헬라어 문장 검색 - Πλυταρ́Θυαεστι

(플루타르코스, Quaestiones Convivales, book 3, Πότερον ψυχρότεραι τῇ κράσει τῶν ἀνδρῶν ἢ θερμότεραὶ εἰσιν αἱ γυναῖκεσ. 6:)

"τῶν ἐπιχειρημάτων ἐλέγχεσθαι τὸ δόγμα. "πρῶτον μὲν γὰρ ἀντέχουσι τῷ ψύχει μᾶλλον, ὅτι πολλάκισ τὸ ὅμοιον ὑπὸ τοῦ ὁμοίου δυσπαθέστερόν ἐστιν· "ἔπειτα μέντοι καὶ τὸ σπέρμα μὴ προγεγονέναι τὸ γόνιμον διὰ κατάψυξιν, ἀλλ’ ὕλην μόνον καὶ τροφὴν παρέχειν τῷ ἀπὸ τοῦ ἄρρενοσ. "ἔπειτα λήγουσι τίκτουσαι πολὺ πρότερον ἢ γεννῶντεσ οἱ ἄνδρεσ. "κάονται δὲ βέλτιον ὑπὸ πιμελῆσ, ὃ δοκεῖ ψυχρότερον εἶναι τοῦ σώματοσ· "ἥκιστα γοῦν οἱ νέοι· "καὶ γυμναστικοὶ πιμελώδεισ. "ἡ δ’ ἔμμηνοσ κάθαρσισ οὐ πλήθουσ ἀλλὰ διαφθορᾶσ καὶ φαυλότητὸσ ἐστιν αἵματοσ· "τὸ γὰρ ἄπεπτον αὐτοῦ καὶ περιττωματικὸν οὐκ ἔχον ἵδρυσιν οὐδὲ σύστασιν ἐν τῷ σώματι δι’ ἀσθένειαν ἐκπίπτει , παντάπασιν ἀμβλὺ καὶ θολερὸν ἀρρωστίᾳ τοῦ θερμοῦ γιγνόμενον. "δηλοῖ γοῦν καὶ τὸ ῥιγοῦν καὶ τὸ ὑποφρίττειν ὡσ ἐπὶ πολὺ τὰσ καθαιρομένασ, ὅτι ψυχρόν ἐστι καὶ ἄπεπτον τὸ κεκινημένον καὶ ἀποχωροῦν ἐκ τοῦ σώματοσ. "τὴν δὲ ψιλότητα τίσ ἂν εἴποι, ὅτι θερμότητοσ οὐχὶ μᾶλλον ψυχρότητόσ ἐστι τὸ πάθοσ, ὁρῶν τὰ θερμότατα τοῦ σώματοσ μέρη δασυνόμενα; "πάντα γὰρ ἐξωθεῖται τὰ τοιαῦτα τῷ θερμῷ, χαράσσοντι καὶ ἀναστομοῦντι τὴν ἐπιφάνειαν. "ἡ δὲ λειότησ πυκνότητι γέγονεν ὑπὸ ψυχρότητοσ· "ὅτι δ’ εἰσὶ πυκνότεραι τῶν ἀνδρῶν, ὦ φίλ’ Ἀθρυΐλατε, πυθοῦ παρὰ τῶν ἔτι συναναπαυομένων γυναιξὶν ἢ μύρον ἀληλιμμέναισ ἢ ἔλαιον· "ἀναπίμπλανται γὰρ αὐτοῦ τοῦ χρίσματοσ ἐν τῷ συγκαθεύδειν, κἂν μὴ θίγωσι μηδὲ προσάψωνται τῶν γυναικῶν, διὰ θερμότητα καὶ μανότητα τοῦ σώματοσ ἕλκοντοσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Quaestiones Convivales, book 3, Πότερον ψυχρότεραι τῇ κράσει τῶν ἀνδρῶν ἢ θερμότεραὶ εἰσιν αἱ γυναῖκεσ. 6:

(플루타르코스, Quaestiones Convivales, book 3, Πότερον ψυχρότεραι τῇ κράσει τῶν ἀνδρῶν ἢ θερμότεραὶ εἰσιν αἱ γυναῖκεσ. 6:)

상위

목록

SEARCH

MENU NAVIGATION