢ ψῦξισ ἢ μετάθεσισ ἐξ ἕδρασ ἀτόμων, φησιν Ἐπίκουροσ· "ἀλλὰ τῇ φύσει τὸ οἰκεῖον ἀποδούσ , ἑαυτὸν δέ πωσ ἀπογαληνίσασ ἀναπληρώσει, νέασ ἐπιρροῆσ τοῖσ κενώμασι γιγνομένησ. "ἐκεῖνο δὲ μᾶλλον ἄξιον εὐλαβείασ, τὸ σύνεγγυσ ὄντα τῶν πράξεων ἀφροδισίοισ χρῆσθαι, μήποτ’ ἄρα μετέωρον τὸ σῶμα καὶ κεκλονημένον αἵ τε τῆσ ψυχῆσ φροντίδεσ αἵ τε περὶ τὰσ χρείασ πραγματεῖαι καὶ κόποι παραλαβόντεσ εὐθὺσ ἐκτραχύνωσιν, οὐχ ἱκανὸν ἐν μέσῳ διάλειμμα τῆσ φύσεωσ εἰσ ἀνάπαυσιν λαβούσησ . οὐ γὰρ πάντεσ, ὦ ἑταῖρε, τὴν Ἐπικούρου σχολὴν καὶ ῥᾳστώνην ὑπὸ λόγου καὶ φιλοσοφίασ ἄφθονον εἰσ ἀεὶ παρεσκευασμένην ἔχουσι· "πολλοὶ δ’ ἕκαστον ἀγῶνεσ ἐκδέχονται δι’ ἡμέρασ, γυμνάσια δ’ ὡσ ἔποσ εἰπεῖν ἅπαντασ· "οἷσ οὔτε καλὸν οὔτε συμφέρον οὕτω διακείμενον τὸ σῶμα παρέχειν λυσσώσῃ συνουσίᾳ διακεχυμένον. "τὸ δὲ μακάριον καὶ ἄφθαρτον ἔστω μὲν ὂν οἱο͂ν αὐτῷ, μὴ φροντίζον τῶν καθ’ ἡμᾶσ· "ἡμῖν δέ που νόμῳ πόλεωσ συνεπομένοισ ἐξευλαβητέον ἐστὶν εἰσ θέροσ ἐμβαλεῖν καὶ κατάρχεσθαι θυσιῶν, ὀλίγον ἔμπροσθεν διαπεπραγμένοισ τι τοιοῦτον. "ὅθεν εὖ ἔχει τὸ τὴν νύκτα καὶ τὸν ὕπνον ἐν μέσῳ θεμένουσ καὶ ποιήσαντασ ἱκανὸν διάλειμμα καὶ διάστημα καθαροὺσ αὖθισ ὥσπερ ἐξ ὑπαρχῆσ καὶ νέα ἐφ’ ἡμέρῃ φρονέοντασ κατὰ Δημόκριτον ἀνίστασθαι.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Quaestiones Convivales, book 3, Περὶ καιροῦ συνουσίασ. 18:

(플루타르코스, Quaestiones Convivales, book 3, Περὶ καιροῦ συνουσίασ. 18:)

상위

목록

SEARCH

MENU NAVIGATION