헬라어 문장 검색 - Πλυταρ́Θυαεστι

(플루타르코스, Quaestiones Convivales, book 3, chapter 0)

"εἰ μὲν ἠλίθιοσ εἶ, σοφὸν πρᾶγμα ποιεῖσ εἰ δὲ σοφόσ, ἠλίθιον. "κρύπτειν, ἔργον δὲ ἐν ἀνέσει καὶ παρ’ οἶνον" ὅστ’ ἐφέηκε πολύφρονά περ μάλ’ ἀεῖσαι, καὶ θ’ ἁπαλὸν γελάσαι καὶ τ’ ὀρχήσασθαι ἀνῆκε· καί τι ἔποσ προέηκεν, ὅπερ τ’ ἄρρητον ἄμεινον·

οἰνώσεωσ ἐνταῦθα τοῦ ποιητοῦ καὶ μέθησ, ὡσ ἐμοὶ δοκεῖ, διαφορὰν ὑποδεικνύντοσ. ᾠδὴ μὲν γὰρ καὶ γέλωσ καὶ ὄρχησισ οἰνωμένοισ μετρίωσ ἔπεισι· τὸ δὲ λαλεῖν καὶ λέγειν, ἃ βέλτιον ἦν σιωπᾶν, παροινίασ ἢδη καὶ μέθησ ἔργον ἐστί.

οὐδὲ τραπέζῃ γνώτην ἀλλήλων δῆλόσ ἐστιν εἰδὼσ τὸ πολύφωνον τοῦ οἴνου καὶ λόγων πολλῶν γόνιμον.

οὐ γὰρ ἔστι τρωγόντων σιωπῇ καὶ πινόντων γνῶσισ·

ἀλλ’ ὅτι τὸ πίνειν εἰσ τὸ λαλεῖν προάγεται, τῷ δὲ λαλεῖν ἐμφαίνεται καὶ τῷ ἀπογυμνοῦσθαι πολλὰ τῶν ἄλλωσ λανθανόντων, παρέχει τινὰ τὸ συμπίνειν καὶ κατανόησιν ἀλλήλων· "τί τὰσ θυρίδασ, ὦ μακάριε, ζητεῖσ ἐκείνασ, δι’ ὧν ἄλλοσ;

"ἄλλου κατόψεται τὴν διάνοιαν; "ὁ γὰρ οἶνοσ ἡμᾶσ ἀνοίγει καὶ δείκνυσιν οὐκ ἐῶν ἡσυχίαν ἄγειν, ἀλλ’ ἀφαιρῶν τὸ πλάσμα καὶ τὸν σχηματισμόν, ἀπωτάτω τοῦ νόμου καθάπερ παιδαγωγοῦ γεγονότων. Αἰσώπῳ μὲν οὖν καὶ Πλάτωνι, καὶ εἴ τισ ἄλλοσ ἐξετάσεωσ τρόπου δεῖται, πρὸσ τοῦτο χρήσιμον ὁ ἄκρατοσ·

οἱ δὲ μηδὲν ἀλλήλουσ βασανίζειν δεόμενοι μηδὲ καταφωρᾶν ἀλλ’ ἢ χρῆσθαι φιλοφρόνωσ, τὰ τοιαῦτα προβλήματα καὶ τοὺσ λόγουσ ἄγουσι συνιόντεσ, οἷσ ἀποκρύπτεται τὰ φαῦλα τῆσ ψυχῆσ, τὸ δὲ βέλτιστον ἀναθαρρεῖ καὶ τὸ μουσικώτατον, ὥσπερ ἐπὶ λειμῶνασ οἰκείουσ καὶ νομὰσ ὑπὸ φιλολογίασ προερχόμενον.

ὅθεν καὶ ἡμεῖσ τρίτην δεκάδα ταύτην σοι πεποιήμεθα συμποτικῶν ζητημάτων, τὸ περὶ τῶν στεφάνων πρῶτον ἔχουσαν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Quaestiones Convivales, book 3, chapter 0

(플루타르코스, Quaestiones Convivales, book 3, chapter 0)

상위

목록

SEARCH

MENU NAVIGATION