헬라어 문장 검색 - Πλυταρ́Θυαεστι

(플루타르코스, Quaestiones Convivales, book 3, Περὶ τοῦ κιττοῦ πότερον τῇ φύσει θερμὸσ ἢ ψυχρόσ ἐστιν. 2:)

"πλὴν ὅ τε κιττὸσ οὐκ οἶδ’ ὅπωσ συγκαταπέπλεκται ψυχρότητι συγκατασβεννύναι λεγόμενοσ τὸν ἄκρατον · "ἔστι γὰρ ἔμπυροσ καὶ θερμότεροσ, καὶ ὅ γε καρπὸσ; "αὐτοῦ μιγνύμενοσ εἰσ τὸν οἶνον μεθυστικὸν ποιεῖ καὶ ταρακτικὸν τῷ πυροῦθαι· "τὸ δὲ κλῆμα λέγουσιν αὐτοῦ σπώμενον ὥσπερ τἀν πυρὶ ξύλα συνδιαστρέφεσθαι. "χιὼν δὲ πολλάκισ ἡμέρασ συχνὰσ ἐπιμένουσα τοῖσ ἄλλοισ φυτοῖσ φεύγει τάχιστα τὸν κιττόν· "μᾶλλον δ’ ὅλωσ εὐθὺσ ἀπόλλυται καὶ περιτήκεται περὶ αὐτὸν ὑπὸ θερμότητοσ. "ὃ δὲ μέγιστόν ἐστιν ὑπὸ Θεοφράστου δ’ ἱστόρηται, Ἀλεξάνδρου κελεύσαντοσ Ἑλληνικὰ δένδρα τοῖσ ἐν Βαβυλῶνι παραδείσοισ ἐμβαλεῖν Ἅρπαλον, μάλιστα δέ, τῶν τόπων ἐμπύρων ὄντων καὶ περιφλεγόντων, τὰ ἀλσώδη καὶ εὐπέταλα καὶ σκιερὰ δ καταμῖξαι τοῖσ φυτοῖσ, μόνον οὐκ ἐδέξατο τὸν κιττὸν ἡ χώρα, καίτοι πολλὰ τοῦ Ἁρπάλου πραγματευομένου καὶ προσφιλονεικοῦντοσ· "ἀλλ’ ἀπώλλυτο καὶ κατεξηραίνετο τῷ πυρώδησ μὲν αὐτὸσ εἶναι, πρὸσ πυρώδη δὲ μίγνυσθαι γῆν οὐ λαμβάνων κρᾶσιν ἀλλ’ ἐξιστάμενοσ, αἱ γὰρ ὑπερβολαὶ φθείρουσι τὰσ δυνάμεισ· "διὸ τῶν ἐναντίων μᾶλλον ὀρέγονται; "καὶ φιλόθερμόν ἐστι τὸ ψυχρὸν καὶ φιλόψυχρον τὸ θερμόν ὅθεν οἱ ὄρειοι καὶ πνευματώδεισ καὶ νιφόμενοι τόποι τὰ δᾳδώδη καὶ πισσοτρόφα τῶν φυτῶν, μάλιστα πεύκασ καὶ στροβίλουσ, ἐκφέρουσιν. "ἄνευ δὲ τούτων, ὦ φίλε Τρύφων, τὰ δύσριγα καὶ ψυχρὰ φυλλορροεῖ, μικρότητι τοῦ θερμοῦ καὶ ἀσθενείᾳ συστελλομένου καὶ προλείποντοσ τὸ φυτόν· "ἐλαίαν δὲ καὶ δάφνην καὶ κυπάριττον ἀειθαλῆ διαφυλάσσει τὸ λιπαρὸν καὶ. τὸ θερμὸν ὥσπερ τὸν κιττόν. ὅθεν ὁ φίλτατοσ Διόνυσοσ οὐχ ὡσ βοηθὸν ἐπὶ τὴν μέθην οὐδ’ ὡσ πολέμιον τῷ οἴνῳ τὸν κιττὸν ἐπήγαγεν· "ὅσ γε τὸν ἄκρατον ἄντικρυσ μέθυ καὶ μεθυμναῖον αὐτὸσ αὑτὸν ὠνόμασεν. "ἀλλά μοι δοκεῖ καθάπερ οἱ φίλοινοι, μὴ παρόντοσ ἀμπελίνου, κριθίνῳ χρῶνται πώματι, καὶ μηλίτασ τινάσ, οἱ δὲ φοινικίνουσ οἴνουσ ποιοῦσιν· "οὕτω καὶ ὁ ποθῶν χειμῶνοσ ὡρ́ᾳ τὸν ἀπὸ τῆσ ἀμπέλου στέφανον, ὡσ ἐκείνην ἑώρα γυμνὴν καὶ ἄφυλλον, ἀγαπῆσαι τὴν ὁμοιότητα τοῦ κιττοῦ. καὶ γὰρ τοῦ κλήματοσ τὸ ἑλικῶδεσ τοῦτο καὶ σφαλλόμενον ἐν τῇ πορείᾳ καὶ τοῦ πετάλου τὸ ὑγρὸν καὶ περικεχυμένον ἀτάκτωσ, μάλιστα δ’ αὐτὸσ ὁ κόρυμβοσ ὄμφακι πυκνῷ καὶ περκάζοντι προσεοικώσ, ἐκμεμίμηται τὴν τῆσ ἀμπέλου διάθεσιν. "οὐ μὴν ἀλλὰ κἂν βοηθῇ τι πρὸσ μέθην ὁ κιττόσ, θερμότητι τοῦτο ποιεῖν φήσομεν αὐτὸν ἀνοίγοντα τοὺσ πόρουσ ἢ συνεκπέττοντα μᾶλλον τὸν ἄκρατον, ἵνα καὶ μένῃ σὴν χάριν, ὦ Τρύφων, ἰατρὸσ ὁ Διόνυσοσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Quaestiones Convivales, book 3, Περὶ τοῦ κιττοῦ πότερον τῇ φύσει θερμὸσ ἢ ψυχρόσ ἐστιν. 2:

(플루타르코스, Quaestiones Convivales, book 3, Περὶ τοῦ κιττοῦ πότερον τῇ φύσει θερμὸσ ἢ ψυχρόσ ἐστιν. 2:)

상위

목록

SEARCH

MENU NAVIGATION